Echequié 19:5 - Tupanaarü Ore

⁵ Rü yema ngexü̃ i leóü̃ rü yexguma yemaxü̃ nada̱u̱xgu rü nanaxĩ̱xãchiãxẽ. Rü yemaca̱x to ga nanexü̃ nangu̱xẽxẽ nax naporaxü̃ca̱x rü yadüraxü̃ca̱x.

Echequié 19:5 Referans Kwoze

Echequié 19:3

Rü wüxi i ngẽma naxacü rü guxü̃arü yexera meama nanayaxẽxẽ. Rü nüma rü naxca̱x nangu̱x nax yayauxãxü̃ ga naeü̃gü rü duü̃xü̃güxü̃ nax nangṍxü̃.

Naanearü ügüchiga 49:9

Cumax, Pa Chaunex, Pa Yudáx, Rü ñoma wüxi i leóü̃xacürüxü̃ quixĩ. Rü ngẽxguma naeü̃ nangõ̱xguwena rü nayarümaxãchi rü waixü̃müanegu naca ñoma leóü̃ i yáxü̃rüxü̃. ¿Rü texé tá tanachixewe i ngẽxguma?

2 Chamué 17:8

Cuma rü nüxü̃ cucua̱x ya cunatü rü ngẽma norü duü̃xü̃gü rü nax naporaexü̃. Rü ñu̱xma rü ñoma wüxi i osu i naixnecücüã̱x i düraxü̃ naxacü nüxna tüxü̃ ipuxü̃xü̃rüxü̃ nanue. Rü ñu̱xũchi cunatü rü wüxi i yatü i marü daixü̃ cuáxü̃ nixĩ rü ñaa chütaxü̃ rü taxũtáma norü duü̃xü̃gütanüwa nangẽxma.

Echequié 19:4

Rü yema togü ga nachixü̃anecüã̱xgü rü nachigaxü̃ naxĩnüe, rü wüxi i yauxruxü̃ naxca̱x inaxügü rü yexma nayayauxgü. Rü naraü̃wa nayachotagü rü ngẽmaãcü Equítuanewa nanagagü.

Echequié 19:6

Rü yema leóü̃ rü nügü nacua̱x nax naporaxü̃ rü yema togü ga leóü̃gütanügu narüxũũxü̃. Rü nüxü̃ nacua̱x nax ñuxãcü naeü̃gü tüxü̃ nangṍxü̃. Rü duü̃xü̃güxü̃ nangṍx.