Biblia Todo Logo
Bib sou entènèt

- Piblisite -




Echequié 2:2 - Tupanaarü Ore

2 Rü yexguma chomaxã íyadexayane ga Tupana rü choxna nangu ga Naãxẽ, rü choxü̃ inachixẽxẽ. Rü yexguma mea nüxü̃ chaxĩnü ga naga ga yema chomaxã idexaxü̃.

Gade chapit la Kopi




Echequié 2:2
13 Referans Kwoze  

Rü yexguma ga Tupanaãxẽ ya Üünexü̃ rü choxna nangu rü choxü̃ inachixẽxẽ. Rü nüma ga Cori ya Tupana rü ñanagürü choxü̃: —¡Íxũ rü cupatagu cugü rüwãxtaxü̃!


Rü yexguma ga yema Tupanaãxẽ rü choxü̃ inachixẽxẽ. Rü choweama nüxü̃ chaxĩnü ga wüxi ga naga ga tagaxü̃ ga ñoma iã̱xãchianexü̃rüxü̃ ixĩxü̃, rü ñanagürü: —Namexẽchi nixĩ i ngẽma Tupanaarü üüne i nüma ínangexmaxü̃wa —ñanagürü.


Natürü yema tomaepü̱x ga ngunexü̃arü ngãxü̃guwena, rü Tupana wenaxarü nanamaxẽxẽxẽ ga yema taxre. Rü wenaxarü ínarüdagü. Rü guxü̃ma ga yema duü̃xü̃gü ga nüxü̃ daugüxü̃ rü poraãcü namuü̃e.


Rü yexguma chomaxã yadexayane rü chiyuãchi rü yexma waixü̃müanegu chayangu. Natürü ga nüma rü choxü̃ ningõgü rü choxü̃ inachixẽxẽ. Rü ñu̱xũchi choxü̃ ñanagürü: —Cumaxã tá nüxü̃ chixu nax ñuxãcü tá yixĩxü̃ i ngẽxguma nagu̱xgu nax Tupana napoxcuexü̃ i norü duü̃xü̃gü i tama naga ĩnüexü̃. Erü ngẽma cunegüwa nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃.


Rü pewa tá chanamaxẽxẽ ya Chauãxẽ ya Üünecü nax ngẽmaãcü mea peyanguxẽẽxü̃ca̱x i chorü mugü.


Rü yema Tupanaãxẽ ya Üünexü̃ rü choxü̃ nachixẽxẽ, rü choxü̃ inagaxüchi ga yéma. Rü choma rü ngechaü̃ãcüma rü oegaãẽãcüma chataegu ga yéma. Rü nüma ga Cori ya Tupana rü poraãcü naxme̱xmaxã choxü̃ ningĩ.


Rü mucüma ga taunecü rü yáxna namaxã cuxĩnü ga yema torü o̱xigü. Rü Cuãxẽ ya Üünecüwa rü curü orearü uruü̃güwa cuyaxucu̱xẽgüchire̱x, natürü ga nümagü rü tama cuga naxĩnüechaü̃. Rü yemaca̱x nixĩ ga ñoma ga naanewa yexmagüxü̃ ga nachixü̃anegüme̱xẽwa cunayexmagüxẽẽxü̃.


Rü nüma ga Chamué rü nanayaxu ga yema carnéruchatacu̱xre ga chíxü̃maxã ããcuxü̃, rü Dabíerugu nanaba ga naenexẽgüpe̱xewa. Rü yexgumatama ga Tupanaãxẽ rü Dabína nangu rü namaxã inacua̱x. Rü yemawena ga nüma ga Chamué rü narümoxẽ rü norü ĩane ga Ramáca̱x nataegu.


Rü wüxi ga ngunexü̃gu ga Chanchóü̃ ga yexguma Dáü̃tanüxü̃arü churaragüarü pegüchicawa naxũxgu ga ĩanegü ga Chorá rü Etaóü̃arü ngãxü̃wa, rü Tupanaãxẽ ya Üünecü inanaxügü nax Chanchóü̃maxã inacuáxü̃.


Rü yexguma ga yema Cori ya Tupanaãxẽ ya Üünecü rü chowa nangu rü choxü̃ namu nax nüxü̃ chixuxü̃ca̱x i ñaa ore i ñaxü̃: —Nüma ya Cori ya Tupana rü ñanagürü: “Ngẽma nixĩ i pema nagu perüxĩnüexü̃, Pa Iraétanüxü̃x. Choma rü nüxü̃ chacua̱x i ngẽma perü ĩnügü.


¡Rü ngẽma Iraétanüxü̃ i tama chauga ĩnüechaü̃xü̃maxã nüxü̃ ixu i chorü ore i wüxi ya panerachigagu ixuxü̃! “¡Üxüwa naxü̃nagü ya wüxi ya panera, rü dexámaxã naxüãcu!


Swiv nou:

Piblisite


Piblisite