Echequié 20:18 - Tupanaarü Ore

¹⁸ Rü yéma chianexü̃wa rü yema duü̃xü̃gü nanegümaxã nüxü̃ chixu nax tama nagu naxĩxü̃ca̱x ga yema chixexü̃ ga nacümagü ga nanatügü nagu ĩxü̃. Rü namaxã nüxü̃ chixu nax tama yema tupananetagüxü̃mare yacua̱xüü̃güxü̃ca̱x” —ñaxü̃ i chorü ore.

Echequié 20:18 Referans Kwoze

Nüxíraxü̃xü̃ ga popera ga Pedru ümatüxü̃ 1:18

Rü Tupana rü marü pexü̃ ínanguxü̃xẽxẽ nawa ga yema nũxcümaü̃xü̃ ga perü maxü̃ ga taxuwama mexü̃ ga perü o̱xigüwa peyaxuxü̃. Rü yema nax nawa pexü̃ ínanguxü̃xẽẽxü̃ca̱x rü pexna naxããxü̃ca̱x i maxü̃ i ngexwaca̱xü̃xü̃, rü poraãcü nüxü̃́ natatanü. Yerü tama úiru rü ẽ̱xna diẽru i ngauxwa̱xexü̃maxã nanaxütanü, natürü nagü ya Cristu ya mexẽchicümaxã nixĩ ga naxütanüãxü̃. Rü nüma ga Cristu rü ñoma wüxi i carnéru i taxuwama nañuxraü̃xü̃ i Tupanaca̱x imáxü̃rüxü̃ pexca̱x nayu nax pexü̃ naxütanüxü̃ca̱x.

Echequié 20:7

Rü yexguma ga choma rü guxãxü̃ma chamu nax nüxü̃ naxoexü̃ca̱x rü ínawogüãxü̃ca̱x ga yema norü tupananetagü ga naxchi chaxaixü̃. Rü namaxã nüxü̃ chixu nax tama íyanaãxü̃ca̱x ga yema Equítucüã̱xgüarü tupananetachicüna̱xãgü. Erü choma nixĩ i norü Tupana chixĩxü̃ i Iraétanüxü̃.

Ngechuchuarü ngúexü̃gü ga yamugüxü̃arü puracüchiga 7:51

Rü ñanagürü ga Estébaü̃: —Dücax Pa Ãẽ̱xgacügüx, pema rü guxü̃guma nüxü̃ pexoe i Tupanaarü ore, rü tama iperüxĩnüechaü̃. Rü peãẽwa rü tama peyaxõgüchaü̃. Rü pema rü guxü̃guma Tupanaãxẽ ya Üünecümaxã penueecha. Rü ngẽmaãcü i pema rü yema nũxcümaü̃güxü̃ ga perü o̱xigürüü̃tama pixĩgü.

Yeremía 3:9

Rü yema Yudáanecüã̱xgü rü Iraéanecüã̱xgürüxü̃ tama naxca̱x nachixe ga yema chixexü̃ ga naxügüxü̃. Rü yemaacü norü taãẽmaxã nüxü̃ nicua̱xüü̃gü ga norü tupanachicüna̱xãgü ga nutanaxca̱x rü nainaxca̱x.

Yeremía 2:7

Rü choma nixĩ i ñaa naane i guxü̃ nawa rüxüxü̃wa chanagagüxü̃ nax yemaacü nangõ̱xgüãxü̃ca̱x ga nanetüarü ogü ga rümemaegüxü̃. Natürü i pema rü nua pexĩ rü chixexü̃ nawa pexügü i ñaa chorü naane rü ngẽmaãcü naxchi choxü̃ pexaixẽxẽ i ñaa naane i choxrü ixĩxü̃.

Iraétanüxü̃arü muxchiga 14:31

Rü ngẽma penegü i pema nüxü̃ pixugüegu tá perü uanügüme̱xẽgu yixü̃, rü ngẽmagü tá nixĩ i choma ngẽma nachixü̃ane i pemax nüxü̃ pexoexü̃wa chagagüxü̃, nax ngéma taãẽãcü nawa nangẽxmagüxü̃ca̱x.

Wiyaegü 106:39

Rü yemaacü ga yema duü̃xü̃gü rü Tupanape̱xewa yexeraxü̃ ga chixexü̃ naxügü ga yexguma yema tupananetagüwe naxĩxgu.

Yeremía 11:10

Rü naxca̱x nawoegu ga yema pecadugü ga nũxcümaü̃güxü̃ ga norü o̱xigü ügüxü̃, rü yemaca̱x tama chauga naxĩnüechaü̃ rü tupananetachicüna̱xãgüwe narüxĩ rü nüxü̃ nicua̱xüü̃gü. Rü yemaacü ga yema duü̃xü̃gü ga Iraéanecüã̱xgü rü Yudáanecüã̱xgü rü nüxü̃ naxoe ga yema uneta ga nũxcümaü̃güxü̃ ga norü o̱xigümaxã nüxü̃ chixuxü̃.

Echequié 2:3

Rü nüma ga Tupana rü ñanagürü choxü̃: —Cumax, Pa Yatüx, rü tá natanüwa cuxü̃ chamu i ngẽma Iraétanüxü̃ i tama chauga ĩnüexü̃ rü chomaxã nueamaxü̃. Rü nümagü rü ñu̱xma rü ta chomaxã nanueama yema norü o̱xigürüxü̃.

Echequié 18:19

Rü pema rü tá choxna peca rü ñaperügügü tá: “¿Tü̱xcüü̃ ya yimá nane rü tama nanatüarü chixexü̃gagu napoxcu?” ñapegürügü tá. Dücax, nüma rü taxũtáma nanatüarü chixexü̃gagu napoxcu erü yimá nane rü aixcüma mexü̃ naxü, rü nayanguxẽxẽ ga chorü mugü rü nagu namaxü̃. Rü ngẽmaca̱x taxucürüwama nanatüarü chixexü̃gagu nayu.

Amúx 2:4

Rü ñanagürü ta ya Cori ya Tupana: —Ngẽma Yudáanecüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nüma rü tama nanayaugü ga yema chorü ucu̱xẽgü, rü ñu̱xũchi tama naga naxĩnüe ga yema chorü mugü. Rü nüxü̃ nicua̱xüü̃gü ga yematama naxchicüna̱xãgü ga norü o̱xigü nüxü̃ icua̱xüü̃güxü̃.

Yeremía 32:23

Natürü yexguma torü o̱xigü ñaa naanewa ngugügu rü nayauxgüãgu, rü tama cuga naxĩnüe rü tama nagu naxĩ ga yema ucu̱xẽgü ga namaxã nüxü̃ quixuxü̃. Rü taxuxü̃ma naxügü ga yema namaxã nüxü̃ quixuxü̃. Rü ngẽmagagu toxca̱x ícunangu̱xẽxẽ i guxü̃ma i ngẽma guxchaxü̃gü i ñu̱xma nawa tangexmagüxü̃.

Echequié 18:14

Natürü ngẽxguma chi yimatama yatü ya chixri maxü̃cü nüxü̃́ ngẽxmagu i wüxi ya nane ya nüxü̃ daucü i guxü̃ma i nanatüarü chixexü̃gü, natürü tama nagu yaxũxgu i ngẽma nanatücüma rü taxucürüwa nanatüarü chixexü̃gügagu nayu.