Echequié 20:5 - Tupanaarü Ore

⁵ ¡Rü namaxã nüxü̃ ixu i chorü ore i ñaxü̃! “Rü yexguma choma ya Cori ya Tupana nüxü̃ chaxunetagu ga Iraétanüxü̃ nax chorü duü̃xü̃gü yixĩgüxü̃ca̱x rü namaxã chanaxuegu nax choma tá chixĩxü̃ i Acóbutanüxü̃ nanegüarü rü nataagüarü Tupana. Rü Equítuanewa namaxã chidexa rü chauégagu wena namaxã chanaxuegu nax choma chixĩxü̃ i norü Tupana.

Echequié 20:5 Referans Kwoze

Echequié 20:23

Rü yema ínachianexü̃wa rü namaxã chanaxuegu nax guxü̃ma i nachixü̃anegü i ñoma i naanewa ngẽxmagüxü̃gu tá chanawoonexü̃.

Echequié 20:15

Rü yéma ínachianexü̃wa rü namaxã chanaxuegu nax taxũtáma nagu chanachocuxẽẽxü̃ ga yema naane ga nüxna chaxãxü̃. Rü yema nachixü̃anearü naane rü guxü̃ma ga yema togü ga nachianexü̃ narümemae. Rü yéma rü guma lechi rü berure rü ñoma dexárüxü̃ taguma nataxu.

Wenaxarü naxümatü ga Tupanaarü mugü 7:6

Erü pema rü wüxi i duü̃xü̃gütücumü i woetama Cori ya Tupana pexü̃ dexe pixĩgü. Rü nüma ya Tupana rü guxü̃ma i nachixü̃anecüã̱xgütanüwa pexü̃ naxuneta nax norü duü̃xü̃gü pixĩgüxü̃ca̱x.

Ínachoxü̃xü̃chiga 4:31

Rü nüma ga duü̃xü̃gü rü aixcüma nayaxõgü. Rü yexguma nüxü̃ yacua̱xãchitanügu nax Cori ya Tupana rü nüxü̃́ nüxü̃ naxĩnüxü̃ ga norü yumüxẽ rü nüxü̃ nax nadauxü̃ ga ñuxãcü ngúxü̃ nax yangegüxü̃, rü yemaca̱x nüma ga duü̃xü̃gü rü nataãẽgü. Rü ñaxtüanegu nanangücuchitanü, rü Tupanaxü̃ nicua̱xüü̃gü.

Ínachoxü̃xü̃chiga 3:8

Rü ngẽmaca̱x nixĩ i ñu̱xma ícharüxĩxü̃ nax Equítuanecüã̱xme̱xẽwa íchananguxü̃xẽẽxü̃ca̱x i ngẽma chorü duü̃xü̃gü. Rü ngẽma naane i nawa tá chanagagüxü̃, rü wüxi i naane i taxü̃ rü mexü̃ nixĩ. Rü ngéma rü meama narüxügü i naguxü̃raü̃xü̃ i nanetügü. Rü õna taguma nataxu. Rü ngẽma naanegu nixĩ i naxãchiü̃güxü̃ i Canaáü̃tanüxü̃ rü Itítanüxü̃, rü Amoréutanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Naanearü ügüchiga 14:22

Natürü ga Abráü̃ rü nanangãxü̃ rü ñanagürü: —Choma rü marü Cori ya Tupana ya Guxü̃étüwa Ngẽxmacü i daxũguxü̃ i naanearü üruxü̃ rü ñoma i naanearü üruü̃maxã nüxü̃ chixu rü taxuxü̃táma i ta̱xacü choxrüxü̃ chayaxu i ngẽma cuxrü ixĩxü̃, rü bai ya wüxi ya tünüta, rü bai i wüxi i chapatutü̱xü, nax tagutáma choxü̃ quixuxü̃ca̱x nax cugagu yixĩxü̃ nax chamuarü ngẽmaxü̃ã́xü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:5

Rü ñu̱xũchi ga yema Tupanaarü orearü ngeruxü̃ ga nüxü̃ chadauxü̃ nax márétügu rü waixü̃müétügu nachicutüxü̃, rü daxũ naxunagü ga norü tügünechacüxü.

Ore i mexü̃ ga Márcu ümatüxü̃ 13:20

Rü ngẽxguma Tupana tama nanoxrexẽẽgu i ngẽma ngunexü̃gü, rü taxúetama tamaxü̃. Natürü Tupana rü marü nananoxrexẽxẽ i ngẽma ngunexü̃gü erü tüxü̃ nangechaü̃ ya yíxema noxrüxü̃ tüxü̃ nadexe.

Echequié 35:11

Cuma rü quixãũxãchi rü naxchi cuxai ga yema Iraétanüxü̃ rü namaxã cunu. Rü ñu̱xma i choma ya Cori ya Tupana rü chauégagu cumaxã chanaxuegu rü yema Iraétanüxü̃maxã cunaxüxü̃ãcütama tá cumaxã chanaxü i choma. Rü ngẽxguma cuxü̃ chapoxcugu rü ngẽma Iraétanüxü̃ tá nüxü̃ nicua̱xãchitanü nax choma yixĩxü̃ i norü Tupana chixĩxü̃.

Yeremía 33:24

—¿Tama ẽ̱xna nüxü̃ cuxĩnüxü̃ i ngẽma duü̃xü̃gü nüxü̃ ixuxü̃ nax choma rü marü nüxü̃ chaxoxü̃ i ngẽma Iraéanecüã̱xgü rü Yudáanecüã̱xgü, ñagüxü̃? Rü ngẽmaca̱x chixri chorü duü̃xü̃güxü̃ narüdaunü rü nüxü̃ naxoe, rü nüxü̃ nixugüe nax tama wüxi i nachixü̃ane yixĩxü̃ i ñu̱xma.

Ichaía 43:10

Rü ñanagürü ta ga Tupana: —Pemax, Pa Iraétanüxü̃x, rü chorü duü̃xü̃gü pixĩgü rü nüxü̃ pedau ga yema choma chaxüxü̃. Rü choma rü pexü̃ chidexechi nax choxü̃ pecuáxü̃ca̱x rü choxü̃́ peyaxõgüxü̃ca̱x rü nüxü̃ pecuáxü̃ca̱x nax chaxicatama Tupana chixĩxü̃. Rü chauxü̃pa rü nataxuma ga to ga nüxíra Tupana ixĩxü̃ rü chauwena rü tagutáma nangẽxma i to.

Wiyaegü 103:7

Rü nüma ga Tupana rü Moichéxü̃ rü yema Iraétanüxü̃xü̃ nüxü̃ nacua̱xẽxẽ ga yema nagu naxĩnüxü̃. Rü nape̱xewa inanawe̱x ga muxü̃ma ga mexü̃gü ga norü poramaxã naxüxü̃.

Wiyaegü 33:12

Rü nataãẽgü i ngẽma duü̃xü̃gü i Cori ya Tupanamaxã Tupanaã̱xgüxü̃ rü ngẽma duü̃xü̃gü ya Cori ya Tupana nügüxü̃́ dexü̃.

Wenaxarü naxümatü ga Tupanaarü mugü 32:40

Rü daxũguxü̃ i naanegu chaxunagüchacüxü, rü chorü maxü̃ i tagutáma íyaguxü̃xégagu nüxü̃ chixu rü ngẽxguma tá chanawaixmagugu i ngẽma chorü tara i íya̱u̱xratachinücüüxü̃, rü ngẽxguma tá nixĩ i ichanaxügü nax chaxütanüxü̃ rü chanadaixü̃ i chorü uanügü. Rü ngẽxguma tá nixĩ i chanapoxcuexü̃ i ngẽma duü̃xü̃gü i chauxchi aiexü̃.

Wenaxarü naxümatü ga Tupanaarü mugü 14:2

Erü pema rü perü Cori ya Tupanaarü duü̃xü̃gü pixĩgü, rü nüma rü pexü̃ naxuneta natanüwa i guxü̃ma i ñoma i naanewa maxẽxü̃ i duü̃xü̃gü nax noxrü pixĩgüxü̃ca̱x.

Wenaxarü naxümatü ga Tupanaarü mugü 4:37

Nüma rü nüxü̃ nangechaxü̃ ga yema nũxcümaü̃güxü̃ ga perü o̱xigü, rü yemaca̱x nayadexechigü ga yema nataagü. Rü norü poramaxã ínananguxü̃xẽxẽ ga Equítuanewa.

Wenaxarü naxümatü ga Tupanaarü mugü 4:34

¿Rü nangẽxmaxü̃ i ta̱xacürü tupana i guxü̃ i nachixü̃anegütanüwa ínanguxü̃xẽxẽxü̃ i wüxitücumü i duü̃xü̃gü nax norü duü̃xü̃gü yaxĩgüxü̃ca̱x? Natürü nüma ga Cori ya perü Tupana rü Equítuanewa pexü̃ ínagaxü̃ naétüwa ga muxü̃ma ga guxchaxü̃gü. Rü inanawe̱x ga norü pora ga yexguma inawéãgu ga cua̱xruü̃gü rü taxü̃ ga mexü̃gü rü ãũcümaxü̃gü rü daigü ga pepe̱xewa Equítuanewa pexca̱x naxüxü̃.

Ínachoxü̃xü̃chiga 6:2

Rü Tupana rü wena Moichémaxã nidexa rü ñanagürü: —Choma nixĩ i Cori ya Tupana chixĩxü̃. Rü Tupana ya Guxü̃étüwa Ngẽxmacü ñaxü̃maxã chaugü chango̱xẽxẽ naxca̱x ga gumá curü o̱xigü ga Abraáü̃ rü Ichaá rü Acóbu. Natürü tama namaxã nüxü̃ chixu ga chauégaxüchi ga Cori ya Tupana ñaxü̃.

Ínachoxü̃xü̃chiga 3:16

¡Rü ngéma naxũ rü nangutaque̱xexẽxẽ i guxü̃ma i Iraétanüxü̃arü ãẽ̱xgacügü, rü namaxã nüxü̃ ixu rü ñacugürü nüxü̃!: “Nüma ya Cori ya Tupana ya perü o̱xigüarü Tupana ya Abraáü̃arü rü Ichaáarü rü Acóbuarü Tupana, rü gumá nixĩ ga cha̱u̱xca̱x ngócü. Rü gumátama nixĩ ga chomaxã nüxü̃ ixucü nax pegu naxĩnüxü̃ rü nüxü̃ nacuáxü̃ nax ñuxãcü chixri pemaxã nachopetüxü̃ i ngẽma Equítuanecüã̱xgü.

Ínachoxü̃xü̃chiga 3:6

Rü ñanagürü ta: —Rü choma nixĩ i curü o̱xigüarü Tupana chixĩxü̃. Rü choma nixĩ ga Abraáü̃arü rü Ichaáarü rü Acóbuarü Tupana chixĩxü̃ —ñanagürü. Rü yexguma ga Moiché rü nügü nidüxchiwe, yerü namuü̃ nax Tupanaxü̃ nadawenüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:6

Rü inaxuneta naégagu ga Tupana ya yimá guxü̃guma maxü̃cü ya yimá naxücü i daxũguxü̃ i naane rü ñoma i naane rü már rü guxü̃ma i ta̱xacü nawa ngẽxmagüxü̃. Rü ñanagürü ga yema orearü ngeruxü̃: “Paxa tá ningu i ngẽma Tupana nüxü̃ ixuxü̃.

Ínachoxü̃xü̃chiga 6:8

Rü yema naane ga Abraáü̃maxã rü Ichaámaxã rü Acóbumaxã chaxueguxü̃wa tá pexü̃ chagagü rü tá pexna chanaxã nax pexrüxüchi yixĩxü̃ca̱x i ngẽma naane. Rü choma nixĩ i Cori ya Tupana chixĩxü̃ —ñanagürü.

Lebítanüxü̃arü puracüchiga 18:2

—Choma nixĩ i Iraétanüxü̃arü Cori ya Tupana chixĩxü̃. ¡Rü namaxã nüxü̃ ixu i ñaa chorü ucu̱xẽ!:

Echequié 16:8

Rü wena cuxü̃tawa chaxüpetü rü cuxü̃ chadau ga marü nax cuyaxü̃ rü ãmücügu nax curüxĩnüxü̃. Rü ñu̱xũchi wüxi ga mámüxü̃ ga naxchirumaxã cuxü̃ chidüxü yerü cungexchiru. Rü ñu̱xũchi cumaxã chaxüga rü cumaxã nüxü̃ chixu nax choxrü quixĩxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Danié 12:7

Rü yexguma ga yema yatü ga línuchimaxã ãxchiruxü̃ ga natüétügu chíxü̃ rü naxunagütanü ga naxme̱x rü Tupana ya Maxü̃cüégagu nanaxuegu rü ñanagürü: —Tomaepü̱x ya taunecüarü ngãxü̃ nataxu. Rü ngẽxguma marü íyachaxãchigügu nax nadaigüãxü̃ i Tupanaarü duü̃xü̃gü, rü ngẽxguma tá nixĩ i yaguxü̃ i ngẽma nüxü̃ chixuxü̃ —ñanagürü.

Wenaxarü naxümatü ga Tupanaarü mugü 7:7

Rü tama nixĩ nax guxü̃ma i duü̃xü̃gütücumüxü̃ perümumaexü̃ca̱x yixĩxü̃ nax Cori ya Tupana pexü̃ ngechaü̃xü̃ rü pexü̃ dexü̃. Rü pema rü aixcüma guxü̃ma i duü̃xü̃gütücumüxü̃ perünoxremae.

Nüxíraxü̃xü̃ ga popera ga ãẽ̱xgacügüchiga 18:39

Rü yemaxü̃ nadaugügu ga guxü̃ma ga duü̃xü̃gü rü ñaxtüanegu nanangücuchitanü rü ñanagürügü: —Nüma ya Cori nixĩ ya Tupana ixĩcü. Rü nüma ya Cori nixĩ ya Tupana ixĩcü —ñanagürügü.

Echequié 34:24

Rü choma rü chorü carnérugüarü Tupana tá chixĩ rü yima chorü duü̃ ya Dabí tá nixĩ i namaxã icuácü. Rü choma ya Cori ya Tupana nixĩ i nüxü̃ chixuxü̃ i ngẽma.