Echequié 2:9 - Tupanaarü Ore

⁹ Rü ñu̱xũchi nüxü̃ chadau ga wüxi ga naxme̱x ga wüxi ga popera ga ãmatüxü̃ ga rübuxü̃ ngexü̃ne nax choxna naxããxü̃ca̱x.

Echequié 2:9 Referans Kwoze

Echequié 8:3

Rü yema yatü rü niwexechichacüxü rü chauyaegu niyauxãchi. Rü nüma ga Tupanaãxẽ rü nayachü̱xüxãchixẽxẽ ga chauãxẽ. Rü Tupana rü yema chorü ngo̱xetüwa Yerucharéü̃wa nanaga ga chauãxẽ. Rü guma ĩanearü ĩã̱x ga aixepewaama yexmaxü̃gu nayamu. Rü yema ĩã̱x rü guma ĩanearü nórtewaama naxü. Rü yéma nixĩ ga nayexmaxü̃ ga yema tupananetachicüna̱xã ga poraãcü Tupanaxü̃ nuxẽẽxü̃.

Danié 10:10

Natürü wüxi ga naxme̱x rü choxna natüxüe rü choxü̃ nangenagü ñu̱xmata cho̱xme̱xmaxã rü chauã́pü̱xümaxã ichachuxenü.

Echequié 3:1

Yexguma rü choxü̃ ñanagürü: —Cuma Pa Yatüx, ¡nangõ̱x i ñaa popera i ãmatüxü̃, rü ñu̱xũchi Iraétanüxü̃maxã nüxü̃ yarüxu i chorü ore! —ñanagürü choxü̃.

Popera ga Yudíugü ga yaxõgüxü̃ca̱x ümatüxü̃ 10:7

Rü yemaca̱x rü ñacharügü: ‘Pa Chaunatüx, daxe chixĩ, rü nua cupe̱xewa changexma nax chanaxüxü̃ca̱x i curü ngúchaü̃, ngẽma curü orewa chauchiga naxümatüxü̃rüxü̃’, ñachagürü”.

Danié 5:5

Rü yexguma ínaxaxegüyane rü yema ucapuarü ĩxtapü̱x ga cómüxü̃wa nango̱x ga wüxi ga naxme̱x ga omüema ĩxtapü̱xgu ínachixü̃wa iwǘãcüxü̃ne. Rü yexguma guma naxme̱x ga yéma iwǘãcüxü̃nexü̃ nada̱u̱xgu ga gumá ãẽ̱xgacü rü naba̱i̱xãchi rü nanacho̱xõchi rü norü muü̃maxã niyoyoxü̃ne.

Yeremía 36:2

—¡Ẽcü nayaxu i wüxi i popera i dixpütaxü̃ rü ngẽmagu naxümatü i guxü̃ma i ngẽma ore i cumaxã nüxü̃ chixuxü̃ i Iraéanecüã̱xgüchiga, rü Yudáanecüã̱xgüchiga, rü ngẽma togü i nachixü̃anecüã̱xgüchiga! ¡Rü ngẽxma naxümatü ga yema ore ga cumaxã nüxü̃ chixuxü̃ ga yexguma Yochía ãẽ̱xgacü ixĩxgu rü ñu̱xmata nawa nangu i ngẽma ore i ñu̱xma cumaxã nüxü̃ chixuxü̃!

Yeremía 1:9

Rü ñu̱xũchi nüma ya Cori ya Tupana rü chaua̱x ningõgü rü ñanagürü choxü̃:

Yeremía 36:4

Rü nüma ga Yeremía rü Nería nane ga Barúxca̱x nangema rü gumamaxã nüxü̃ nixuchigü ga Tupanaarü ore nax naxümatüaxü̃ca̱x.

Chacaría 5:1

Rü wena chango̱xetü rü nüxü̃ chadau ga wüxi ga popera ga ãmatüxü̃ ga dauxü̃gu chüxüxü̃.

Chacaría 5:3

Rü yexguma ga nüma rü ñanagürü: —Ngẽma popera rü nachiga nixĩ i ngẽma poxcu i guxü̃ma i ñoma i naaneca̱x tá ínguxü̃. Rü wüxicüwagu naxümatü i norü poxcu i ngẽma ngĩ́xta̱xagüxü̃. Rü ngẽma tocüwagu naxümatü i norü poxcu i ngẽma Tupanaégagu idorata̱xagüxü̃.