Echequié 2:1 - Tupanaarü Ore

¹ Rü ñu̱xũchi nüxü̃ chaxĩnü ga wüxi ga naga ga ñaxü̃ choxü̃: —Pa Yatüx ¡inachi erü tá cumaxã chidexa! —ñaxü̃.

Echequié 2:1 Referans Kwoze

Danié 10:11

Rü ñu̱xũchi ñanagürü choxü̃: —Pa Daniéx, Tupana rü cuxü̃ nangechaü̃. ¡Rü mea irüxĩnü i ngẽma tá cumaxã nüxü̃ chixuxü̃! ¡Rü inachi! Erü choxü̃ nixĩ i cuxü̃tawa namuxü̃ ya Tupana —ñanagürü. Rü yexguma yagúegagu nax yadexaxü̃ rü choma rü chidu̱xruxãcüma ichachi.

Echequié 4:1

Rü Cori ya Tupana rü ñanagürü: —Cumax, Pa Echequiéx, ¡rü nayaxu ya wüxi ya ladriyu rü cugüpe̱xegu naxǘ! ¡Rü yimagu naxüxchicüna̱xã ya yima ĩane ya Yerucharéü̃!

Echequié 3:17

—Pa Yatüx, choma rü cuxü̃ chamu nax dauxü̃taeruxü̃ quixĩxü̃ca̱x natanüwa i ngẽma Iraétanüxü̃. Rü ngẽxguma ta̱xacürü orexü̃ cumaxã chixuxgu ¡rü namaxã nüxü̃ ixu i ngẽma chorü ore nax ngẽmaãcü nüxü̃ nacua̱xgüxü̃ca̱x!

Echequié 5:1

Rü nüma ga Cori ya Tupana rü choxü̃ ñanagürü: —Cuma, Pa Yatüx, ¡tüxü̃ nayaxu ya wüxi ya cüxchi ya ñoma nowayarüxü̃ texéchixe! ¡Rü cugü idüeru rü ñu̱xũchi cugü idüxchinagu! ¡Rü ngẽmawena rü nayaxu i wüxi ya yáruxü̃, rü tomaepü̱xgu yatoye i ngẽma cuyae!

Echequié 3:4

Rü yemawena rü ñanagürü choxü̃: —¡Inaxũãchi rü Iraétanüxü̃maxã nüxü̃ yarüxu i ngẽma ore i namaxã nüxü̃ chixuxchaü̃xü̃!

Echequié 3:1

Yexguma rü choxü̃ ñanagürü: —Cuma Pa Yatüx, ¡nangõ̱x i ñaa popera i ãmatüxü̃, rü ñu̱xũchi Iraétanüxü̃maxã nüxü̃ yarüxu i chorü ore! —ñanagürü choxü̃.

Ngechuchuarü ngúexü̃gü ga yamugüxü̃arü puracüchiga 9:6

¡Rü inachi, rü ngéma Damácuarü ĩanewa naxũ! Rü ngéma rü wüxi ya yatü tá cumaxã nüxü̃ nixu nax ta̱xacü tá cuxüxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 26:16

¡Natürü írüda rü inachi! Rü marü cuxca̱x chango̱x i ñu̱xmax, erü cuxü̃ chayaxu nax choxü̃́ cupuracüxü̃ca̱x rü nüxü̃ quixuchigaxü̃ca̱x i ngẽma ñu̱xma nax choxü̃ cudauxü̃ rü ngẽma yixcüra tá chauxü̃tawa nüxü̃ cudauxü̃.

Ore i mexü̃ ga Cuáü̃ ümatüxü̃ 3:16

Rü Tupana rü poraãcü nüxü̃ nangechaü̃ i ñoma i naanecüã̱x i duü̃xü̃gü. Rü yemaca̱x inanamu ga Nane ga nügümaxã wüxicacü nax guxãma ya texé ya nüxü̃́ yaxõgüxe rü tama itarütauxexü̃ca̱x rü tüxü̃́ nangẽxmaxü̃ca̱x i maxü̃ i taguma gúxü̃.

Ore i mexü̃ ga Cuáü̃ ümatüxü̃ 3:13

Taguma texé daxũguxü̃ i naanewa taxũ. Natürü Tupana Nane nax duü̃xü̃xü̃ ixĩcüxicatama nixĩ ya ngéma ne ũcü rü ngéma tá ũcü.

Ore i mexü̃ ga Matéu ümatüxü̃ 17:7

Natürü ga Ngechuchu rü naxca̱x nixũ, rü nüxü̃ ningõgüchigü, rü ñanagürü nüxü̃: —¡Ipechigü rü taxṹ i pemuü̃exü̃! —ñanagürü.

Danié 8:17

Rü yexguma ga nüma ga Gábi rü cha̱u̱xca̱x nixũ. Choma rü chaba̱i̱xãchi rü nape̱xegu chanangücuchi waixü̃müanegu. Natürü ga nüma rü ñanagürü choxü̃: —Pa Yatüx, name i nüxü̃ cucua̱x i ngẽma nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃ —ñanagürü.

Echequié 37:3

Rü yexguma ga nüma ga Cori ya Tupana rü choxna naca rü ñanagürü: —¿Cuyaxõxü̃ yixĩxü̃ i cumax, rü daa naxchina̱xãgü rü tá wena namaxẽxü̃? —ñanagürü. Rü yexguma ga chomax rü chanangãxü̃ rü ñachagürü: —Pa Corix, cuxicatama nixĩ i nüxü̃ cucuáxü̃ i ngẽma —ñachagürü.

Echequié 20:3

—Cuma, Pa Yatüx, ¡namaxã idexa i ngẽma Iraétanüxü̃arü ãẽ̱xgacügü rü namaxã nüxü̃ ixu i chorü ore i ñaxü̃! “¿Ẽ̱xna pema rü nua pexĩ nax choxna peyacagüxü̃ca̱x? Natürü i choma ya Cori ya Tupana rü chauégagu pemaxã nüxü̃ chixu nax tama chanaxwa̱xexü̃ nax choxna peyacagüxü̃”.

Echequié 16:2

—Cumax, Pa Yatüx, chanaxwa̱xe ya yima ĩane ya Yerucharéü̃maxã quidexa nachiga i ngẽma taxü̃ i chixexü̃ i naxüxü̃.

Echequié 12:3

¡Rü ngẽmaca̱x namexẽxẽ i ngẽma quingexchaü̃xü̃ ñoma to i nachicawa cuxũxü̃rüxü̃! ¡Rü ngunecütama rü guxü̃ma i duü̃xü̃güpe̱xewa ínaxũxũ i cupatawa rü to i nachicawa naxũ! Rü bexmana ngẽmawa tá nügü nicua̱xãchitanü nax duü̃xü̃gü i tama chauga ĩnüechaü̃xü̃ nax yixĩgüxü̃.

Echequié 3:10

Yemawena rü ñanagürü choxü̃: —¡Mea irüxĩnü i guxü̃ma i ngẽma cumaxã tá nüxü̃ chixuxü̃, rü ñu̱xũchi cugüãẽgu namaxã nanguxü̃!

Echequié 2:8

¡Mea irüxĩnü i ngẽma cumaxã nüxü̃ chixuxü̃! ¡Rü taxṹ i nümagürüxü̃ tama icurüxĩnüchaü̃xü̃! ¡Rü icho, rü nangõ̱x i ngẽma tá cuxna chaxãxü̃! —ñanagürü choxü̃.

Echequié 2:6

Rü cumax, Pa Yatüx ¡rü taxṹ i nüxü̃ cumuü̃xü̃! ¡Rü taxṹ i naxca̱x cumuü̃xü̃ ega cuxü̃ naxãxũnegügu rü ñoma tuxumaxã ícunumaeguãchigurüxü̃ cumaxã yixĩxgu rüe̱xna ñoma tuxchinawetanüwa cungexmagurüxü̃! ¡Rü taxṹ i curümaãchixü̃ ega chixri cuchiga yadexagügu! ¡Rü taxṹ i cubaixãchixü̃ ega numaxã cuxna nadaugügu i ngẽma duü̃xü̃gü i tama irüxĩnüechaü̃xü̃!

Echequié 2:3

Rü nüma ga Tupana rü ñanagürü choxü̃: —Cumax, Pa Yatüx, rü tá natanüwa cuxü̃ chamu i ngẽma Iraétanüxü̃ i tama chauga ĩnüexü̃ rü chomaxã nueamaxü̃. Rü nümagü rü ñu̱xma rü ta chomaxã nanueama yema norü o̱xigürüxü̃.

Echequié 1:28

Rü yema norü ya̱u̱xracüü ga caixanexü̃wa nango̱xgu rü ñoma chirapaema i pucügu nüxü̃ idauxü̃rüxü̃ nixĩ. Rü yemaacü nixĩ ga cha̱u̱xca̱x nangóxü̃ ga Cori ya Tupanaarü üüne. Rü yemaxü̃ chada̱u̱xgu rü ñaxtüanegu chanangücuchi.

Echequié 40:4

Rü gumá yatü rü chomaxã nidexa rü ñanagürü: —¡Mea inadawenü rü mea choxü̃ irüxĩnü rü mea nangugü i guxü̃ma i ngẽma tá cuxü̃ chawéxü̃, erü nüma ya Tupana rü nua cuxü̃ naga nax nüxü̃ cudauxü̃ca̱x i ngẽma tá cuxü̃ chawéxü̃! ¡Rü ngẽxguma marü cuxü̃ chanawe̱xguwena rü ñu̱xũchi Iraétanüxü̃maxã nüxü̃ ixu i guxü̃ma i ngẽma nüxü̃ cudauxü̃chiga! —ñanagürü.

Echequié 43:18

Rü yemawena chomaxã nidexa ga gumá yatü rü ñanagürü: —Pa Yatüx, ñaa nixĩ i norü ore ya yima Cori ya Tupana ya Guxü̃étüwa Ngẽxmacü: “Rü ngẽxguma nawa nanguxgu nax marü yanguxü̃ i ngẽma ãmarearü guruxü̃ rü chanaxwa̱xe nax peyanguxẽẽxü̃ i ñaa mugü: Rü ngẽma ãmarearü guruü̃wa tá cha̱u̱xca̱x peyagu i wüxi i naxü̃na. Rü yimá nagümaxã tá penamaxcuétü i ngẽma ãmarearü guruxü̃.