Echequié 19:7 - Tupanaarü Ore

⁷ Rü ãẽ̱xgacüpatagü rü nayachixexẽxẽ, rü ĩanegü rü nagu nipogügü. Rü yema nagamaxã rü nayadu̱xruxẽxẽ ga guxü̃ma ga nachixü̃anegü.

Echequié 19:7 Referans Kwoze

Echequié 30:12

Rü choma rü tá chayachexẽxẽ i ngẽma taxtü i Níru. Rü duü̃xü̃gü i chixecümaxüchixü̃güme̱xẽwa tá chanangexmagüxẽxẽ i Equítuanecüã̱xgü nax ngẽmaãcü chanaguãcuxẽxẽ i ngẽma nachixü̃ane guxü̃ma i norü ngẽmaxü̃gümaxã. Rü choma ya Cori ya Tupana nixĩ i nüxü̃ chixuxü̃ i ngẽma’.

Miquéa 1:2

Rü nüma ga Miquéa rü ñanagürü: —¡Pa Guxãma i Ñaa Nachixü̃anecüã̱xgüx i Duü̃xü̃güx, rü iperüxĩnüe i ñaa ore! Rü nüma ya Cori ya Tupana rü napata ya üünenewa tá pexü̃ nixu.

Amúx 6:8

Rü nüma ya Cori ya Tupana rü nügüégagu nanaxuegu. Rü Cori ya Tupana ya Guxãétüwa Ngẽxmacü rü nüxü̃ nixu rü ñanagürü: —Choma rü naxchi chaxai nax nügü yacua̱xüü̃güxü̃ i ngẽma Acóbuarü duü̃xü̃gü. Rü tama namaxã chataãxẽ ya yima norü ãẽ̱xgacüpatagü ya mexẽchine. Rü norü uanügüme̱xẽwa tá chanangexmagüxẽxẽ ya yima norü ĩane namaxã i guxü̃ma i ngẽma nawa ngẽxmaxü̃ —ñanagürü.

Echequié 22:25

Rü ngẽma curü orearü uruü̃güneta rü ñoma leóü̃gü i norü taiyamaxã aixta üexü̃ rü naeü̃gü wagüexü̃rüxü̃ nixĩgü. Rü wüxigu nügümaxã nagu narüxĩnüe nax duü̃xẽgüaxü̃́ napuxü̃güãxü̃ i tümaarü ngẽmaxü̃gü i tatanügüxü̃. Rü muxẽma ya ngexe tüxü̃ yamáxtegüxü̃.

Echequié 12:19

¡Rü ñaa nachixü̃anecüã̱xmaxã, rü Yerucharéü̃cüã̱xmaxã, rü ñu̱xũchi guxü̃ma i Iraétanüxü̃maxã nüxü̃ ixu i ñaa ore i ñaxü̃: “Cori ya Tupana rü ñanagürü: ‘Oegaãẽacüma tá penangõ̱x i pewemü, rü muü̃ãcüma tá peyaxaxü i perü dexá! Rü ñaa nachixü̃ane rü tá inayarüxo rü tá nangeãcu nagagu i ngẽma máeta i naxügüxü̃ i norü duü̃xü̃gü.

Ucu̱xẽgüchiga 28:3

Ngẽma ãẽ̱xgacü i chixri tümamaxã icuáxü̃ ya norü duẽxẽgü ya ngearü diẽruã̱xgüxe, rü ñoma pucü ya tacü ya buanecümaxã nanetüarü o chixexẽẽcürüxü̃ nixĩ i ngẽma ãẽ̱xgacü.

Ucu̱xẽgüchiga 19:12

Ngẽxguma nanuxgu ya ãẽ̱xgacü rü ñoma leóü̃ i ngĩ̱xnecüüxü̃rüxü̃ nixĩ. Natürü ngẽxguma nataãẽgu ya ãẽ̱xgacü, rü ñoma cherena i maxẽte̱xe iwaixẽẽxü̃rüxü̃ nixĩ.

Echequié 19:6

Rü yema leóü̃ rü nügü nacua̱x nax naporaxü̃ rü yema togü ga leóü̃gütanügu narüxũũxü̃. Rü nüxü̃ nacua̱x nax ñuxãcü naeü̃gü tüxü̃ nangṍxü̃. Rü duü̃xü̃güxü̃ nangṍx.

Echequié 19:8

Rü yemaca̱x ga yema nachixü̃anegü ga nüxna ngaicamagüxü̃ rü naxca̱x inanaxügü ga wüxi ga norü yauxruxü̃. Rü yemagu nayayauxgü.

Echequié 45:8

Rü ngẽmaãcü i ngẽma Iraétanüxü̃arü ãẽ̱xgacü rü tá nüxü̃́ nangẽxma i noxrütama naane. Rü ngẽmaãcü taxũtáma texéna naane nanapugü. Rü wüxitücumüchigü i ngẽma Iraétanüxü̃ rü tá nüxü̃́ nangẽxma i noxrütama naane —ñanagürü.

Norü taxre ga popera ga ãẽ̱xgacügüchiga 23:33

Rü nüma ga Equítuanearü ãẽ̱xgacü ga Faraóü̃ ga Necáu rü Yoacáxü̃ niyaxu. Rü ĩane ga Ribágu ga Amáanewa nanapoxcu nax tama ãẽ̱xgacü yixĩxü̃ca̱x ga Yerucharéü̃wa. Rü nüma ga Necáu rü Yudáanecüã̱x ga duü̃xü̃güxü̃ namu nax nüxü̃́ naxütanügüãxü̃ca̱x ga 3,300 quíru naguxü̃ ga diẽrumü rü 33 quíru naguxü̃ ga úiru.

Yeremía 22:17

“Natürü i cuma rü naxca̱x cuxoegaãxẽ i ngẽma curü ngẽmaxü̃gü i chixexü̃wa cuyaxuxü̃. Rü cuyama̱x ya yíxema taxuxü̃ma i ta̱xacürü chixexü̃ ügüxe. Rü ñu̱xũchi chixri tümamaxã icucua̱x rü ngetanüãcü tüxü̃ cupuracüexẽxẽ ya yíxema curü duü̃xẽgü” —ñanagürü ga Cori ya Tupana.

Echequié 34:4

Rü ngẽma chorü carnéru ya turaxü̃ rü pema rü tama nüxü̃ perüngü̃xẽxẽ, rü ngẽma ida̱xawexü̃ rü tama penaxüxü̃, rü ngẽma ibüyeparaxü̃ rü tama peyana̱i̱xpara, rü ngẽma rütaxuxü̃ rü tama naxca̱x peyadau. Natürü i pema rü namaxã pechixecümagü rü chixrimare nüxna pedaugü.