Echequié 18:7 - Tupanaarü Ore

⁷ Rü tama tanachu̱xu ega texé tümaxü̃tawa diẽruca̱x ícaxgu rü aixcüma tanatáeguxẽxẽ i ngẽma naxchiru i tümaarü diẽruca̱x tüxna naxãgüxü̃. Rü taxúeãxü̃ma tangĩ̱x. Rü yíxema taiyaemaxã tangau i tümawemü, rü ñu̱xũchi tüxü̃ taxüchiru ya yíxema ngexchiruxe.

Echequié 18:7 Referans Kwoze

Ínachoxü̃xü̃chiga 22:26

Rü ngẽxguma yíxema duü̃xẽ rü tümachiru cuxna ãxgu nax ngẽmawa nüxü̃ cucuáxü̃ca̱x nax cuxü̃́ tá tanatáeguxẽẽxü̃ i ngẽma curü diẽru, rü naxü̃pa nax yanaxücuxü̃ ya üa̱xcü rü name i tüxü̃́ cunatáeguxẽxẽ i ngẽma tümachiru.

Ore i mexü̃ ga Luca ümatüxü̃ 3:11

Rü Cuáü̃ rü nanangãxü̃ rü ñanagürü: —Yíxema taxrechiruxe rü name nixĩ ya yíxema tüxü̃́ nataxúxena tanaxã i wüxi. Rü yíxema õnaã́xẽ rü name nixĩ i yíxema tüxü̃́ nataxúxemaxã tangau i tümaarü õna —ñanagürü.

Amúx 3:10

Rü ngẽma duü̃xü̃gü rü tama naãẽxü̃ nacua̱xgüéga nax mexü̃ naxügüxü̃. Rü napatagü ya mexẽchínegu nananu ga yema namáetagüãcüma naxca̱x nangĩ̱xgüxü̃ —ñanagürü ya Cori ya Tupana.

Amúx 2:8

Rü ngexü̃rüüxü̃ i ãmarearü guruü̃cüwawa nagu pecagü i tümachirugü ya yixema pexü̃́ tangetanüxü̃ca̱x tüxna peyaxuxü̃. Rü penangõ̱x i ngẽma õnagü i tupananetachicüna̱xãgüxü̃ namaxã picua̱xüü̃güxü̃. Rü naxca̱x petaxe ya bínu ngĩmaxã i ngẽma diẽru i womüxẽẽãcüma duü̃xü̃güxü̃tawa ngĩxü̃ peyaucü nax perü tupananetagüpatawa peyaxaxgüxü̃ca̱x ya yima bínu.

Echequié 18:18

Natürü ya yima nanatü rü norü chixexü̃gügagu tátama nayu erü nachixecüma rü nangĩ̱x rü chixexü̃ naxü i natanüxü̃tanüwa.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Chofonía 1:9

Rü ngẽma ngunexü̃gu rü tá chanapoxcue i ngẽma ĩpatagügu ichocuetanüxü̃ nax nangĩ́exü̃ca̱x, rü ngẽma diẽru i napuxü̃maxã rü womüxẽẽãcü nayauxgüxü̃maxã nanapáxẽẽgü ya norü tupananetapata —ñanagürü.

Miquéa 3:2

Pema rü naxchi pexai i ngẽma mexü̃ rü perü me nixĩ i ngẽma chixexü̃. Rü pema rü ñoma woca imáxü̃rüxü̃ pixĩgü namaxã i chorü duü̃xü̃gü. Rü pema rü ñoma woca icauxcha̱xmüxü̃rüü̃ãcü namaxã ipecua̱x. Rü peyacua̱i̱xgü rü ñoma namachi i íxraxü̃gu chexexü̃ nax imuxraxü̃rüxü̃ namaxã pechopetü i ngẽma chorü duü̃xü̃gü.

Miquéa 2:1

Rü wüxi i ngechaü̃ nixĩ naxca̱x i ngẽma duü̃xü̃gü i woo naxchiãü̃wa rü chixexü̃gu rüxĩnüexü̃. Rü ngẽxguma yangunegu rü nayanguxẽxẽ i ngẽma nagu naxĩnüexü̃ erü nadiẽruã̱xgü.

Amúx 6:3

Pema rü tama nagu perüxĩnüe i ngẽma ngunexü̃ i nagu tá poxcu pexca̱x ínguxü̃. Natürü ngẽma perü chixexü̃gü rü nayangaicaxẽxẽ i ngẽma ngunexü̃ i nagu tá pexü̃ nada̱i̱xü̃ i perü uanügü.

Echequié 7:23

Rü cumax, Pa Echequiéx ¡rü wüxi ya cadéna ínamexẽxẽ naxca̱x i chorü duü̃xü̃gü i Yerucharéü̃cüã̱xgü! Erü tá chanapoxcue naxca̱x nax poraãcü namáetagüxü̃. Rü yima norü ĩane ya Yerucharéü̃ rü poraãcü máetamaxã nanapá.

Yeremía 22:3

¡Rü mea duü̃xü̃gümaxã inacua̱x rü mexü̃ i nacümagu pemaxẽ i ñaa nachicawa! ¡Rü ngẽma diẽruã̱xgüxü̃me̱xẽwa tüxü̃ ínanguxü̃xẽxẽ ya yíxema duü̃xẽgü i chixri tümamaxã inacua̱xgüxe! ¡Rü taxṹ i chixri namaxã pixĩgüxü̃ i ngẽma to i nachixü̃anecüã̱xgü, rü yíxema taxcutagü, rü ñu̱xũchi yíxema yutegüxe! ¡Rü taxṹ i ñaa nachicagu tüxü̃ pimáxü̃ ya yíxema duü̃xẽ ya taxuxü̃ma i chixexü̃ üxe!

Ichaía 33:15

Rü yíxema aixcüma mea maxü̃́xẽ, rü yíxema aixcümaxü̃ ixúxe, rü yíxema tama womüxẽẽãcü tügü muarü ngẽmaxü̃ã́xẽ, rü yíxema tama nayauxtanüxẽ i guxchaxü̃arü mexẽxẽ, rü yíxema tama naga ĩnüxe i ngẽma tümamaxã máetagüchaü̃xü̃, rü yíxema chixexü̃cha̱xwa ixũgachixe, rü yíxema tá tixĩ ya aixcüma maxü̃́xẽ rü tüxü̃́ nangẽxmaxẽ i tümaarü cu̱xchicaxü̃ i nutanaxca̱x, rü guxü̃gutáma taxãwemü rü tagutáma nataxu i tümaarü dexá.

Ichaía 5:7

Rü ngẽma norü úbanecü i nüxü̃́ ngúchaü̃xü̃ ya Cori ya Tupana ya Guxãxétüwa Ngẽxmacü, rü ngẽma nixĩ i Iraétanüxü̃ i Yudáanewa ngẽxmagüxü̃. Rü nüma ya Cori ya Tupana rü nanaxwa̱xe i nagu naxĩxü̃ i ngẽma norü mugü. Natürü ngẽma Iraétanüxü̃ rü máetaguxicatama narüxĩnüe. Rü nüma ya Tupana rü ínananguxẽxẽ nax nügü nangechaü̃güxü̃, natürü ngẽma natanüwa nüxü̃ ĩnüxü̃ nixĩ nax ngúxü̃maxã aita naxüexü̃.

Ichaía 1:17

¡Rü naxca̱x pengúe nax mexü̃ pexügüxü̃! ¡Rü pora pexüe nax mexü̃ i nacümagu pemaxẽxü̃ca̱x! ¡Rü tüxü̃ perüngü̃xẽxẽ ya yíxema duü̃xẽgü ya togü chixri tümamaxã icua̱xgüxe! ¡Rü naétüwa pechogü i taxcutagü rü yutegüxü̃!

Ucu̱xẽgüchiga 28:27

Yíxema nüxü̃ rüngü̃xẽẽ́xẽ i ngẽma ngearü diẽruã̱xgüxü̃, rü tagutáma ta̱xacü tüxü̃́ nataxu. Natürü yíxema namaxã aüxe i ngẽma ngearü diẽruã̱xgüxü̃, rü duü̃xü̃gü rü tá poraãcü chixexü̃ tümamaxã naxuegugü.

Ucu̱xẽgüchiga 28:8

Yíxema togüna diẽru taxãxgu naxüétüãcüma nayauxtanüxẽ, nax ngẽmaãcü yexera tamuarü diẽruã́xü̃ca̱x, rü natüca̱xmamare nixĩ i ngẽma diẽru i tayaxuxü̃. Erü nüma ya Tupana rü ngẽma duü̃xü̃ i mexü̃gu rüxĩnüxü̃na tá ngĩxü̃ naxã, nax ngẽmamaxã nüxü̃ nangü̃xẽẽxü̃ca̱x i ngẽma duü̃xü̃gü i ngearü diẽruã̱xgüxü̃.

Ucu̱xẽgüchiga 14:31

Tupanaaxü̃́ nangu̱x i ngẽxguma texé wüxi i ngearü diẽruã́xẽmaxã chixri icua̱xgu. Natürü Tupana rü tümamaxã nataãxẽ ya yíxema ngearü diẽruã́xẽmaxã mea icuáxe.

Ucu̱xẽgüchiga 3:31

¡Rü taxṹ i cuxü̃́ nangúchaü̃xü̃ i nacüma i ngẽma yatü i máxwa̱xexü̃ rü taxṹ i nüxü̃ cuyadauxü̃xü̃!

Wiyaegü 112:9

Rü yíxema tüxü̃́ nataxúxe rü guxü̃guma norü ngúchaü̃maxã tüxna nanaxãmare i diẽru. Rü ngẽma nacüma i mexü̃ rü taguma nüxü̃ narüchau nax naxüaxü̃. Rü taxuca̱xma naxãne erü aixcüma nagu namaxü̃ i ngẽma nüxü̃ yaxuxü̃.

Wiyaegü 112:4

Rü yimá yatü rü ñoma wüxi i omü i ẽanexü̃wa ibáxixü̃rüxü̃ nixĩ naxca̱x i ngẽma togü i duü̃xü̃gü i mexü̃. Rü nüma rü namecüma rü nangechaü̃wa̱xe rü nixaixcüma.

Wiyaegü 41:1

Rü nüma ya Cori ya Tupana rü tümamaxã nataãxẽ ya yíxema nüxü̃ rüngü̃xexẽ́xẽ i tümamücü i nüxü̃́ nataxuxü̃ i pora. Rü nüma ya Cori ya Tupana rü tá tüxü̃ ínanguxuchixẽxẽ i ngẽxguma guxchaxü̃ tümaca̱x ínguxgu.

Yox 24:9

Rü ngẽma duü̃xü̃gü i chixexü̃gu maxẽxü̃, rü yutegüxena tüxü̃ napuxü̃ ya tümaxacügü ya ngexwaca buexe. Rü yíxema ingearü diẽruã́xẽ rü nügüxü̃́ tüxü̃ nayaxu ya tümaxacüxe ñu̱xmata nüxü̃́ tanaxütanü i ngẽma nüxü̃́ tangetanügüxü̃.

Yox 24:3

Rü tümaxü̃naca̱x nangĩ̱xgü ya yíxema taxcutagü rü yutegüxe.

Yox 22:6

Rü cuma rü woo íxramarexü̃ i diẽru i cuxü̃tawa naxca̱x ítacagüxü̃ca̱x ya cumücügü, rü cuma rü tümachiru tüxna cuyauxmare ñu̱xmata cuxü̃́ tanaxütanügü i ngéma diẽru i tüxna cuxãxü̃. Rü ngẽmaãcü i cuma rü tüxü̃ quingexchiruxẽxẽ.

Wenaxarü naxümatü ga Tupanaarü mugü 24:17

¡Rü taxũtáma chixri tümamaxã pechopetü ya yíxema to i nachixü̃anecüã̱x i petanüwa ngẽxmagüxe, rü bai ya yíxema taxcutagü! ¡Rü yíxema yutegüe rü taxũtáma tümachiruca̱x tüxna peca ega pexü̃tawa diẽruca̱x ítacaxgu nax yixcüama pexü̃́ tanatáeguxẽẽxü̃ca̱x!

Lebítanüxü̃arü puracüchiga 19:15

Rü cumax, Pa Ãẽ̱xgacüx, ¡rü ngẽxguma poxcu cuxuegu̱xgu rü taxũtáma chixri cunaxü i ngẽma! ¡Rü taxũtáma naétüwa cuxü i ngẽma ngearü diẽruã́xü̃ ega aixcüma chixexü̃ naxü̱xgu! ¡Rü taxũtáma naga cuxĩnü i ngẽma diẽruã́xü̃! Rü cumax, Pa Ãẽ̱xgacüx, rü ngẽxguma poxcu cuxuegu rü name i ngẽma aixcüma guxchaxü̃ üxü̃maxã cunaxuegu i poxcu.

Ínachoxü̃xü̃chiga 23:9

Rü taxũtáma chixri namaxã icucua̱x i ngẽma to i nachixü̃anecüã̱x i duü̃xü̃. Yerü pema rü Equítuanewa rü to ga nachixü̃anecüã̱xgü pixĩgü, rü meama nüxü̃ picua̱x nax ñuxãcü yixĩxü̃ ga yexguma to ga nachixü̃anewa peyexmagügu.

Amúx 2:6

Rü ñanagürü ya Cori ya Tupana: —Pema i Iraétanüxü̃ rü poraãcü chixexü̃ pexügü. Rü tümamaxã petaxe ya yíxema taxuxü̃ma i chixexü̃ üchiréxe. Rü ngẽxgumarüxü̃ ta wüxi i chapatutanüxexpü̱x tümamaxã petaxe ya yíxema ngearü diẽruã́xẽ. Rü ngẽmaca̱x taxũtáma íchayachaxãchi nax pexü̃ chapoxcuxü̃, Pa Iraétanüxü̃x.

Lebítanüxü̃arü puracüchiga 25:14

Rü ngẽxguma texé toguxexü̃ namaxã taxegu i wüxi i naane rüe̱xna toguxe ya duü̃xẽaxü̃́ naaneca̱x tataxegu, rü tama name nax peyoxniegüxü̃ nax chixri penaxütanüxü̃ i tümaarü naane.

Lebítanüxü̃arü puracüchiga 19:13

¡Rü taxṹ i cumücüxü̃ cuxãxũnexü̃ rü taxṹ i nüxna cunapuxü̃ i norü ngẽmaxü̃gü! ¡Rü taxṹ i curü puracütanüxü̃na cunachu̱xuxü̃ i norü diẽru nax moxü̃ãcüama nüxü̃́ cunaxütanüxü̃ca̱x!

Echequié 16:49

Rü ñaa nixĩ ga yema cueya̱x ga Chodómaarü chixexü̃: Rü guma ĩane rü ñu̱xũchi norü ĩanexacügü rü nügü ínarütagü yerü imuarü õnaã̱xgü rü taxuxü̃ma nüxü̃́ nataxu. Natürü taguma tüxü̃ narüngü̃xẽẽgü ga guxema ingearü diẽruã̱xgüxe, rü ñu̱xũchi guxema tüxü̃́ nataxúxe.

Danié 4:27

Rü ngẽmaca̱x Pa Ãẽ̱xgacüx, ¡irüxĩnü i ñaa chorü ucu̱xẽ rü mea namaxã inacua̱x i duü̃xü̃gü! ¡Rü taxṹ i pecadu cuxüxü̃ rü ngẽxmatama yacua̱xẽxẽ nax cunaxüxü̃ i ngẽma chixexü̃ i cuãẽwa ínguxü̃! ¡Rü nagu rüxĩnü nax nüxü̃ curüngü̃xẽxẽxü̃ i ngẽma duü̃xü̃gü i ngearü ngẽmaxü̃ã̱xgüxü̃! Rü bexmana ngẽmaãcü ya Tupana i taxũtáma cuxna nanguxẽẽãxü̃ i ngẽma chixexü̃ i cumaxã naxueguxü̃” —ñanagürü ga Danié.

Ínachoxü̃xü̃chiga 22:25

Rü ngẽxguma chi wüxi i chorü duü̃xü̃ i cumücü i ngearü diẽruã́xü̃ cuxna caxgu nax paxaãchi nüxna ngĩxü̃ cuxãxü̃ca̱x i diẽru, rü taxũtá cunaxwa̱xe nax üétüãcü cuxü̃́ ngĩxü̃ natáeguẽẽxü̃. Rü tama name i nagu quixũ i nacüma i ngẽma diẽruã̱xgüxü̃ i üétüãcüma paxaãchi diẽru ngĩxü̃ ãgüxü̃.

Neemía 5:10

Rü chautanüxü̃ rü chorü ngü̃xẽẽruü̃gü rü choma rü ta diẽru rü trigu nüxna taxãgü nax yixcama toxü̃ naxütanügüãxü̃ca̱x i ngẽma toxna naxca̱x nacagüxü̃. Rü ngẽmaca̱x i ñu̱xma rü ngĩxã nüxü̃́ nüxü̃ tarüngüma i ngẽma norü ngetanügü.