Echequié 2:10 - Tupanaarü Ore

¹⁰ Rü guma naxme̱x rü chope̱xewa ínayawẽ ga yema popera. Rü yema popera rü taxrecüwawa naxãmatü. Rü ngechaü̃gü̃, rü ngúxü̃gü, rü ãxũnegü nagu naxümatü.

Echequié 2:10 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 8:13

Rü yemawena ichadawenü rü nüxü̃ chaxĩnü ga wüxi ga ĩyü ga daxũgu íxexeü̃xü̃ ga tagaãcü ñaxü̃: “Nangechaü̃tümüü̃gü i ngẽma duü̃xü̃gü i naanewa maxẽxü̃ i ngẽxguma yacuegüãgu tá ya norü cornétagü i ngẽma togü i tomaepü̱x i Tupanaarü orearü ngeruü̃gü”, ñaxü̃.

Ichaía 3:11

Natürü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃ i chixexü̃gu maxü̃xü̃. Rü ngẽma chixexü̃ i naxüxü̃gagu rü tá guxchaxü̃ naxca̱x ínangu. Erü Cori ya Tupana rü ngẽma chixexü̃ i naxüxü̃ca̱x tá nanapoxcu.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:14

Rü yexma nayacua̱x ga yema norü taxre ga poxcu. Natürü paxa tá ínangu i ngẽma norü tomaepü̱x i poxcu.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:12

Rü yexma nayacua̱x ga yema nüxíraxü̃xü̃ ga chixexü̃ ga taxü̃, natürü ínayaxüama ga to ga taxre.

Abacú 2:2

Rü nüma ga Cori ya Tupana rü choxü̃ nangãxü̃ rü ñanagürü: —¡Wüxi i mürapewatachinügu naxümatü i ngẽma tá cuxü̃ chawéxü̃ nax ngẽmaãcü tauxchaãcü duü̃xü̃gü nüxü̃ daumatüxü̃ca̱x!

Yema Cuáü̃ nüxü̃ dauxü̃ i yixcüra tá ngupetüxü̃chiga 5:1

Rü ñu̱xũchi nüxü̃ chadau ga gumá tochicaxü̃wa rütocüarü tügüneme̱xẽwa nax nayexmaxü̃ ga wüxi ga popera ga idixixü̃. Rü düxétüwa rü aixepewa rü naxãmatü ga yema popera. Rü 7 wa niñaxtachipe̱xe.

Echequié 19:1

Rü cumax, Pa Echequiéx, rü Iraétanüxü̃arü ãẽ̱xgacügüchiga nagu nawiyae i ñaa ngechaü̃arü wiyae:

Yema Cuáü̃ nüxü̃ dauxü̃ i yixcüra tá ngupetüxü̃chiga 10:10

Rü yema orearü ngeruü̃me̱xẽwa chanayaxu ga yema poperaxacü, rü chanangõ̱x. Rü cha̱u̱a̱xwa rü berurerüxü̃ namaixcura. Natürü yexguma chanangõ̱xguwena rü chauanüwa rü nanaxüxãchi rü changu̱xneca.