Echequié 2:8 - Tupanaarü Ore

⁸ ¡Mea irüxĩnü i ngẽma cumaxã nüxü̃ chixuxü̃! ¡Rü taxṹ i nümagürüxü̃ tama icurüxĩnüchaü̃xü̃! ¡Rü icho, rü nangõ̱x i ngẽma tá cuxna chaxãxü̃! —ñanagürü choxü̃.

Echequié 2:8 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 10:9

Rü naxü̃tawa chaxũ ga yema orearü ngeruxü̃, rü nüxna naxca̱x chaca ga yema poperaxacü nax choxna naxããxü̃ca̱x. Rü nüma rü ñanagürü choxü̃: “Ñaa nixĩ. ¡Rü nayaxu rü nangõ̱x! Rü cua̱xwa rü berurerüxü̃ tá namaixcura. Natürü cuanüwa rü tá nanaxüxãchi”, ñanagürü choxü̃.

Yeremía 15:16

Rü yexguma chomaxã quidexagu rü choma rü chanayaxu ga curü ore. Rü yema curü ore nixĩ ga choxü̃ poraxẽẽxü̃ rü choxü̃ taãẽxẽẽxü̃ erü curü duü̃xü̃ chixĩ, Pa Corix, Pa Tupana ya Guxü̃étüwa Ngẽxmacüx.

Ichaía 50:5

Rü Tupana rü choxü̃ nangu̱xẽxẽ nax naga chaxĩnüxü̃ca̱x. Rü taguma namaxã chanuama rü taguma nüxü̃ chaxo.

Nüxíraxü̃xü̃ ga popera ga Pedru ümatüxü̃ 5:3

Rü tama name i chixri namaxã ipecua̱x rü penangaãcüma penamu i ngẽma duü̃xü̃gü i pexme̱xwa ngẽxmagüxü̃. Natürü chanaxwa̱xe i mexü̃ i nacüma nüxü̃ pewe̱x.

Echequié 3:10

Yemawena rü ñanagürü choxü̃: —¡Mea irüxĩnü i guxü̃ma i ngẽma cumaxã tá nüxü̃ chixuxü̃, rü ñu̱xũchi cugüãẽgu namaxã nanguxü̃!

Iraétanüxü̃arü muxchiga 20:24

—Aróü̃ rü tá paxa nayu, rü ngẽmaca̱x taxũtáma nawa nangu i ngẽma naane i choma Iraétanüxü̃na chaxãxü̃, yerü yexguma natüxacü ga Meribáxü̃tawa peyexmagügu ga pema rü tama chauga pexĩnüe.

Lebítanüxü̃arü puracüchiga 10:3

Rü nüma ga Moiché rü Aróü̃xü̃ ñanagürü: —Ñaachiga nixĩ ga yema Cori ya Tupana nüxü̃ ixuxü̃ ga yexguma ñaxgux: “Rü yíxema choxna ngaicamachaü̃xe rü choma rü tá tüxü̃ chanawe̱x nax aixcüma chaxüünexü̃. Rü guxü̃ma i Iraétanüxü̃pe̱xewa tá ichanawe̱x i chorü pora”, ñaxgu —ñanagürü ga Moiché. Rü nüma ga Aróü̃ rü yéma nangea̱xmare.

Ichaía 8:11

Cori ya Tupana rü poraãcüma naxme̱xmaxã choxü̃ niyauxãchi rü choxü̃ naxuxcu̱xẽ nax tama ngẽma nacüma i Yudáanecüã̱xgü nagu maxẽxü̃gu chamaxü̃xü̃ca̱x, rü ñanagürü choxü̃:

Yeremía 13:2

Rü choma rü naxca̱x chayataxe ga yema goyexü̃, yema Cori ya Tupana choxü̃ muxü̃ãcüma, rü ñu̱xũchi chaugü namaxã chigoye.

Echequié 33:7

Pa Yatüx, choma ya Cori ya Tupana rü cuxü̃ chaxuneta nax Iraétanüxü̃arü dauxü̃taeruxü̃ quixĩxü̃ca̱x. Rü cumaxã tá nixĩ i nüxü̃ chixuxü̃ i chorü ore. Rü ñu̱xũchi cuma tá nixĩ i ngẽma chorü oremaxã cuyaxucu̱xẽgüxü̃ i ngẽma duü̃xü̃gü nax naxuãẽgüxü̃ca̱x.

Echequié 40:4

Rü gumá yatü rü chomaxã nidexa rü ñanagürü: —¡Mea inadawenü rü mea choxü̃ irüxĩnü rü mea nangugü i guxü̃ma i ngẽma tá cuxü̃ chawéxü̃, erü nüma ya Tupana rü nua cuxü̃ naga nax nüxü̃ cudauxü̃ca̱x i ngẽma tá cuxü̃ chawéxü̃! ¡Rü ngẽxguma marü cuxü̃ chanawe̱xguwena rü ñu̱xũchi Iraétanüxü̃maxã nüxü̃ ixu i guxü̃ma i ngẽma nüxü̃ cudauxü̃chiga! —ñanagürü.

Wiyaegü 105:28

Rü nüma ga Tupana rü guxü̃wama ga Equítuanewa ínananguxẽxẽ ga ẽanexü̃. Natürü yema Equítuanecüã̱xgü rü tama naga naxĩnüe.

Echequié 12:7

Rü choma rü chanamexẽxẽ ga yema chorü yemaxü̃gü yema Cori ya Tupana chomaxã nüxü̃ yaxuxü̃ãcü. Rü ngunecütama namaxã íchaxũxũ ñoma texé to i nachicawa ũxgurüxü̃. Rü yexguma nayáuanegu rü chayacapetü ga yema norü poxeguxü̃tápü̱xwa. Rü yexguma nachütagu rü chaugüãtügu chananugü ga guxü̃ma ga chorü yemaxü̃gü, rü ñu̱xũchi guxü̃ma ga duü̃xü̃güpe̱xewa yéma namaxã íchaxũxũ.

Yoná 1:3

Natürü nüma ga Yoná rü tama Tupanaga naxĩnü, rü naxca̱x nadau nax ñuxãcü naxcha̱xwa yaxũxü̃. Rü yemaca̱x Yópearü türewa naxũ, rü yexma nüxü̃ inayangau ga wüxi ga wapuru ga ixũãchichaxü̃ne ga Tárchixwa ũxũne. Rü gumawa nanaxütanü nax yexma yaxũxü̃ca̱x.