Echequié 19:8 - Tupanaarü Ore

⁸ Rü yemaca̱x ga yema nachixü̃anegü ga nüxna ngaicamagüxü̃ rü naxca̱x inanaxügü ga wüxi ga norü yauxruxü̃. Rü yemagu nayayauxgü.

Echequié 19:8 Referans Kwoze

Echequié 19:4

Rü yema togü ga nachixü̃anecüã̱xgü rü nachigaxü̃ naxĩnüe, rü wüxi i yauxruxü̃ naxca̱x inaxügü rü yexma nayayauxgü. Rü naraü̃wa nayachotagü rü ngẽmaãcü Equítuanewa nanagagü.

Echequié 12:13

Natürü i choma rü ngẽma ãẽ̱xgacüétügu tá chanaña i chorü tarapa, rü ngẽmamaxã tá chayayaxu. Rü Cadéugüane i Babiróniawa tá chanaga. Rü ngẽmaãcü tagutáma wena nüxü̃ nadau i norü naane. Rü Babiróniagu tá nixĩ i nayuxü̃.

Echequié 17:20

Rü choma rü naétügu tá chanaña i ngẽma chorü pücha, rü ngẽmamaxã tá chayayaxu. Rü Babiróniawa tá chanaga, rü ngéma tá chapoxcu nagagu nax tama chauga naxĩnüxü̃.

Auxexü̃chiga 4:20

Rü yimá tachixü̃anearü ãẽ̱xgacü ya Cori ya Tupana nüxü̃ unetacü ya tüxü̃ ípoxü̃cü rü ngẽma tórü uanügü rü marü nayayauxgü. Rü yimá tórü ãẽ̱xgacüchiga nixĩ ga ü̃pa ñagüxü̃: —Cuxme̱xwa tangexmagü nax toxü̃ ícupoxü̃xü̃ca̱x nüxna i ngẽma togü i nachixü̃anegü —ñagüxü̃.

Norü taxre ga popera ga ãẽ̱xgacügüchiga 24:11

Rü yexguma marü nagu nachoxguyane ga guma ĩane ga Yerucharéü̃ rü yéma nangu ga nüma ga Nabucudonochó.

Echequié 19:7

Rü ãẽ̱xgacüpatagü rü nayachixexẽxẽ, rü ĩanegü rü nagu nipogügü. Rü yema nagamaxã rü nayadu̱xruxẽxẽ ga guxü̃ma ga nachixü̃anegü.

Yeremía 22:19

Rü ngẽxguma cuyu̱xgu rü Yerucharéü̃arü namagügu tá cuxü̃ nitúgümare. Rü Yerucharéü̃arü düxétüwa tá cuxü̃ nayata̱xgü ñoma wüxi i búru ítáxü̃rüxü̃ —ñanagürü ga Cori ya Tupana.