Echequié 20:30 - Tupanaarü Ore

³⁰ —¡Rü Iraétanüxü̃maxã nüxü̃ ixu i ñaa chorü ore i ñaxü̃! “¿Tü̱xcüü̃ nagu pexĩchaü̃ i ngẽma nacümagü i ãũãchixü̃ ga perü o̱xigü nagu ĩxü̃? ¿Rü tü̱xcüü̃ choxna pixĩgachi nax nüxü̃ picua̱xüü̃güxü̃ca̱x i ngẽma tupananetagü i ãũãchixü̃?

Echequié 20:30 Referans Kwoze

Yeremía 16:12

Rü pema rü yema nũxcümaü̃güxü̃ ga perü o̱xigüarü yexera chixexü̃ pexügü. Erü wüxichigü i pema rü penaxü i ngẽma chixexü̃gü i peãẽwa nagu perüxĩnüexü̃ rü ñu̱xũchi tama chauga pexĩnüe.

Yeremía 7:26

Natürü ga pemax rü tama chauga pexĩnüexü̃ rü tama choxü̃́ ipexĩnüechaü̃, rü yema nũxcümaü̃güxü̃ ga petanüxü̃arü yexera chomaxã penue rü chixri pemaxẽ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 2:19

Natürü yexguma nayu̱xgu ga yema ãẽ̱xgacü ga Tupana nüxü̃ unetaxü̃, rü nümagü ga Iraétanüxü̃ rü wena chixexü̃ca̱x nawoegu rü nanatügüarü yexera chixexü̃ naxügü rü togümare ga tupananetagüxü̃ nicua̱xüü̃gü. Rü tama nüxü̃ narüxoechaü̃ ga yema chixexü̃ nax naxügüxü̃, rü tama ínanata̱xgüchaü̃ ga nacüma ga chixexü̃.

Ngechuchuarü ngúexü̃gü ga yamugüxü̃arü puracüchiga 7:51

Rü ñanagürü ga Estébaü̃: —Dücax Pa Ãẽ̱xgacügüx, pema rü guxü̃guma nüxü̃ pexoe i Tupanaarü ore, rü tama iperüxĩnüechaü̃. Rü peãẽwa rü tama peyaxõgüchaü̃. Rü pema rü guxü̃guma Tupanaãxẽ ya Üünecümaxã penueecha. Rü ngẽmaãcü i pema rü yema nũxcümaü̃güxü̃ ga perü o̱xigürüü̃tama pixĩgü.

Ore i mexü̃ ga Matéu ümatüxü̃ 23:32

¡Ẽcüx, noxtacüma peyanguxẽxẽ̱x ga yema chixexü̃ ga nũxcümaü̃güxü̃ ga perü o̱xigü ügüexü̃!

Yeremía 9:14

Rü nümagü rü norü ngúchaü̃ i chixexü̃güweama narüxĩ, rü nanatügü nangúexẽẽxü̃rüxü̃ tupananeta i Baáchicüna̱xãgüwe narüxĩ.

Iraétanüxü̃arü muxchiga 32:14

Rü ñu̱xma i pemax, Pa Rubéü̃tanüxü̃ rü Gáxtanüxü̃ i Chixexü̃güarü Üruxü̃ Nanegüx, rü ngẽma penatügücümagutama pexĩxchaü̃ nax ngẽmaãcü wena Iraétanüxü̃maxã penanuxẽẽxü̃ca̱x ya Cori ya Tupana.

Echequié 2:3

Rü nüma ga Tupana rü ñanagürü choxü̃: —Cumax, Pa Yatüx, rü tá natanüwa cuxü̃ chamu i ngẽma Iraétanüxü̃ i tama chauga ĩnüexü̃ rü chomaxã nueamaxü̃. Rü nümagü rü ñu̱xma rü ta chomaxã nanueama yema norü o̱xigürüxü̃.

Echequié 20:26

Rü choma rü chanayexrü nax norü tupananetagüca̱x tüxü̃ ínagugüxü̃ca̱x ga guxema nanegü ga rüyamaegüxe. Rü yemaacü chanayexrü nax nügünatama ngechaü̃ naxãgüxü̃ca̱x rü nüxna nacua̱xãchiexü̃ca̱x nax choma yixĩxü̃ ya Cori ya norü Tupana —ñanagürü.

Echequié 20:29

Rü choma rü yema duü̃xü̃güna chaca rü ñacharügü: ‘¿Ta̱xacüwa name nax nawa pexĩxü̃ i ngẽma nachicagü i nawa ngẽma duü̃xü̃gü i tama choxü̃ cua̱xgüxü̃ ngutaque̱xegüxü̃ i ma̱xpǘnegüwa? Rü ñu̱xma rü ta rü Duü̃xü̃gü i Tama Tupanaxü̃ Cua̱xgüxü̃arü Ngutaque̱xechicamaxã, nanaxugü’ ” —ñachagürü.

Norü taxre ga to ga popera ga ãẽ̱xgacügüchiga ümatüxü̃ 30:7

¡Rü taxṹ i perü o̱xigüarü Cori ya Tupanana pixĩgachixü̃ naxrüxü̃ ga yema perü o̱xigü rü peenexẽgü ga tama naga ĩnüechaü̃xü̃! Rü yemaca̱x ga Tupana rü düxwa nagagutama ga yema duü̃xü̃gü rü togü ga nachixü̃anearü ãẽ̱xgacüme̱xẽgu nanayixẽxẽ nax nadaiaxü̃ca̱x. Rü pematama rü pexetümaxã nüxü̃ pedaugü ga yema.

Wiyaegü 106:39

Rü yemaacü ga yema duü̃xü̃gü rü Tupanape̱xewa yexeraxü̃ ga chixexü̃ naxügü ga yexguma yema tupananetagüwe naxĩxgu.

Yeremía 7:9

Erü pengĩ́e, rü pemáetagü, rü nai i ngexü̃maxã pemaxẽ, rü natüca̱xma chauégagu ipexuneta rü pidorae, rü Baáca̱x pumarate̱xe pigugü, rü naxca̱x pengutaque̱xegü i togü i nachixü̃anegüarü tupananetagü ga tama nüxü̃ pecuáxü̃ ga ü̃pa.