Echequié 2:5 - Tupanaarü Ore

⁵ Rü ñanagürü ta: —Ngẽma duü̃xü̃gü i tama irüxĩnüechaü̃xü̃ rü ngẽxguma woo cuxü̃́ inaxĩnüegu rüe̱xna tama cuxü̃́ inaxĩnüegu, natürü tá nüxna nacua̱xãchie nax natanüwa marü nangẽxmaxü̃ i chorü orearü uruxü̃.

Echequié 2:5 Referans Kwoze

Echequié 33:33

Natürü guxü̃ma i ngẽma nüxü̃ quixuxü̃ rü tá ningu. Rü ngẽxguma yanguxgu rü ngẽma duü̃xü̃gü tá nüxü̃ nicua̱xãchitanü nax aixcüma natanüwa nayexmaxü̃ ga chorü orearü uruxü̃ —ñanagürü.

Echequié 3:27

Natürü ngẽxguma ta̱xacüxü̃ tá cumaxã chixuxgu i choma rü cuxü̃ tá chidexaxẽxẽ. Rü ngẽxguma rü ñacurügü tá nüxü̃ i ngẽma duü̃xü̃gü: “Ngẽma pemaxã nüxü̃ chixuxü̃ rü ngẽma nixĩ i Cori ya Tupanaarü ore”, ñacurügü tá. Rü ngẽma irüxĩnüchaü̃xü̃, rü tá inarüxĩnü, natürü ngẽma tama irüxĩnüchaü̃xü̃ rü taxũtáma inarüxĩnü, erü ngẽma duü̃xü̃gü rü tama ĩrüxĩnüechaü̃xü̃ nixĩgü —ñanagürü.

Ore i mexü̃ ga Cuáü̃ ümatüxü̃ 15:22

Rü ngẽxguma chi choma tama namaxã chanango̱xẽẽgu nax chixri namaxẽxü̃, rü taxũchima nüxü̃ nacua̱xgü ga pecadu nax naxügüxü̃. Natürü ñu̱xma namaxã nüxü̃ nax chixuxü̃ nax chixri namaxẽxü̃, rü ngẽmaca̱x i ñu̱xma rü taxuacüma nüxü̃ nixugü nax yangearü pecaduã́xü̃.

Ngechuchuarü ngúexü̃gü ga yamugüxü̃arü puracüchiga 13:46

Natürü ga Pauru rü Bernabé rü tama namuü̃eãcüma yema Yudíugüxü̃ nangãxü̃gü, rü ñanagürügü: —Tupana nanaxwa̱xe nax pemaxãxíra nüxü̃ tixuxü̃ i norü ore. Natürü ñu̱xma nax nüxü̃ pexoexü̃ i ngẽma ore rü tama penayauxgüchaü̃xü̃ i maxü̃ i taguma gúxü̃, rü ngẽmaca̱x i ñu̱xmax i toma rü tá ngẽma tama Yudíugü ixĩgüxü̃tanüwa taxĩ.

Echequié 2:7

¡Rü cumax rü namaxã nüxü̃ ixuama i ngẽma chorü ore rü woo tama cuxü̃́ inaxĩnüegu! Erü nüma rü tama irüxĩnüechaü̃xü̃ nixĩgü.

Romanos 3:3

¿Rü ta̱xacü tá ngupetüxü̃ i ñu̱xmax ega ñuxre i tatanüxü̃ i Yudíugü rü tama mea yanguxẽxẽgüãgu i ngẽma Tupana tüxü̃ muxü̃? ¿Rü pexca̱x rü ngẽmaca̱x taxũtáma yanguxẽẽãxü̃ ya Tupana i ngẽma tamaxã inaxunetaxü̃?

Echequié 33:9

Natürü ngẽxguma chi cuma rü ngẽma duü̃xü̃ i chixexü̃arü üruxü̃maxã nüxü̃ quixuxgu nax nüxü̃ naxoxü̃ i ngẽma nacüma i nagu namaxü̃xü̃, natürü tama cuga naxĩnügu, rü nüma rü nagagutátama norü chixexü̃gu nayu. Natürü i cuma rü tá cumaxü̃ erü marü tama nicuguãchi —ñanagürü.

Echequié 3:19

Natürü ngẽxguma chi cuma rü ngẽma duü̃xü̃ i chixexü̃gu maxü̃xü̃ cuxucu̱xẽgu nax nüxü̃ naxoxü̃ca̱x i ngẽma nacüma i chixexü̃ rü nüma rü tama nüxü̃ naxoxchaü̃gu, rü ngẽma norü pecadugagu tá nayu. Natürü i cuma rü taxuca̱xtama cuxna chaca, rü tá cumaxü̃.

Yeremía 36:21

Rü nüma ga ãẽ̱xgacü rü Yeudíxü̃ namu nax poperaarü ümatüruxü̃ ga Erichamáarü ucapuwa yayauxãxü̃ca̱x ga yema popera. Rü yexguma ãẽ̱xgacüxü̃tawa nangeãgu rü ãẽ̱xgacüpe̱xewa rü guxü̃ma ga norü ngü̃xẽẽruü̃güpe̱xewa nüxü̃ nadaumatü.

Yeremía 42:19

Rü nüma ga Yeremía rü ñanagürü: —Ngẽma nixĩ i Cori ya Tupanaarü ore pexca̱x i pema ya Yudáanewa yaxügüxe. Rü nüma rü ñanagürü pexü̃: “¡Taxṹ i Equítuanewa pexĩxü̃! ¡Rü mea nagu perüxĩnüe i ngẽma pemaxã nüxü̃ chixuxü̃ i ñu̱xmax!” ñanagürü.

Echequié 44:6

¡Rü namaxã nüxü̃ ixu i ngẽma Iraétanüxü̃ i tama chauga ĩnüexü̃!: “Cori ya Tupana rü ñanagürü: ‘Pa Duü̃xü̃gü i Iraétanüxü̃x, ¡nüxü̃ perüxoe i ngẽma taxü̃ i ãũãchixü̃ i pexügüxü̃!

Norü taxre ga popera ga ãẽ̱xgacügüchiga 5:8

Natürü yexguma gumá orearü uruxü̃ ga Erichéu nüxü̃ cuáchigagu ga yema nügü nax nagáutechiruxü̃ ga guma ãẽ̱xgacü nagagu ga yema popera ga nayaxuxü̃, rü naxca̱x yéma namuga rü ñanagürü: —¿Tü̱xcüü̃ i cugü curügáutechiruxü̃? ¡Rü ẽcü nua namu i ngẽma yatü nax nua choxü̃ íyadauxü̃ca̱x! Rü tá naxca̱x nitaane nax ngẽmawa nüxü̃ nacuáxü̃ca̱x rü nua Iraéanewa nax nangẽxmaxü̃ i Tupanaarü orearü uruxü̃ —ñanagürü.

Echequié 3:26

Rü ñu̱xũchi i choma rü cuxmanaawa tá cuxü̃ chayaxũarü conüã̱xẽxẽ rü tá cungea̱x. Rü taxucürüwa tá cuyaxucu̱xẽgü i ngẽma duü̃xü̃gü i chixexü̃gu maxẽxü̃ rü nuewa̱xegüxü̃.

Echequié 24:3

¡Rü ngẽma Iraétanüxü̃ i tama chauga ĩnüechaü̃xü̃maxã nüxü̃ ixu i chorü ore i wüxi ya panerachigagu ixuxü̃! “¡Üxüwa naxü̃nagü ya wüxi ya panera, rü dexámaxã naxüãcu!