Echequié 19:11 - Tupanaarü Ore

¹¹ Rü ngẽma nachacüügü rü niporaxüchi, rü ngẽma nachacüügüwa nanaxügü ya ãẽ̱xgacügüarü naixmena̱xãgü. Rü poraãcü natatanü rü narümáchanexü̃chi. Rü guxü̃ma i togü i naigüxü̃ narümáchanemae, rü ngẽmaca̱x yáxü̃gu nüxü̃ tadau.

Echequié 19:11 Referans Kwoze

Echequié 31:3

Rü dücax i ngẽma nachixü̃ane i Achíria i ñoma wüxi i Líbanuarü ocayiwarüxü̃ nata rü napora. Rü nataeta rü namáchane rü natape̱xe rü caixanexü̃wa nangu.

Danié 4:11

Rü yema nai rü naya rü natamena̱xãxü̃chi, rü natanügü rü daxũguxü̃ ga naanewa nangu rü yáxü̃gu nüxü̃ tadau i ñaa naanewa.

Wiyaegü 80:15

Rü ñoma úba itoxü̃rüxü̃ rü cuma rü ñaa naanegu toxü̃ cumugü. Rü cumatama toxna cudau ñoma úba i ngexwaca rüxüxü̃ rü igüpǘnexü̃rüxü̃.

Echequié 21:13

Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Echequié 21:10

Rü ngẽma chorü tara rü chanawaixmagu nax ngẽmamaxã chanadaixü̃ca̱x, rü chananaitachinüxẽxẽ nax yaba̱i̱xbexü̃ca̱x.

Echequié 19:14

Rü ngẽma nachacüügüwa rü ninai ya wüxi ya üxü, rü ngẽma ngexwaca rüxügüxü̃ i nachacüügü rü nixae wüxigu norü omaxã. Rü marü nataxuma ga nachacüügü ga iporaxü̃ nax ãẽ̱xgacügüarü naixmena̱xãwa nangugüxü̃. Rü ngẽma nixĩ i wüxi i ngechaü̃arü wiyae, rü name nixĩ i nagu pewiyaegü i ngẽxguma ngechaü̃ ínguxgu.

Echequié 19:12

Natürü numaxã nanabe̱xgü, rü niwa̱x. Rü yimá buanecü ya éstewaama ne ũcü rü nayapaxẽxẽ, rü narüyi i norü o. Rü nachacüügü ga noxri poraexü̃ rü nipagü rü üxüxü̃ ínanagu.

Ichaía 11:1

Rü ñoma wüxi i naixchime irüxüxü̃rüxü̃ tá nixĩ nax Dabínatü ga Ichaxíwa nangóxü̃ i wüxi i nataxa i guxãarü ãẽ̱xgacü tá ixĩxü̃.

Wiyaegü 110:2

Rü nüma ya Tupana rü Chióü̃wa cuxü̃ naxuneta nax ãẽ̱xgacü quixĩxü̃ca̱x rü namaxã icucuáxü̃ca̱x i ngẽma curü uanügü.

Wiyaegü 80:17

¡Natürü toxü̃ rüngü̃xẽxẽ i toma i woetama toxü̃ cuxunetaxü̃ nax curü duü̃xü̃gü tixĩgüxü̃! ¡Rü toxna nadau i toma ítayaxügüxü̃ natanüwa ga yema duü̃xü̃gü ga cumatama nüxü̃ cuxunetaxü̃!

Édra 5:11

Rü nüma rü toxü̃ nangãxü̃gü rü ñanagürügü: “Toma rü yimá Tupana ya daxũguxü̃ i naanearü üruxü̃ rü ñoma i naanearü üruü̃arü duü̃xü̃gü tixĩgü. Rü ítanamexẽxẽ ya daa napata ya taxü̃ne ga nũxcümaxü̃chima ga torü o̱xigüarü ãẽ̱xgacü ga Charomóü̃ üxü̃ne”, ñanagürügü.

Édra 4:20

Rü ngẽxgumarüxü̃ ta nüxü̃ itayangau rü nũxcümaxü̃chima rü nayexmagü ga guma ĩanearü ãẽ̱xgacügü ga iporaxüchixü̃ ga namaxã icuáxü̃ ga guxü̃ma ga naanegü ga taxtü ga Eufrátearü oéstewaama yexmagüxü̃. Rü yema naanegücüã̱x ga naxme̱xwa yexmagüxü̃ rü nüxü̃́ nanaxütanügü ga taxü̃ ga diẽru.

Iraétanüxü̃arü muxchiga 24:17

Rü nüxü̃ chadau i ta̱xacü i yixcüra tá ngupetüxü̃, natürü taxũtáma paxa ínangu. Rü Iraétanüxü̃tanüwa tá nango̱x i wüxi i ãẽ̱xgacü i ñoma woramacuri ngóxü̃rüxü̃. Rü ngẽma ãẽ̱xgacü rü Moátanüxü̃xü̃ tá nadai rü tá inayanaxoxẽxẽ i guxü̃ma i Chéxtanüxü̃.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Lebítanüxü̃arü puracüchiga 23:40

Rü ngẽma petaarü nüxíraxü̃ i ngunexü̃gu rü ngẽma rümemaexü̃ i penetüarü o tá pebuxu. Rü tá penayaxu i palmeraátügü rü nai i metanüxü̃átügü rü nai i natüanacüwa rüxüxü̃átügü, rü 7 i ngunexü̃ tá Cori ya Tupanape̱xewa petaãẽgü.

Nüxíraxü̃xü̃ ga popera ga ãẽ̱xgacügüchiga 5:1

Rü yexguma Iráü̃ ga ĩane ga Tíruarü ãẽ̱xgacü nüxü̃ cua̱xgux ga Charomóü̃ rü nanatü ga Dabíchicüxü ãẽ̱xgacü nax yixĩxü̃, rü nüma ga Iráü̃ rü yéma Charomóü̃xü̃tawa nanamugü ga norü ngü̃xẽẽruü̃gü nax nüxü̃ namoxẽxü̃ca̱x, yerü guxü̃guma Dabíxü̃ nangechaü̃.