Echequié 21:14 - Tupanaarü Ore

¹⁴ Rü ñanagürü ta: —Cumax, Pa Yatüx, ¡chauégagu nüxü̃ ixu i ngẽma tá ngupetüxü̃, rü curü péxme̱xmaxã nüxü̃́ nangúchaü̃xẽxẽ i ngẽma tara! Rü ngẽma tara rü tá poraãcü nanapi̱xẽxẽ i duü̃xü̃gü. Erü wüxi i tara i dairuxü̃ nixĩ rü guxü̃wama tá duü̃xü̃güxü̃ naxãũxunexẽxẽ.

Echequié 21:14 Referans Kwoze

Norü taxre ga popera ga ãẽ̱xgacügüchiga 24:1

Rü yexguma Yoaquíü̃ Yudáanewa ãẽ̱xgacü yixĩxgu, rü nüma ga Babiróniaanearü ãẽ̱xgacü ga Nabucudonochó rü Yudáanegu naxücu nax yapuãxü̃ca̱x ga norü ĩane ga Yerucharéü̃. Rü nüma ga Yoaquíü̃ rü tomaepü̱x ga taunecü Nabucudonochóme̱xẽwa nayexma rü nüxü̃́ nanaxütanü ga yema taxü̃ ga diẽru ga naxca̱x ínacaxü̃. Natürü ga yixcamaxü̃ra rü togu narüxĩnü rü yemaca̱x Nabucudonochómaxã nanu rü tama nanaxütanü ga yema diẽru.

Iraétanüxü̃arü muxchiga 24:10

Rü yemaxü̃ naxĩnügu ga Baláx rü poraãcü Balaáü̃maxã nanuxũchi, rü napéme̱xẽãcümaxã ñanagürü: —Choma rü cuxca̱x changema nax chixexü̃ namaxã cuxueguxü̃ca̱x i ngẽma chorü uanügü, natürü marü tomaepü̱xcüna nixĩ nax mexü̃ namaxã cuxueguxü̃.

Echequié 6:11

Rü yemawena ga nüma ga Cori ya Tupana rü choxü̃ ñanagürü: —¡Ẽcü curü ngechaü̃maxã napéxme̱x rü cucutümaxã ipu̱xnecüxü! ¡Rü aixta naxü naxcha̱xwa i ngẽma Iraétanüxü̃arü taxü̃ i chixexü̃gü! Rü nümagü rü tá daigu rü taiyamaxã rü da̱xaweanemaxã nayue.

Lebítanüxü̃arü puracüchiga 26:21

Rü ngẽxguma peyadaxẽẽgu nax tama chauga pexĩnüexü̃, rü choma rü wena tá 7 e̱xpü̱xcüna pexü̃ chapoxcue naxca̱x i ngẽma pecadugü i pexüxü̃.

Amúx 9:2

Rü woo waixü̃müarü ãxmaxü̃gu yacu̱xgügu rü ngéma tá íchanawoxü̃ama. Rü woo ma̱xpǘnetape̱xegu naxĩgügu rü ngéma rü tá íchanaxĩgüxẽxẽama.

Danié 3:19

Rü yema orexü̃ naxĩnügu ga Nabucudonochó, rü nanadeãchichiwe yerü yema tomaepü̱x ga ngextü̱xüxü̃gümaxã poraãcü nanu. Rü norü duü̃xü̃güxü̃ namu nax 7 e̱xpü̱xcüna naxüxüxü̃güãxü̃ca̱x ga yema poxcuchicaxü̃ ga iya̱u̱xraxü̃ nax yemaacü nanaxichixü̃ca̱x.

Echequié 21:17

Rü choma ya Cori ya Tupana rü tá chanapépüne i ngẽma tara. Rü tá namáeta ñu̱xmatáta nangupetü i chorü nu. Rü choma nixĩ i nüxü̃ chixuxü̃ i ngẽma —ñanagürü choxü̃ ya Tupana.

Echequié 8:12

Rü yexguma ga nüma ya Tupana rü choxna naca rü ñanagürü choxü̃: —¿Nüxü̃ cudauxü̃ i ngẽma Iraétanüxü̃arü ãẽ̱xgacügü cúãcü norü tupananetachicüna̱xãgüpe̱xegu ixügüxü̃? Rü wüxichigü i ngẽma ãẽ̱xgacügü rü ngéma ẽanexü̃wa noxrütama tupananetachicüna̱xãxü̃ nicua̱xüü̃gü. Rü nümagü rü nagu naxĩnüegu nax choma rü marü nüxna chixũgachixü̃ i ngẽma nachixü̃ane, rü ngẽmaca̱x marü tama nüxü̃ chadauxü̃ i ngẽma inaxügüxü̃ —ñanagürü choxü̃.

Nüxíraxü̃xü̃ ga popera ga ãẽ̱xgacügüchiga 22:25

Rü nüma ga Micaía rü nanangãxü̃ rü ñanagürü nüxü̃: —Ngẽma naxca̱x ícuca̱xaxü̃arü ngãxü̃ rü tá nüxü̃ cucua̱x i ngẽxguma ĩpatagügu nuxica quicúchigügu naxcha̱xwa i ngẽma cuxü̃ ima̱xgüchaü̃xü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 20:30

Rü yema íyaxügüxü̃ ga Chíriaanearü churaragü rü ĩane ga Aféxwa nabuxmü. Natürü guma ĩanearü poxeguxü̃ rü naétüwa nawa̱x ga yema 27,000 ga churaragü ga ibuxmüxü̃. Rü nüma ga Ben-adáxü̃ rü niña rü wüxi ga ĩpata ga guma ĩanewa yexmanearü ucapugügu nicúchigü.

Echequié 21:13

Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Yeremía 47:7

¿Natürü cumax, Pa Tarax, rü ñuxãcü tá ícuyachaxãchixü̃ ega Cori ya Tupana cuxna ãgagu rü cuxü̃ namuxgu nax naxca̱x ícuyagoõchixü̃ ya ĩane ya Acharóü̃ rü guxü̃ma i ngẽma duü̃xü̃gü i márcutüwa ngẽxmagüxü̃?

Echequié 28:23

Rü cuxca̱x tá íchananguxẽxẽ i da̱xaweanegü. Rü curü uanügü rü tá cuxca̱x ínayachoõchi. Rü guxü̃cüwawa tá taramaxã nanadai i curü duü̃xü̃gü, rü muxü̃ma tá nayue. Rü ngẽmaca̱x curü namagüwa rü tá niya̱x ya nagü. Rü ngẽmaãcü tá nüxü̃ quicua̱xãchi nax choma yixĩxü̃ ya Cori ya Tupana’ ”, ñanagürü.