Echequié 20:22 - Tupanaarü Ore

²² Natürü chaugünatama chachogü nax tama chanachixexẽẽxü̃ca̱x i chauéga, rü tama chixri chauchiga yadexagüxü̃ca̱x ga yema togü ga nachixü̃anegü ga nüxü̃ daugüxü̃ nax ñuxãcü Equítuanewa íchanagaxü̃xü̃ ga yema Iraétanüxü̃.

Echequié 20:22 Referans Kwoze

Echequié 20:14

Natürü chaugünatama chachogü nax tama chanachixexẽẽxü̃ca̱x i chauéga, rü tama chixri chauchiga yadexagüxü̃ca̱x ga yema togü ga nachixü̃anegü ga nüxü̃ daugüxü̃ nax ñuxãcü Equítuanewa íchanagaxü̃xü̃ ga yema Iraétanüxü̃.

Echequié 20:9

Natürü chaugünatama chachogü nax tama chanachixexẽẽxü̃ca̱x i chauéga rü ñu̱xũchi tama chixri chauchiga yadexagüxü̃ca̱x ga yema nachixü̃anegü ga Iraétanüxü̃ natanüwa maxẽxü̃. Erü nape̱xewa ga yema nachixü̃anegü rü Iraétanüxü̃maxã chaugü chixu rü chanaxuegu nax Equítuanewa tá íchanagaxü̃xü̃.

Yeremía 14:21

¡Rü ngẽma cuéga i üünexü̃gagu, rü taxṹ i toxü̃ cuxoxü̃! ¡Rü taxṹ i nüxü̃ cuxoxü̃ ya yima ĩane ya curü tochicaxü̃ i üünexü̃ nawa ngẽxmane! ¡Rü nüxna nacua̱xãchi ga yema curü uneta ga tomaxã cuxüxü̃, rü taxṹ i nüxü̃ curüngü̃maxü̃!

Wiyaegü 78:38

Natürü woo nax yemaacü nax yixĩgüxü̃, rü nüma ga Tupana rü nüxü̃́ nangechaxü̃tümüxü̃güama. Rü nüxü̃́ nüxü̃ inarüngüma ga norü chixexü̃gü rü tama guxü̃xü̃ nadai. Rü mue̱xpü̱xcüna ga yexguma namaxã nanuxgu rü yáxna namaxã naxĩnü rü tama naga naxĩnü ga norü nu.

Echequié 20:17

Natürü naétüwa ga yema rü choxü̃́ naxauxãchitümüü̃gü, rü yemaca̱x tama yexma chianexü̃gu chanadai.

Yeremía 14:7

Rü nüma ga Yeremía rü Cori ya Tupanaxü̃ ñanagürü: —¡Pa Corix, nüxü̃ tacua̱x nax cupe̱xewa poraãcü chixexü̃ taxüxü̃, natürü tanaxwa̱xe nax toxü̃ curüngü̃xẽẽxü̃ nax ngẽmaãcü i duü̃xü̃gü cuxü̃ natachigaxẽẽxü̃ca̱x. Rü muẽ̱xpü̱xcüna tama cuga taxĩnüe rü poraãcü cupe̱xewa chixexü̃ taxü.

Yox 13:21

Rü marütama nax ngúxü̃ choxü̃ quingexẽẽxü̃ rü ñu̱xũchi marütama nax choxü̃ cumuü̃xẽẽxü̃.

Danié 9:19

Pa Corix, Pa Corix ¡toxü̃ naxĩnü rü toxü̃́ nüxü̃ irüngüma i torü chixexü̃ rü toxü̃ rüngü̃xẽxẽ! ¡Rü paxa toxü̃ nangãxü̃, Pa Corix! Rü cugüégagutama, rü yima curü ĩaneégagu rü curü duü̃xü̃gü i cuégagu yumü̃xẽgüxü̃égagu cuxna chaca nax paxa toxü̃ curüngü̃xẽẽxü̃ —ñachagürü.

Danié 9:17

Pa Torü Tupanax, choma rü curü duü̃xü̃ chixĩ. ¡Rü nüxü̃ naxĩnü i chorü yumüxẽ i nawa cuxü̃ chaca̱a̱xü̃xü̃! Rü cugüégagu cuxna chaca nax nüxü̃ cungechaü̃ãcüma nüxü̃ cudauxü̃ nax ñuxãcü poraãcü nachixexü̃ ya yima cupata ya taxü̃ne.

Auxexü̃chiga 2:8

Rü nüma ga Cori ya Tupana rü nagu narüxĩnü nax yawa̱xgüxẽẽãxü̃ ga yema mexẽchine ga ĩane ga Chióü̃arü poxeguxü̃tápü̱x. Rü nüma ga Tupana rü mea nanangugü ga yema Chióü̃arü poxeguxü̃tápü̱x rü tama nüxü̃́ nangechaxü̃ãcü nayawa̱xgüxẽxẽ. Rü duü̃xü̃gü rü poraãcü naxca̱x naxauxe ga yema norü ĩanearü poxeguxü̃tápü̱x nax yawa̱xgüxü̃.

Wiyaegü 115:1

Pa Cori Pa Tupanax ¡cugütama icua̱xüxü̃ rü taxṹ i toxü̃ quicua̱xüxü̃! ¡Rü cugü icua̱xüxü̃ naxca̱x i curü ngechaü̃ rü naxca̱x i ngẽma nax quixaixcümaxü̃!

Wiyaegü 25:11

Pa Cori Pa Tupanax, nata i chorü chixexü̃ i cupe̱xewa chaxüxü̃ ¡Rü choxü̃́ nüxü̃ irüngüma i ngẽma nax taxúema chixri cuchiga idexaxü̃ca̱x!