Echequié 19:14 - Tupanaarü Ore

¹⁴ Rü ngẽma nachacüügüwa rü ninai ya wüxi ya üxü, rü ngẽma ngexwaca rüxügüxü̃ i nachacüügü rü nixae wüxigu norü omaxã. Rü marü nataxuma ga nachacüügü ga iporaxü̃ nax ãẽ̱xgacügüarü naixmena̱xãwa nangugüxü̃. Rü ngẽma nixĩ i wüxi i ngechaü̃arü wiyae, rü name nixĩ i nagu pewiyaegü i ngẽxguma ngechaü̃ ínguxgu.

Echequié 19:14 Referans Kwoze

Echequié 19:11

Rü ngẽma nachacüügü rü niporaxüchi, rü ngẽma nachacüügüwa nanaxügü ya ãẽ̱xgacügüarü naixmena̱xãgü. Rü poraãcü natatanü rü narümáchanexü̃chi. Rü guxü̃ma i togü i naigüxü̃ narümáchanemae, rü ngẽmaca̱x yáxü̃gu nüxü̃ tadau.

Echequié 19:1

Rü cumax, Pa Echequiéx, rü Iraétanüxü̃arü ãẽ̱xgacügüchiga nagu nawiyae i ñaa ngechaü̃arü wiyae:

Norü taxre ga popera ga ãẽ̱xgacügüchiga 24:20

Rü yemaca̱x ga nüma ga Cori ya Tupana rü ĩane ga Yerucharéü̃cüã̱xgümaxã rü Yudátanüxü̃maxã nanu rü nügüpe̱xewa ínanawoxü̃.

Ore i mexü̃ ga Cuáü̃ ümatüxü̃ 19:15

Natürü ga nümagü rü aita naxüe, rü ñanagürügü: —Tanaxwa̱xe nax nayuxü̃. Rü ¡curuchawa yapota! —ñanagürügü. Rü Pirátu nüxna naca rü ñanagürü nüxü̃: —¿Ñuxãcü i choma rü ichanamu nax curuchawa yapotagüãxü̃ca̱x ya perü ãẽ̱xgacü? —ñanagürü. Natürü ga chacherdótegüarü ãẽ̱xgacügü rü Pirátuxü̃ nangãxü̃gü, rü ñanagürügü: —Yimá ãẽ̱xgacü ya Chécharu ya Rómawa ngẽxmacü rü yimá nixĩ ya torü ãẽ̱xgacü, rü nataxuma i to —ñanagürügü.

Ore i mexü̃ ga Luca ümatüxü̃ 19:41

Rü yexguma Yerucharéü̃arü ngaicamana nanguxgu ga Ngechuchu, rü gumá ĩaneca̱x naxaxu.

Amúx 9:11

Rü Cori ya Tupana rü ñanagürü: —Pa Iraétanüxü̃x, yexguma ãẽ̱xgacü ga Dabí pechixü̃anemaxã icua̱xgu, rü naporaxüchi. Natürü i ñu̱xma rü pechixü̃ane rü ñoma wüxi ya ĩpata ya rüngutaxü̃nerüxü̃ nixĩ. Natürü tá nawa nangu i ngunexü̃ nax wena íchanadaxẽẽxü̃ i pechixü̃ane nax noxrirüxü̃ wena naporaxü̃ca̱x.

Ochéa 10:3

Natürü nüma i ngẽma duü̃xü̃gü rü ñanagürügü tá: “Nataxuma ya tórü ãẽ̱xgacü nagagu nax tama Cori ya Tupanaxü̃ ingechaü̃güxü̃. ¿Natürü ta̱xacüwa chi tüxü̃́ namexü̃ i wüxi ya ãẽ̱xgacü?

Ochéa 3:4

Rü yemaacü ga Tupana rü yema Iraéanecüã̱xgüxü̃ nüxü̃ nacua̱xẽxẽ i ta̱xacü tá namaxã ngupetüxü̃. Rü mucü ya taunecü rü to i nachixü̃anegügu tá nawoone rü to i nachixü̃anearü ãẽ̱xgacü rü tá namaxã inacua̱x. Rü ngẽmaca̱x i ngẽma Iraéanecüã̱xgü rü tá nüxü̃́ nataxuma i noxrütama ãẽ̱xgacü, rü bai i ãẽ̱xgacü nane, rü bai i norü chacherdótegü, rü bai i norü chacherdótegüchiru, rü bai i norü ãmarearü guruügü, rü bai i norü tupanachicüna̱xãgü.

Echequié 20:47

¡Rü namaxã nüxü̃ ixu i ñaa chorü ore i ñaxü̃! Pa Naixnecü i Súrwaama Ngẽxmaxü̃x, choma rü cuwa tá chayanaixẽxẽ ya wüxi ya üxü ya tá ínaguxü̃ne ya guxü̃nema ya curü naigü ya maxẽne rü yuene. Rü yima üxü rü tá niyaura rü taxũtáma nixo. Rü nórtewa rü ñu̱xmata súrwa tá nangu nax yaxãxü̃ i ngẽma naane.

Echequié 15:4

Rü üxüwaxicatama nixĩ i namexü̃. Rü ngẽxguma nape̱xegüwa nanguxgu nax yaxãxü̃, rü ngẽma norü ngãxü̃mena̱xã rü ã́xwe nixĩ, rü taxuwama name.

Auxexü̃chiga 4:20

Rü yimá tachixü̃anearü ãẽ̱xgacü ya Cori ya Tupana nüxü̃ unetacü ya tüxü̃ ípoxü̃cü rü ngẽma tórü uanügü rü marü nayayauxgü. Rü yimá tórü ãẽ̱xgacüchiga nixĩ ga ü̃pa ñagüxü̃: —Cuxme̱xwa tangexmagü nax toxü̃ ícupoxü̃xü̃ca̱x nüxna i ngẽma togü i nachixü̃anegü —ñagüxü̃.

Yeremía 52:3

Rü yemaca̱x ga Cori ya Tupana rü nanu namaxã ga yema Yerucharéü̃cüã̱xgü rü Yudáanecüã̱xgü rü nügüpe̱xewa ínanawogü. Rü yemawena ga Chedequía rü Babiróniaanearü ãẽ̱xgacümaxã nanu rü tama naga naxĩnü.

Yeremía 38:23

Rü nüma ga Yeremía rü ãẽ̱xgacüxü̃ ñanagürüchigü: —Guxü̃ma i ngẽma ngexü̃gü rü cunegü, Pa Ãẽ̱xgacüx, rü tá Babiróniaanecüã̱xna nanamugü. Rü cumax, Pa Ãẽ̱xgacüx, rü taxũtáma quiña, rü Babiróniaanecüã̱xarü ãẽ̱xgacüna tá cuxü̃ namugü. Rü daa ĩane rü tá nayagugü —ñanagürü.

Wiyaegü 79:7

Yerü nümagü nixĩ ga totanüxü̃ ga Acóbutanüxü̃xü̃ nada̱i̱xü̃ rü guxü̃wama nachixexẽẽãxü̃ ga tochixü̃ane.

Neemía 9:37

Rü guxãma i tomax, rü torü wocagü, rü tonetügü rü ñu̱xma rü torü chixexü̃gügagu torü uanügü i ãẽ̱xgacügüme̱xẽwa tangexmagü, rü nüma nanaxwa̱xexü̃ãcü tomaxã inacua̱x. Rü ngẽmaca̱x i ñu̱xma rü poraãcü tanaxĩ̱xãchiãẽtanü —ñanagürü ga Édra norü yumüxẽwa.

Norü taxre ga to ga popera ga ãẽ̱xgacügüchiga ümatüxü̃ 36:13

Rü naétü tama nayanguxẽxẽ ga norü uneta ga Tupanaégagu Babiróniaanearü ãẽ̱xgacü ga Nabucudonochómaxã nüxü̃ yaxuxü̃ nax nüxü̃ tá nangü̃xẽẽxü̃. Rü nüma ga Chedequía rü poraãcü nügü nanuxẽxẽ nax tama Cori ya Iraétanüxü̃arü Tupanaga naxĩnüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 9:15

Rü nüma ga tuxu rü nanangãxü̃ rü ñanagürü: “Ega ngẽxguma aixcüma pechoxwa̱xegu nax choma yixĩxü̃ i perü ãẽ̱xgacü, rü chanaxwa̱xe nax guxãma chauxchipetatüü̃gu chocuxü̃. Natürü ega ngẽxguma tama penaxwa̱xegu nax choma yixĩxü̃ i perü ãẽ̱xgacü, rü wüxi i üxüema tá chowa nango̱x, rü tá nayaxaexẽxẽ ya guxü̃nema ya ocayiwa ya Líbanuanewa rüxügüne” —ñanagürü.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Wiyaegü 110:2

Rü nüma ya Tupana rü Chióü̃wa cuxü̃ naxuneta nax ãẽ̱xgacü quixĩxü̃ca̱x rü namaxã icucuáxü̃ca̱x i ngẽma curü uanügü.

Echequié 17:10

Rü woo wena natogüã̱xgu rü taxũtáma wena narüxüatü. Rü ngẽxguma yimá buanecü ya éstewaama ne ũcü nawa nguxgu rü tá nipaama nawa i ngẽma naane i nagu natoxü̃’ ” —ñanagürü ga Cori ya Tupana.

Echequié 20:48

Rü guxü̃ma i duü̃xü̃gü i ñoma i naanewa maxẽxü̃ rü tá nüxü̃ nadaugü nax choma ya Cori ya Tupana yixĩxü̃ i chorü poramaxã chayanaixẽxẽxü̃ i ngẽma naixnecü namaxã i ngẽma üxü i tama ixoxü̃ —ñanagürü choxü̃ ya Tupana.

Echequié 26:17

Rü ngẽxguma rü tá ñaa yuetaarü wiyaegu cuchiga nawiyaegü: “Pa Ĩane ya Tírux, cuma rü curü duü̃xü̃gümaxã wüxi ya ĩane ya poraxüchichiréne quixĩ. Rü guxü̃ma i ñaa naanewa rü cuxü̃ nacua̱xgü rü curü duü̃xü̃gümaxã cunamuü̃xẽxẽ i nachixü̃anegü. ¿Natürü i ñu̱xmax rü ta̱xacü cuxü̃ nangupetü nax ñaa márcutüwa cutauxchicaxü̃?