Echequié 2:7 - Tupanaarü Ore

⁷ ¡Rü cumax rü namaxã nüxü̃ ixuama i ngẽma chorü ore rü woo tama cuxü̃́ inaxĩnüegu! Erü nüma rü tama irüxĩnüechaü̃xü̃ nixĩgü.

Echequié 2:7 Referans Kwoze

Yeremía 23:28

Rü ngẽxguma wüxi i orearü uruxü̃ rü naxãnegügu, rü name nax nüxü̃ yaxuxü̃ nax wüxi i nanegü yixĩxü̃. Natürü ngẽxguma nayauxãgu i chorü ore rü name i aixcüma mea nüxü̃ nixu rü tama ínayatoxẽxẽ. Rü ngẽma naxchawena̱xã i trigu rü taxuacüma ngẽma trigumaxã nügügu tanangugü. Rü ngẽma chorü ore rü ñoma üxürüxü̃ nixĩ. Rü ñoma wüxi i martíyu i nutapüta ipuxẽẽxü̃rüxü̃ nixĩ. Rü choma ya Cori ya Tupana nixĩ i ngẽma ñachaxü̃.

Echequié 3:17

—Pa Yatüx, choma rü cuxü̃ chamu nax dauxü̃taeruxü̃ quixĩxü̃ca̱x natanüwa i ngẽma Iraétanüxü̃. Rü ngẽxguma ta̱xacürü orexü̃ cumaxã chixuxgu ¡rü namaxã nüxü̃ ixu i ngẽma chorü ore nax ngẽmaãcü nüxü̃ nacua̱xgüxü̃ca̱x!

Echequié 3:10

Yemawena rü ñanagürü choxü̃: —¡Mea irüxĩnü i guxü̃ma i ngẽma cumaxã tá nüxü̃ chixuxü̃, rü ñu̱xũchi cugüãẽgu namaxã nanguxü̃!

Echequié 2:5

Rü ñanagürü ta: —Ngẽma duü̃xü̃gü i tama irüxĩnüechaü̃xü̃ rü ngẽxguma woo cuxü̃́ inaxĩnüegu rüe̱xna tama cuxü̃́ inaxĩnüegu, natürü tá nüxna nacua̱xãchie nax natanüwa marü nangẽxmaxü̃ i chorü orearü uruxü̃.

Yeremía 1:7

Natürü nüma ga Cori ya Tupana rü choxü̃ ñanagürü: —¡Taxṹ i nüxü̃ quixuxü̃ nax cungextü̱xüxü̃! Rü chanaxwa̱xe i cuxü̃ íchamuxü̃wa nax cuxũxü̃. Rü tá nüxü̃ quixu i ngẽma choma cuxü̃ chamuxü̃ nax nüxü̃ quixuxü̃.

Yeremía 1:17

¡Rü ñu̱xma i cumax, rü inachi rü cugü naporaxẽxẽ, rü ngẽma duü̃xü̃gütanüwa naxũ rü namaxã nüxü̃ yarüxu i ngẽma choma cumaxã nüxü̃ chixuxü̃! ¡Rü taxṹ i nüxü̃ cumuü̃xü̃! Erü ngẽxguma taxũtáma ngẽma cumaxã nüxü̃ chixuxü̃ãcüma cunaxüxgux, rü choma rü tá ngẽma duü̃xü̃güpe̱xewa muü̃maxã cuxü̃ chidu̱xruxẽxẽ.

Ore i mexü̃ ga Matéu ümatüxü̃ 28:20

¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.

Yoná 3:2

—¡Ẽcü yima taxü̃ne ya ĩane ya Nínibewa naxũ rü duü̃xü̃gümaxã nüxü̃ ixu i ngẽma tá cumaxã nüxü̃ chixuxü̃! —ñanagürü.

Yeremía 26:2

—¡Ẽcü chopataa̱xtügu yachi! ¡Rü namaxã nüxü̃ ixu i guxü̃ma i ngẽma ore i cuxü̃ chamuxü̃ nax namaxã nüxü̃ quixuxü̃ca̱x i ngẽma duü̃xü̃gü i Yudáanearü ĩanegüwa ne ĩxü̃ nax chopatawa choxü̃ yanacua̱xüü̃güxü̃ca̱x! ¡Rü taxuxü̃táma nixĩ i cuxüpetüxü̃ nax nüxü̃ quixuxü̃ i guxü̃ma i ngẽma ore!

Yeremía 7:27

Rü choxü̃ ñanagürü: —¡Rü cumax, Pa Yeremíax, ẽcü ngẽma duü̃xü̃gümaxã nüxü̃ ixu i guxü̃ma i ngẽma cumaxã nüxü̃ chixuxü̃, woo tama cuga naxĩnüegu! ¡Rü nataga woo tama cuxü̃ nangãxü̃gügu!

Yeremía 17:20

¡Rü ngẽma ãẽ̱xgacügümaxã rü guxü̃ma i Yudátanüxü̃maxã rü guxü̃ma i Yerucharéü̃cüã̱xgü i ngẽma ĩã̱xgüwa ichocuxü̃maxã nüxü̃ ixu i chorü ore i ñaxü̃: “Nüxü̃ iperüxĩnüe ya Cori ya Tupanaarü ore!” —ñaxü̃!

Yeremía 36:14

Rü yema ãẽ̱xgacüarü ngü̃xẽẽruü̃gü nanamu ga Yeudí ga Netanía nane ga Cheremíataxa rü Cúchitaxa ixĩxü̃ nax Barúxmaxã nüxü̃ yanaxuxü̃ca̱x nax yema ãẽ̱xgacüarü ngü̃xẽẽruü̃güxü̃tawa nangeaxü̃ca̱x ga yema popera ga duü̃xü̃güpe̱xewa nüxü̃ nadaumatüxü̃. Rü nüma ga Barúx rü nanayaxu ga yema popera rü ãẽ̱xgacüarü ngü̃xẽẽruü̃güxü̃tawa namaxã naxũ.

Yeremía 42:21

Rü choma rü ñoma i ngunexü̃ pexü̃ nüxü̃ chacua̱xẽxẽ i ngẽma Cori ya perü Tupana chomaxã nüxü̃ ixuxü̃ nax choma pemaxã nüxü̃ chixuxü̃ca̱x i ngẽma. Natürü i pema rü tama naga pexĩnüechaü̃.

Echequié 11:25

Rü ñu̱xũchi ga choma rü yema chautanüxü̃ ga Babiróniaanewa gaguxü̃maxã nüxü̃ chixu ga guxü̃ma ga yema Tupana choxü̃ wéxü̃.

Echequié 20:27

—Rü cumax, Pa Yatüx, ¡rü namaxã idexa i ngẽma Iraétanüxü̃ rü namaxã nüxü̃ ixu i ñaa chorü ore! “Yema perü o̱xigü rü ta rü pexrüü̃tama choxü̃ nanuxẽẽgü rü tama chomaxã nixaixcümagü.

Echequié 33:7

Pa Yatüx, choma ya Cori ya Tupana rü cuxü̃ chaxuneta nax Iraétanüxü̃arü dauxü̃taeruxü̃ quixĩxü̃ca̱x. Rü cumaxã tá nixĩ i nüxü̃ chixuxü̃ i chorü ore. Rü ñu̱xũchi cuma tá nixĩ i ngẽma chorü oremaxã cuyaxucu̱xẽgüxü̃ i ngẽma duü̃xü̃gü nax naxuãẽgüxü̃ca̱x.

Echequié 40:4

Rü gumá yatü rü chomaxã nidexa rü ñanagürü: —¡Mea inadawenü rü mea choxü̃ irüxĩnü rü mea nangugü i guxü̃ma i ngẽma tá cuxü̃ chawéxü̃, erü nüma ya Tupana rü nua cuxü̃ naga nax nüxü̃ cudauxü̃ca̱x i ngẽma tá cuxü̃ chawéxü̃! ¡Rü ngẽxguma marü cuxü̃ chanawe̱xguwena rü ñu̱xũchi Iraétanüxü̃maxã nüxü̃ ixu i guxü̃ma i ngẽma nüxü̃ cudauxü̃chiga! —ñanagürü.

Amúx 3:13

Rü Cori ya Tupana ya Guxãétüwa Ngẽxmacü rü ñanagürü: —¡Iperüxĩnüe i pemax! ¡Rü Acóbutanüxü̃maxã nüxü̃ pixu! Rü ngẽma ngunexü̃ i nagu Iraétanüxü̃na norü chixexü̃güca̱x nüxna chacaxgu, rü tá nagu chapogü i ngẽma norü tupananetagüarü ãmarearü guruü̃gü i Betéwa ngẽxmagüxü̃. Rü nagu tá chapogü i ngẽma ãmarearü guruü̃chata̱xcuregü rü waixü̃müanegu tá nayi.

Yeremía 6:28

Rü ñachagürü: —Pa Corix, guxü̃ma i nümagü rü tama cuga naxĩnüechaü̃. Rü duü̃xü̃gü i oregüta̱a̱xgüxü̃ i chixexü̃gu maxẽxü̃ nixĩgü. Nümagü rü ñoma bróũcherüxü̃ rü fierurüxü̃ nitaiarü maxü̃neã̱x. Rü guxü̃ma poraãcü chixexü̃ naxügü.

Yeremía 34:6

Rü nüma ga Tupanaarü orearü uruxü̃ ga Yeremía rü Yerucharéü̃wa Yudáanearü ãẽ̱xgacü ga Chedequíamaxã nüxü̃ nixu ga guxü̃ma ga yema ore.

Yeremía 44:20

Rü yexguma nüma ga Yeremía rü nanangãxü̃ ga guxü̃ma ga yema iyatüxü̃ rü yema ngexü̃gü ga yemaacü nangaxü̃güxü̃. Rü ñanagürü:

Echequié 3:4

Rü yemawena rü ñanagürü choxü̃: —¡Inaxũãchi rü Iraétanüxü̃maxã nüxü̃ yarüxu i ngẽma ore i namaxã nüxü̃ chixuxchaü̃xü̃!