Echequié 19:3 - Tupanaarü Ore

³ Rü wüxi i ngẽma naxacü rü guxü̃arü yexera meama nanayaxẽxẽ. Rü nüma rü naxca̱x nangu̱x nax yayauxãxü̃ ga naeü̃gü rü duü̃xü̃güxü̃ nax nangṍxü̃.

Echequié 19:3 Referans Kwoze

Echequié 22:25

Rü ngẽma curü orearü uruü̃güneta rü ñoma leóü̃gü i norü taiyamaxã aixta üexü̃ rü naeü̃gü wagüexü̃rüxü̃ nixĩgü. Rü wüxigu nügümaxã nagu narüxĩnüe nax duü̃xẽgüaxü̃́ napuxü̃güãxü̃ i tümaarü ngẽmaxü̃gü i tatanügüxü̃. Rü muxẽma ya ngexe tüxü̃ yamáxtegüxü̃.

Echequié 19:6

Rü yema leóü̃ rü nügü nacua̱x nax naporaxü̃ rü yema togü ga leóü̃gütanügu narüxũũxü̃. Rü nüxü̃ nacua̱x nax ñuxãcü naeü̃gü tüxü̃ nangṍxü̃. Rü duü̃xü̃güxü̃ nangṍx.

Wenaxarü naxümatü ga Tupanaarü mugü 33:22

Rü nüma ga Moiché rü Dáü̃tanüxü̃chiga nidexa rü ñanagürü: —Dáü̃tanüxü̃ rü ñoma wüxi i leóü̃xacü i Bacháü̃anewa ne yuxuxü̃rüxü̃ nixĩgü —ñanagürü.

Norü taxre ga popera ga ãẽ̱xgacügüchiga 23:34

Rü ñu̱xũchi nüma ga Faraóü̃ ga Necáu rü Yochía nane ga Eriaquíü̃xü̃ naxuneta nax nanatüchicüxü Yudáanearü ãẽ̱xgacü yixĩxü̃ca̱x. Rü nanaxüchicüxü ga naéga rü Yoaquíü̃gu nanaxüéga. Rü guma Yoacá rü Equítuanewa nanaga rü yexma nayayu.

Echequié 19:2

Iraéchixü̃ane rü ñoma wüxi i ngexü̃ i leóü̃rüxü̃ nixĩ. Rü leóü̃gütanüwa namaxü̃ rü ngéma nanayaexẽxẽ ga naxacügü.

Echequié 19:4

Rü yema togü ga nachixü̃anecüã̱xgü rü nachigaxü̃ naxĩnüe, rü wüxi i yauxruxü̃ naxca̱x inaxügü rü yexma nayayauxgü. Rü naraü̃wa nayachotagü rü ngẽmaãcü Equítuanewa nanagagü.

Echequié 32:2

—Pa Yatüx, ¡nagu nawiyae i ñaa ngechaü̃arü wiyae i Equítuanearü ãẽ̱xgacü i Faraóü̃gu ixuxü̃ rü ñaxü̃! “Cumax, Pa Equítuanearü Ãẽ̱xgacü i Faraóü̃x, rü ñoma wüxi i leóü̃rüxü̃ quixĩ natanüwa i ngẽma togü i nachixü̃anegü. Rü cuma rü ñoma coya i taxü̃ i taxtü i Níruwa icháuxacüüxü̃rüxü̃ quixĩ. Rü cuparacutümaxã quichauxacüxü rü ícunabuxchixü i ngẽma dexá rü cunayuapexẽxẽ i ngẽma taxtü.

Chacaría 11:3

Rü ngẽma carnérugüarü dauruü̃gü rü tagaãcü naxauxe erü yimá maxẽ ya imexẽchicü rü marü nixae. Rü nüxü̃ naxĩnüe i ngẽma leóü̃ nax yanginetanücüüxü̃, erü ngẽma naixnecügü i natü i Yudáü̃cutüwa ngẽxmagüxü̃ rü marü nixae.