Echequié 20:6 - Tupanaarü Ore

⁶ Rü yematama ngunexü̃gu rü namaxã nüxü̃ chixu nax Equítuanewa tá íchanagaxü̃xü̃ rü ngẽma naane ga chomatama nüxü̃ chaxunetaxü̃wa tá chanagagü. Rü ngẽma nachixü̃anearü naane rü guxü̃ma i ngẽma togü i nachianexü̃ narümemae. Rü ngéma rü yima lechi rü berure rü ñoma dexárüxü̃ taguma nataxu.

Echequié 20:6 Referans Kwoze

Echequié 20:15

Rü yéma ínachianexü̃wa rü namaxã chanaxuegu nax taxũtáma nagu chanachocuxẽẽxü̃ ga yema naane ga nüxna chaxãxü̃. Rü yema nachixü̃anearü naane rü guxü̃ma ga yema togü ga nachianexü̃ narümemae. Rü yéma rü guma lechi rü berure rü ñoma dexárüxü̃ taguma nataxu.

Yeremía 32:22

Rü Iraétanüxü̃na cunaxã ga ñaa naane i ñu̱xma nawa tangexmagüxü̃ i ngextá mexü̃ i õna rü lechi rü ira ñoma dexárüxü̃ taguma ítaxuxü̃wa, yema torü o̱xigümaxã nüxü̃ quixuxü̃rüxü̃.

Wiyaegü 48:2

Namexẽchi ya yima ma̱xpǘne ya Chióü̃ i nórtewaama ngẽxmane. Rü yima nixĩ ya namaxã nataãẽgüne i guxü̃ma i ñoma i naanecüã̱x i duü̃xü̃gü. Rü yimawa nixĩ i nangẽxmaxü̃ i norü ĩane ya yimá Ãẽ̱xgacü ya Guxãétüwa Ngẽxmacü.

Ínachoxü̃xü̃chiga 3:8

Rü ngẽmaca̱x nixĩ i ñu̱xma ícharüxĩxü̃ nax Equítuanecüã̱xme̱xẽwa íchananguxü̃xẽẽxü̃ca̱x i ngẽma chorü duü̃xü̃gü. Rü ngẽma naane i nawa tá chanagagüxü̃, rü wüxi i naane i taxü̃ rü mexü̃ nixĩ. Rü ngéma rü meama narüxügü i naguxü̃raü̃xü̃ i nanetügü. Rü õna taguma nataxu. Rü ngẽma naanegu nixĩ i naxãchiü̃güxü̃ i Canaáü̃tanüxü̃ rü Itítanüxü̃, rü Amoréutanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Danié 8:9

Rü guma wüxi ga naxchata̱xcurewa rü wüxi ga íxrane ga naxchata̱xcure nayarügo. Rü guma naxchata̱xcurearü pora rü súrwa, rü éstewa, rü ñu̱xũchi yema mexü̃ ga naane ga Iraéanewa nangu.

Ínachoxü̃xü̃chiga 33:3

Rü nawa pexĩ i ngẽma naane i ngextá lechi rü ira rü ñoma dexárüxü̃ taguma ítaxuxü̃wa. Natürü i choma rü taxũtáma petanügu chaxã erü pema rü duü̃xü̃gü i tama ixĩnüechaxü̃xẽ pixĩgü rü ngẽmaca̱x ngürüãchi chi namagu pexü̃ chadai —ñanagürü ga Cori ya Tupana.

Danié 11:41

Rü nagu tá naxücu i Iraétanüxü̃arü naane i mexẽchixü̃, rü muxü̃tama i duü̃xü̃güxü̃ nadai. Natürü taxũtáma naxme̱xgu nayi i ngẽma Edóü̃anecüã̱xgü, rü Moáanecüã̱xgü, rü ñu̱xũchi ngẽma rümumaexü̃ i Amóü̃anecüã̱x.

Danié 11:16

Rü ngẽma ãẽ̱xgacü i ngẽxma ücuxü̃ rü nüma nanaxwa̱xexü̃ tá namaxã naxü i ngẽma nüxü̃ naporamaexü̃. Rü taxúetama tapora nax ítayachaxãchixẽẽxü̃. Rü Iraétanüxü̃arü naane i mexẽchixü̃wa tá nangẽxma rü tá namaxã inacua̱x.

Echequié 20:42

Rü ngẽxguma wena tá perü naane ga perü o̱xigümaxã chaxueguxü̃wa pexü̃ chagagügu rü pema rü tá nüxü̃ picua̱xãchie nax choma ya Cori yixĩxü̃ i Iraétanüxü̃arü Tupana.

Echequié 20:23

Rü yema ínachianexü̃wa rü namaxã chanaxuegu nax guxü̃ma i nachixü̃anegü i ñoma i naanewa ngẽxmagüxü̃gu tá chanawoonexü̃.

Echequié 20:5

¡Rü namaxã nüxü̃ ixu i chorü ore i ñaxü̃! “Rü yexguma choma ya Cori ya Tupana nüxü̃ chaxunetagu ga Iraétanüxü̃ nax chorü duü̃xü̃gü yixĩgüxü̃ca̱x rü namaxã chanaxuegu nax choma tá chixĩxü̃ i Acóbutanüxü̃ nanegüarü rü nataagüarü Tupana. Rü Equítuanewa namaxã chidexa rü chauégagu wena namaxã chanaxuegu nax choma chixĩxü̃ i norü Tupana.

Yeremía 11:5

Rü ngẽxguma chi pema chauga pexĩnüegu, rü choma rü tá chayanguxẽxẽ i ngẽma uneta ga nũxcümaü̃güxü̃ ga perü o̱xigümaxã chaxueguxü̃ nax nüxna chanaxãgüxü̃ i wüxi i naane. Rü ngẽma naane nixĩ i ñaa naane i ñu̱xma nawa pengẽxmagüxü̃ i ngextá mexü̃ i õna rü lechi rü ira ñoma dexárüxü̃ taguma ítaxuxü̃wa” —ñanagürü ga Tupana. Rü yexguma ga choma ga Yeremía rü chanangãxü̃ rü ñachagürü: —Ngẽmaãcü yixĩ, Pa Corix —ñachagürü.

Yochué 5:6

Yema Iraétanüxü̃ ga Equítuanewa íchoxü̃xü̃ rü 40 ga taunecü nixĩ ga yema ínachianexü̃gu naxĩxü̃. Rü guxü̃ma ga yema iyatüxü̃ ga marü churarawa imexü̃ ga yexguma Equítuanewa ínachoxü̃gu rü namagu nixĩ ga nayuexü̃. Rü yema duü̃xü̃gü rü tama Cori ya Tupanaga naxĩnüechaü̃, rü yemaca̱x nüma ga Tupana rü namaxã nanaxuegu nax taxũtáma nüxü̃ nadaugüxü̃ ga yema naane ga norü o̱xigümaxã naxueguxü̃ i ngextá lechi rü berure taguma ítaxuxü̃wa ñoma dexá iyaxü̃rüxü̃.

Wenaxarü naxümatü ga Tupanaarü mugü 32:8

Rü wüxi ga ngunexü̃gu ga Cori ya Tupana ya Guxãétüwa Ngẽxmacü, rü nayatoye ga duü̃xü̃gü rü wüxitücumüchigüna nanaxã ga norü naane nax yéma nayexmagüxü̃ca̱x. Rü ñu̱xũchi nüxü̃ naxuneta ga norü naanegüarü üyeanegü. Natürü natanüwa ga yema togü ga natücumügü, rü nüma ga Cori ya Tupana rü noxrüxü̃ nüxü̃ naxuneta ga Iraétanüxü̃, yerü woetama norü duü̃xü̃gü nixĩgü ga yema Acóbutanüxü̃.

Wenaxarü naxümatü ga Tupanaarü mugü 31:20

Erü choma rü tá nagu chanachocuxẽxẽ i ngẽma naane ga chauégagu norü o̱xigümaxã nüxü̃ chixuxü̃ i ngextá yima lechi rü berure rü ñoma dexárüxü̃ taguma ínataxuxü̃wa. Rü ngẽxguma tá marü lechi nixaxgügu, rü berure ne niwexgu, rü nawa nangaxpütüwegügu rü nawa yangüegu, rü ngẽxguma i nümagü rü tá tupananetagüwe narüxĩ rü ngẽmaxü̃ãma tá nicua̱xüü̃gü rü chauxchi rü tá naxaixe. Rü ngẽxguma i ngẽma uneta i pemaxã chaxüxü̃ rü tá nagu narüchixe.

Wenaxarü naxümatü ga Tupanaarü mugü 27:3

Rü yimápütagu tá penaxümatü i guxü̃ma i ngẽma ucu̱xẽgü i pemaxã nüxü̃ chixuxü̃. Rü ngẽma tá pexü i ngẽxguma nagu pechocugu i ngẽma naane i ngextá yima lechi rü berure rü ñoma dexárüxü̃ taguma ínataxuxü̃wa. Rü nüma ya Cori ya Tupana rü tá pexna nanaxã i ngẽma naane yema perü o̱xigümaxã nüxü̃ yaxuxü̃rüxü̃.

Wenaxarü naxümatü ga Tupanaarü mugü 26:15

Rü cuma nax dauxü̃wa cungexmaxü̃ ya cupata ya üünenewa ¡rü toxü̃ nadawenü rü mexü̃ tomaxã naxuegu i toma i curü duü̃xü̃gü i Iraétanüxü̃! ¡Rü mexü̃ namaxã naxuegu i ñaa naane i toxna cuxãxü̃ i ngexta yima lechi rü berure rü ñoma dexárüxü̃ taguma ínataxuxü̃wa, yema tórü o̱xigümaxã nüxü̃ quixuxü̃rüxü̃!”

Wenaxarü naxümatü ga Tupanaarü mugü 26:9

Rü ñaa nachicawa toxü̃ nagagü, rü toxna nanaxã ga ñaa naane i ngextá yima lechi rü berure rü ñoma dexárüxü̃ taguma ínataxuxü̃wa.

Wenaxarü naxümatü ga Tupanaarü mugü 11:9

Rü ngẽxguma peyanguxẽẽgu i guxü̃ma i ngẽma mugü rü mucüma ya taunecü tá nawa pemaxẽ i ngẽma naane ga Cori ya Tupana nũxcümaü̃güxü̃ ga perü o̱xigümaxã rü nataagümaxã ueguxü̃ nax nüxna naxãgüãxü̃ca̱x. Rü ngẽma naanewa rü yimá lechi rü berure rü ñoma dexárüxü̃ niya̱xmare rü taguma nataxu.

Wenaxarü naxümatü ga Tupanaarü mugü 6:3

Rü ngẽmaca̱x, Pa Iraétanüxü̃x, rü name nixĩ i mea nagu pemaxẽ i ngẽma mugü. Erü ngẽxguma mea nagu pemaxẽgu rü tá mea pexü̃ nangupetü, rü tá pimu nawa i ngẽma naane i ngextá lechi rü ira rü ñoma dexárüxü̃ taguma ítaxuxü̃wa yema Cori ya Tupana perü o̱xigümaxã nüxü̃ ixuxü̃rüxü̃.

Iraétanüxü̃arü muxchiga 14:8

Rü nüma ya Cori ya Tupana rü tá tüxü̃ narüngü̃xẽxẽ rü tüxü̃́ nanatauxchaxẽxẽ nax ngẽma naanegu ichocuxü̃. Rü tá tüxna nanaxã nax tóxrüxü̃ yixĩxü̃ca̱x. Rü ngẽma nachixü̃anewa rü ñoma wüxi i natüarü dexárüxü̃ taguma nataxu i lechi rü ira.

Iraétanüxü̃arü muxchiga 13:27

Rü Moichémaxã nüxü̃ nixugüe rü ñanagürügü: —Marü nawa ne taxĩ i ngẽma naane i nawa toxü̃ cumugüxü̃. Rü aixcüma nixĩ i ngẽma naanewa rü guxü̃wama nangẽxmaxü̃ i nabüane i mexü̃ rü taguma nataxuxü̃. Rü ñaagü nixĩ i ngẽma nanetügü i ngéma muxü̃.

Lebítanüxü̃arü puracüchiga 20:24

Rü ngẽmaca̱x i choma rü pemaxã chanaxuegu nax pema tá pixĩgüxü̃ i ngẽma norü naanearü yora. Rü chomatátama pexna chanaxã i ngẽma naane i ngextá ñoma dexárüxü̃ yima lechi rü ira taguma ítaxuxü̃wa. Rü choma nixĩ i perü Cori ya Tupana ga yema togü ga duü̃xü̃gütanüwa pexü̃ chaxunetaxü̃ nax chorü duü̃xü̃gü pixĩgüxü̃ca̱x.

Ínachoxü̃xü̃chiga 3:17

Rü yimá Tupana nixĩ ya chomaxã nüxü̃ ixucü rü tá pexü̃ ínanguxü̃xẽxẽ nawa i perü guxchaxü̃gü i Equítuanewa pingegüxü̃. Rü Canaáü̃arü naanewa tá pexü̃ nagagü i ngexta ínaxãchiü̃güxü̃gu i Canaáü̃tanüxü̃, rü Itítanüxü̃, rü Amoréutanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃. Rü ngẽmaãcü ngẽma naane i ngextá mexü̃ i õna rü lechi rü ira taguma ítaxuxü̃wa tá pexü̃ chagagü”, ñanagürü ya Tupana.

Ínachoxü̃xü̃chiga 6:8

Rü yema naane ga Abraáü̃maxã rü Ichaámaxã rü Acóbumaxã chaxueguxü̃wa tá pexü̃ chagagü rü tá pexna chanaxã nax pexrüxüchi yixĩxü̃ca̱x i ngẽma naane. Rü choma nixĩ i Cori ya Tupana chixĩxü̃ —ñanagürü.

Wenaxarü naxümatü ga Tupanaarü mugü 32:40

Rü daxũguxü̃ i naanegu chaxunagüchacüxü, rü chorü maxü̃ i tagutáma íyaguxü̃xégagu nüxü̃ chixu rü ngẽxguma tá chanawaixmagugu i ngẽma chorü tara i íya̱u̱xratachinücüüxü̃, rü ngẽxguma tá nixĩ i ichanaxügü nax chaxütanüxü̃ rü chanadaixü̃ i chorü uanügü. Rü ngẽxguma tá nixĩ i chanapoxcuexü̃ i ngẽma duü̃xü̃gü i chauxchi aiexü̃.

Wiyaegü 106:24

Rü yemawena rü nüxü̃ naxoe ga yema naane ga mexẽchixü̃ yerü tama nayaxõgü ga yema Tupanaarü uneta.

Wenaxarü naxümatü ga Tupanaarü mugü 3:25

Rü cuxna naxca̱x chaca nax natü i Yudáü̃arü tocutüwa choxü̃ cumuxü̃, erü nüxü̃ chadauxchaxü̃ i ngẽma naane i nanetügü mea nawa yaexü̃, rü ngẽma máxpü̱xanexü̃ i mexü̃ rü ñu̱xũchi ngẽma Líbanuarü ma̱xpǘnegü”, ñachagürü.

Neemía 9:9

Cuma rü tüxü̃ cudau ga ñuxãcü ngúxü̃ nax tingegüxü̃ ga torü o̱xigü ga Equítuanewa. Rü tüxü̃ cuxĩnü ga nax taxauxexü̃ ga Már ga Dauchíüxü̃cutüwa.

Neemía 9:12

Rü ñu̱xũchi wüxi ga caixanexü̃maxã nüxü̃ nüxü̃ cucua̱xẽxẽ nax nüxü̃ nacua̱xgüxü̃ca̱x ga nama ga nagu naxĩxü̃ ga ngunecü. Rü chütacü rü dauxü̃wa wüxi ga üxüema naxca̱x cungo̱xẽxẽ nax yemamaxã cuyabáixmaxü̃xü̃ca̱x nax nüxü̃ nacua̱xgüxü̃ca̱x ga nama ga nagu naxĩxü̃.

Wiyaegü 47:5

Rü nüma ya Cori ya Tupana rü dauxü̃ naxĩ nax norü tochicaxü̃wa namaxã inacuáxü̃ca̱x i guxü̃ma. Rü duü̃xü̃gü yoxni taãẽãcüma nüxü̃ nicua̱xüü̃gü rü cornétamaxã nanapaxpünegü.

Yeremía 3:19

Pa Iraétanüxü̃x, choma rü ñoma chaunegüãcüma pexü̃ chayaxu, rü ñu̱xũchi wüxi ga naane ga mexẽchixü̃ pexna chaxã. Rü yema rü guxü̃ ga naanexü̃ rümemaexü̃ nixĩ. Rü choma nüxü̃ chacua̱xgu rü yemaca̱x chi: “Tonatü”, ñaperügü choxü̃, rü ñu̱xũchi taguchima choxna pixĩgachi.