Echequié 21:23 - Tupanaarü Ore

²³ Natürü nüma i ngẽma Yerucharéü̃cüã̱xgü rü tá nagu narüxĩnüe nax wüxi i doramare yixĩxü̃ i ngẽma nüxü̃ quixuxü̃. Erü nümagü rü tá nagu nayaxõgü i ngẽma uneta ga Babiróniaanearü ãẽ̱xgacümaxã naxügüxü̃. Natürü ngẽma Yerucharéü̃cüã̱xgü rü tama nayanguxẽxẽ i ngẽma uneta rü ngẽmaca̱x i nüma i Babiróniaanearü ãẽ̱xgacü rü tá ínanayauxü̃.

Echequié 21:23 Referans Kwoze

Iraétanüxü̃arü muxchiga 5:15

Rü woo chixexü̃ naxü̱xgu rüe̱xna tama chixexü̃ naxü̱xgu, rü tá chacherdótexü̃tawa ngĩxü̃ naga. Rü taxre i quíru naguxü̃ i chebádaarü arína tá ngéma nange Tupanaarü ãmareruxü̃. Natürü taxũtáma chíxü̃ nagu naba rüe̱xna pumarate̱xe nagu nagü i ngẽma arína, erü ngẽma ãmare rü nayugütaeca̱x nixĩ rü pecadu i cúxü̃ nax ngóxü̃ca̱x nixĩ.

Echequié 29:16

Rü ngẽma Iraétanüxü̃ rü marü taxũtáma wena Equítuanecüã̱xgügu narüxĩnüe. Erü marü tá nüxü̃ nicua̱xãchitanü nax poraãcü ínatüexü̃ ga yexguma Equítuanearü ngü̃xẽẽca̱x nadaugügu. Rü ngẽmaãcü tá nüxü̃ nicua̱xãchitanü nax choma yixĩxü̃ i Iraétanüxü̃arü Cori ya Tupana’ ” —ñanagürü.

Echequié 21:24

Rü ngẽmaca̱x i choma ya Cori ya Tupana rü ñacharügü: “Chope̱xewa rü meama nango̱x i ngẽma perü chixexü̃gü rü ngẽma perü máetagü. Rü guxü̃ma ga yema pecadugü ga pexügüxü̃ rü meama nango̱x. Rü ngẽmaca̱x i perü uanügü rü tá pexü̃ ínayauxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:19

Rü guma ĩane ga taxü̃ne ga Babirónia, rü tomaepü̱xgu ningüxyeane. Rü guma ĩanegü ga ñoma ga naanewa yexmagüne rü niwa̱xgü ga norü ĩgü. Rü Tupana rü norü chixexü̃ca̱x nüxna nacua̱xãchi ga guma ĩane ga Babirónia. Rü yemaca̱x norü numaxã poraãcü nanapoxcu ga guma ĩane, yerü poraãcüxüchi namaxã nanu.

Echequié 11:3

Rü nümagü ga yema yatügü rü ñanagürügü: “Tama name nax paxa wena namexẽẽãxü̃ ya Yerucharéü̃arü ĩpatagü. Rü ñoma buetare i namachi nawa ngẽxmaxü̃rüxü̃ nixĩ ya daa ĩane nax mea ípoxexü̃güxü̃. Rü yíxema rü ñoma namachirüxü̃ tixĩgü nax mea tüxü̃ ínapoxü̃xü̃ ya daa ĩane”, ñanagürügü. ¡Rü ngẽmaca̱x chauégagu namaxã idexa! —ñanagürü ga Tupana.

Norü taxre ga to ga popera ga ãẽ̱xgacügüchiga ümatüxü̃ 36:13

Rü naétü tama nayanguxẽxẽ ga norü uneta ga Tupanaégagu Babiróniaanearü ãẽ̱xgacü ga Nabucudonochómaxã nüxü̃ yaxuxü̃ nax nüxü̃ tá nangü̃xẽẽxü̃. Rü nüma ga Chedequía rü poraãcü nügü nanuxẽxẽ nax tama Cori ya Iraétanüxü̃arü Tupanaga naxĩnüxü̃ca̱x.

Norü taxre ga popera ga ãẽ̱xgacügüchiga 24:20

Rü yemaca̱x ga nüma ga Cori ya Tupana rü ĩane ga Yerucharéü̃cüã̱xgümaxã rü Yudátanüxü̃maxã nanu rü nügüpe̱xewa ínanawoxü̃.

Nüxíraxü̃xü̃ ga popera ga ãẽ̱xgacügüchiga 17:18

Rü yexguma ga ngĩma ga yema yutecü rü Eríaxü̃ ngĩgürügü: —¿Ta̱xacü chomaxã cuxü, Pa Tupanaarü Orearü Ngeruxü̃x? ¿Rü nua cuxũ nax choxna nüxü̃ cucua̱xãchixẽẽxü̃ i chorü chixexü̃gü rü ngẽmagagu cunayuxẽẽxü̃ ya chaunex? —ngĩgürügü.