Echequié 21:21 - Tupanaarü Ore

²¹ Rü nüma i Babiróniaanearü ãẽ̱xgacü rü marü ngẽma nama i íyataxrepü̱xü̃wa nangu rü ngéma nayachaxãchi. Rü nagu narüxĩnü nax ngexü̃rüüxü̃ i namawa tá naxũxü̃. Rü nüma rü tá nanawonagütanü ya naxnegü, rü tá norü tupananetachicüna̱xãgüarü ucu̱xẽca̱x ínaca, rü tá nanangugü i nacagü i naeü̃gü nax ngẽmaãcü nüxü̃ nacuáxü̃ca̱x nax ngexnerüxüne ya ĩaneca̱x tá íyaxü̃ãchixü̃.

Echequié 21:21 Referans Kwoze

Ucu̱xẽgüchiga 16:33

Nüma ya yatü rü nümatama nagu naxĩnüxü̃ãcüma nanaxü i ngẽma naxüxchaü̃xü̃, natürü ngẽma Cori ya Tupana naxwa̱xexü̃ãcü tá nixĩ i ínanguxuchixü̃.

Ãẽ̱xgacügü ga guxchaxü̃güarü mexẽxẽruü̃gü 18:20

Rü yema rü norü me nixĩ ga gumá chacherdóte. Rü nanayaxu ga yema naxchicüna̱xã ga diẽrumümaxã tüxünexü̃ rü yema efóx rü yema natanüxü̃arü tupanachicüna̱xãgü, rü nawe narüxũ ga yema Dáü̃tanüxü̃.

Ãẽ̱xgacügü ga guxchaxü̃güarü mexẽxẽruü̃gü 17:5

Yerü nüma ga Micaía rü napatawa nüxü̃́ nayexma ga wüxi ga nachica ga naxchicüna̱xãgüxü̃mare nawa yacua̱xüüxü̃. Rü yema nachicawa rü nüxü̃́ nayexma ga toamachigü ga naxchicüna̱xãgü rü wüxi ga naxchiru ga chacherdótearü efóx ixĩxü̃. Rü ñu̱xũchi wüxi ga nanexü̃ naxuneta nax norü chacherdóte yixĩxü̃ca̱x.

Naanearü ügüchiga 31:30

Natürü ngẽxguma cunaxwa̱xexüchigu nax cunatüca̱x cutaeguxü̃ rü ngẽmaca̱x yixĩxgu nax quixũxü̃ i ñu̱xmax ¿rü tü̱xcüü̃ i chorü tupanachicüna̱xãgüca̱x cungĩ́xü̃? —ñanagürü.

Naanearü ügüchiga 31:19

Rü yexguma tóxnamana norü carnérugüarü yoü̃ta̱xawa naxũyane ga Labáü̃, rü ngĩma ga Raqué rü yoxni naxca̱x ingĩ̱x ga ngĩnatüarü tupanachicüna̱xãgü ga nutagünaxca̱x.

Ngechuchuarü ngúexü̃gü ga yamugüxü̃arü puracüchiga 16:16

Rü wüxi ga ngunexü̃gu ga yexguma yumüxẽwa taxĩxgu ga tomax, rü yexma ngĩxü̃ tayangau ga wüxi ga pacü ga ngo̱xo ngĩwa yexmacü. Rü yema pacü rü corigü ngĩxme̱xwa diẽru ngĩxü̃ nayauxgü, yerü ngĩma rü duü̃xü̃gümaxã nüxü̃ iyaxu nax ta̱xacü tá yixcüra nangupetüxü̃. Rü yemaca̱x ga duü̃xü̃gü rü diẽrumaxã ngĩxü̃́ nanaxütanü, rü yemagu poraãcü diẽru ngĩxü̃ iyaxu naxca̱x ga ngĩrü corigü.

Chacaría 10:2

Rü ngẽma tupananetachicünã̱xgüarü ore rü doramare nixĩ. Rü ngẽma nüxü̃ nadaugüxü̃ i ngẽma ẽxü̃guxü̃arü uruü̃gü rü tagutáma ningu. Rü nanegümaxã duü̃xü̃güxü̃ nawomüxẽẽgü rü ngẽma norü ore i pexü̃ namaxã nataãẽxẽẽxü̃ rü natüca̱xmamare nixĩ. Rü ngẽmaca̱x nixĩ i duü̃xü̃gü rü tama aixcüma cua̱xwa nangugüxü̃ rü nu ne naxĩmarexü̃ ñoma carnérugü i ngearü dauruü̃ã́xü̃rüxü̃.

Ochéa 4:12

Rü ngẽma chorü duü̃xü̃gü rü ínatüe erü naxchicüna̱xãgü i nainaxca̱xmare ixĩgüxü̃na nacagü nachiga i ta̱xacü tá yixcüra ngupetüxü̃. Rü naxü̃nearü ngúchaü̃, rü nüxü̃ napora, rü ngẽmagagu ngexü̃gü i ngĩxü̃nemaxã taxegüxü̃maxã namaxẽ rü ngẽmaãcü choxna nixĩgachitanü.

Ochéa 3:4

Rü yemaacü ga Tupana rü yema Iraéanecüã̱xgüxü̃ nüxü̃ nacua̱xẽxẽ i ta̱xacü tá namaxã ngupetüxü̃. Rü mucü ya taunecü rü to i nachixü̃anegügu tá nawoone rü to i nachixü̃anearü ãẽ̱xgacü rü tá namaxã inacua̱x. Rü ngẽmaca̱x i ngẽma Iraéanecüã̱xgü rü tá nüxü̃́ nataxuma i noxrütama ãẽ̱xgacü, rü bai i ãẽ̱xgacü nane, rü bai i norü chacherdótegü, rü bai i norü chacherdótegüchiru, rü bai i norü ãmarearü guruügü, rü bai i norü tupanachicüna̱xãgü.

Ucu̱xẽgüchiga 21:1

Ngẽma ãẽ̱xgacüarü ĩnü, rü Tupaname̱xẽwa nangẽxma, rü nüma ya Tupana naxwa̱xexü̃acü nayaxũxẽxẽ, ñoma wüxi i natü ya Tupana naxwa̱xexü̃wa yáxü̃rüxü̃.

Ucu̱xẽgüchiga 16:10

Ngẽma poxcu i ãẽ̱xgacü ueguxü̃ rü Tupanawa ne naxũ. Rü ngẽmaca̱x tama ínatü ega texémaxã poxcu naxuegugu.

Norü taxre ga popera ga ãẽ̱xgacügüchiga 23:24

Rü nüma ga Yochía rü inayanaxoxẽxẽ ga yuü rü ta̱xacü ga ẽxü̃guxü̃xü̃ cuáxü̃. Rü yexgumarüxü̃ ta inayanaxoxẽxẽ ga yema tupananetachicüna̱xãgü ga wüxichigü ga ĩpatawa yexmaxü̃, rü guxü̃raxü̃xü̃ ga yema tupananetagüarü yemaxü̃gü ga duü̃xü̃gü namaxã nüxü̃ icua̱xüü̃güxü̃ ga Yudáanewa rü Yerucharéü̃wa. Rü yemaacü nanaxü ga Yochía yerü aixcüma naga naxĩnü ga guxü̃ma ga yema mugüpane ga chacherdóte ga Irichía Tupanapata ga taxü̃negu nüxü̃ iyangauxü̃.

1 Chamué 15:23

Rü yíxema tama Tupanaga ĩnüxe rü ñomatama tayuüxü̃rüxü̃ poraãcü chixexü̃ taxü i Tupanape̱xewa. Rü yíxema chixri Tupanaga ĩnüxe rü ñomatama tupananetaxü̃ ticua̱xüü̃rüxü̃ chixexü̃ taxü. Rü dücax, rü ñu̱xma nax nüxü̃ cuxoxü̃ i norü mugü, rü nüma ya Tupana rü cuxü̃ naxo nax Iraéanecüã̱xgüarü ãẽ̱xgacü quixĩxü̃ —ñanagürü ga Chamué.

Ãẽ̱xgacügü ga guxchaxü̃güarü mexẽxẽruü̃gü 18:24

Rü nüma ga Micaía rü nanangãxü̃ rü ñanagürü: —Pemax rü chorü tupanachicüna̱xã ga choma íchaxüxüxü̃ pina, rü ñu̱xũchi peyaga ya chorü chacherdóte. Rü ngẽmaãcü taxuxü̃maama nua choxü̃ peta̱x. Rü naétü choxna pecaama rü: “¿Ta̱xacü cuxü̃ nangupetü?” ñapegüxü̃ choxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 18:18

Rü yexguma nüma ga chacherdóte nüxü̃ da̱u̱xgu ga yema 5 ga ngugütaeruü̃gü nax Micaíapatagu nachocuxü̃ rü nayauxgüãxü̃ ga yema naxchicüna̱xã ga diẽrumümaxã tüxünexü̃ rü yema efóx rü nax nadeaxü̃ ga natanüxü̃arü tupanachicüna̱xãgü. Rü nüma ga chacherdóte rü ñanagürü nüxü̃: —¿Ta̱xacü ípexüe? —ñanagürü.

Ãẽ̱xgacügü ga guxchaxü̃güarü mexẽxẽruü̃gü 18:14

Rü nümagü ga yema 5 ga yatügü ga Láiarü naanewa ngugütaewa ne ĩxü̃ rü namücügüxü̃ ñanagürügü: —¿Nüxü̃ pecuáxü̃ nax ta̱xacü ngẽxmaxü̃ ya daa ĩwa? Daa ĩpatawa rü nangẽxma i wüxi i efóx rü ñuxre i tupanachicüna̱xãgü rü ñu̱xũchi wüxi i naxchicüna̱xã i naiwa üxü̃ i diẽrumümaxã tüxünexü̃. ¿Rü ta̱xacü tá pexüxü̃ i ñu̱xma? —ñanagürügü.

Wenaxarü naxümatü ga Tupanaarü mugü 18:10

Rü tama name i texé i petanüwa rü tümaxacüxü̃ itamu nax ngẽma duü̃xü̃güarü tupanaca̱x tayaguxü̃, rü bai i nagu tixũxü̃ i ngẽma nawa nüxü̃ icuáxü̃ i ngẽma ẽxü̃guxü̃, rü bai i nagu tixũxü̃ nax tayuüxü̃, rü bai i nagu tixũxü̃ nax toguxexü̃ tachixexẽẽxü̃.

Iraétanüxü̃arü muxchiga 23:28

Rü yemaacü ga Baláx rü ma̱xpǘne ga Peúgu ãéganewa Balaáü̃xü̃ naga. Rü yéma nixĩ ga meama naétü idauxü̃ ga guxü̃ma ga yema chianexü̃.

Iraétanüxü̃arü muxchiga 23:23

Rü taxucürüwa i yuüxü̃arü poramaxã tanachixexẽxẽ i ngẽma Acóbuarü duü̃xü̃gü, rü taxucürüwama ta̱xacürü chixexü̃maxã tanachixexẽxẽ i ngẽma Iraétanüxü̃. Rü ngẽmaca̱x i duü̃xü̃gü rü tá nüxü̃ nixugüe nax poraãcü Tupana nüxü̃ rüngü̃xẽẽxü̃ i ngẽma Iraétanüxü̃ i Acóbuarü duü̃xü̃gü ixĩgüxü̃, rü ñanagürügü tá: “Tupana rü taxü̃ i norü poramaxã ínananguxü̃xẽxẽ nawa ga yema taxü̃ ga norü guxchaxü̃ ga nüxü̃́ yexmagüxü̃”, ñanagürügü tá.

Iraétanüxü̃arü muxchiga 22:7

Rü yexguma ga yema Moáanecüã̱xgü rü Madiáü̃anecüã̱xgüarü ãẽ̱xgacügü rü diẽrumaxã Balaáü̃xü̃tawa naxĩ nax naxütanügüãxü̃ca̱x nax chixexü̃ Iraétanüxü̃maxã naxueguxü̃ca̱x. Rü yexguma Balaáü̃xü̃tawa nangugügu, rü namaxã nüxü̃ nixugügü ga Baláxarü ore.

Ore i mexü̃ ga Matéu ümatüxü̃ 22:9

¡Rü yea ĩanearü namagü i taxü̃wa pexĩ, rü nüxna peyaxu i guxü̃ i duü̃xü̃gü i ngéma nüxü̃ pedauxü̃, nax núma chorü petawa naxĩxü̃ca̱x!” ñanagürü.

Ãẽ̱xgacügü ga guxchaxü̃güarü mexẽxẽruü̃gü 18:17

Rü nüma ga yema Micaíaarü chacherdóte rü ĩã̱xwa nayexma namaxã ga yema 600 ga churaragü. Rü yexgumayane ga yema 5 ga ngugütaewa ĩxü̃ rü nichocu nawa ga guma Micaíapata. Rü nanayauxgü ga yema naxchicüna̱xã ga diẽrumümaxã tüxünexü̃ rü yema efóx. Rü nanade ta ga guma ĩpatacüã̱xarü tupanachicüna̱xãgü.