Echequié 21:17 - Tupanaarü Ore

¹⁷ Rü choma ya Cori ya Tupana rü tá chanapépüne i ngẽma tara. Rü tá namáeta ñu̱xmatáta nangupetü i chorü nu. Rü choma nixĩ i nüxü̃ chixuxü̃ i ngẽma —ñanagürü choxü̃ ya Tupana.

Echequié 21:17 Referans Kwoze

Echequié 5:13

Rü choma rü chorü numaxã tá chanapoxcue, rü ngẽxgumaxica tá nixĩ i charüngüxmüxü̃. Rü nawena nax chorü numaxã ngẽma duü̃xü̃güxü̃ chapoxcuxü̃, rü tá nüxü̃ nicua̱xãchitanü nax choma ya Cori ya Tupana chixĩxü̃ ga chorü numaxã namaxã chanaxueguxü̃ ga yema poxcu.

Echequié 21:14

Rü ñanagürü ta: —Cumax, Pa Yatüx, ¡chauégagu nüxü̃ ixu i ngẽma tá ngupetüxü̃, rü curü péxme̱xmaxã nüxü̃́ nangúchaü̃xẽxẽ i ngẽma tara! Rü ngẽma tara rü tá poraãcü nanapi̱xẽxẽ i duü̃xü̃gü. Erü wüxi i tara i dairuxü̃ nixĩ rü guxü̃wama tá duü̃xü̃güxü̃ naxãũxunexẽxẽ.

Chacaría 6:8

Rü yemawena rü nüma ga yema Tupanaarü orearü ngeruxü̃ i daxũcüã̱x rü choxü̃ ñanagürü: —Dücax, rü ngẽma cowarugü i ngẽma nachixü̃ane i nórtewa ngẽxmaxü̃waama ĩxü̃, rü ngéma naxĩ nax ngẽma nachixü̃anewa Tupanaxü̃ yanangüxmüxẽẽgüxü̃ca̱x —ñanagürü.

Echequié 22:13

Rü ñanagürü ta: —Pa Yerucharéü̃x, rü ngẽma nax nangĩ́xü̃ rü namáetaxü̃ i curü duü̃xü̃gü, rü poraãcü cumaxã chanu.

Echequié 16:42

Rü ngẽxguma tá nixĩ i cumaxã icharüngü̃xmüxü̃ nax cumaxã chanuxü̃ rü cuxü̃ chinuxuxü̃. Rü ngẽxguma tá nixĩ i choxü̃ nangupetüxü̃ nax cumaxã chanuxü̃.

Ichaía 1:24

Rü ngẽmaca̱x ya Cori ya Tupana ya Guxãétüwa Ngẽxmacü ya Iraétanüxü̃arü Tupana ya poraxüchicü, rü ñanagürü: —Ñu̱xma i choma rü tá nüxü̃́ chaxütanü i chorü uanügü naxca̱x i ngẽma chixexü̃ i naxügüxü̃. Rü tá chanapoxcue.

Wenaxarü naxümatü ga Tupanaarü mugü 28:63

Rü yexgumarüxü̃ nax Cori ya Tupana cutanüxü̃maxã taãẽxü̃ ga noxri rü mexü̃ naxca̱x naxüxü̃ rü yamuxẽẽãxü̃, rü ngẽxgumarüxü̃ ta norü taãxẽ tá nixĩ nax iyanaxoxẽẽãxü̃. Rü tá nawa ínanawoxü̃ i ngẽma naane i nawa tá nangẽxmagüxü̃.

Iraétanüxü̃arü muxchiga 24:10

Rü yemaxü̃ naxĩnügu ga Baláx rü poraãcü Balaáü̃maxã nanuxũchi, rü napéme̱xẽãcümaxã ñanagürü: —Choma rü cuxca̱x changema nax chixexü̃ namaxã cuxueguxü̃ca̱x i ngẽma chorü uanügü, natürü marü tomaepü̱xcüna nixĩ nax mexü̃ namaxã cuxueguxü̃.

Echequié 21:16

Rü cumax, Pa Tarax i Mea Waixmaguxü̃x, ¡curü tügünecüwawa ngẽxmagüxü̃ i duü̃xü̃gü rü curü to̱xwecüwawa ngẽxmagüxü̃ i duü̃xü̃gü rü nadai!

Echequié 21:18

Rü nüma ga Cori ya Tupana rü chomaxã nidexa rü ñanagürü:

Yeremía 6:25

¡Rü taxṹ i naanewa pexĩxü̃! ¡Rü taxṹ i namagüwa pexĩxü̃! Erü ngẽma uanügü rü nixãxne. Rü guxü̃wama nangẽxma i muü̃ —ñanagürügü.

Yeremía 31:19

Toma rü cuxna tixĩgachitanü, natürü marü nüxü̃ tarüxoe i torü chixexü̃gü. Rü nüxü̃ ticua̱xãchitanü nax chixexü̃ taxügüxü̃, rü togü tatigüremügü naxcha̱xwa i torü pecadugü. Rü poraãcü taxãnee rü ngúxü̃ tingegü nagagu ga yema pecadugü ga taxügüxü̃ ga yexguma tangextü̱xügügu” —ñanagürügü.

Echequié 36:31

Rü ngẽxguma tá nüxna pecua̱xãchiegu ga yema pecüma ga chixexü̃ rü yema chixexü̃gü ga pexügüxü̃, rü pema rü tá pegücha̱xwa pexãnee naxca̱x ga yema pecadugü rü chixexü̃gü ga pexügüxü̃.