Echequié 18:25 - Tupanaarü Ore

²⁵ Rü pema rü nüxü̃ pixu nax choma ya Cori ya Tupana yixĩxü̃ nax tama aixcüma mea pemaxã ichacuáxü̃. ¡Natürü iperüxĩnü i pema, Pa Iraétanüxü̃x! ¿Rü ta̱xacüwa nixĩ i tama aixcüma mea pemaxã ichacuáxü̃? Rü pemaxã nüxü̃ chixu rü pema waxi nixĩ i tama aixcüma mea chauga pexĩnüexü̃.

Echequié 18:25 Referans Kwoze

Echequié 33:17

Rü ngẽma cutanüxü̃ rü tá ñanagürügü rü ngẽma chaxüxü̃ rü tama name, natürü nümagüwaxi nixĩ i tama mexü̃ naxügüxü̃.

Maraquía 2:17

Rü pema rü perü dexamaxã marü düxwa peyapaxẽxẽ ya Tupana. Rü ngẽmaétüwa i pemax rü ípecagüama rü ñaperügügü: —¿Rü ñuxũ ñatarügügü i tomax rü ngẽmaca̱x tayapaxẽẽxü̃ nax toxü̃ naxĩnüxü̃? —ñaperügügü. Rü pema rü ñaperügügü: —Nüma ya Cori ya Tupana rü namaxã nataãxẽ i ngẽma duü̃xü̃gü i chixexü̃ ügüxü̃ rü taxũtáma nanapoxcue —ñaperügügü. ¿Tama ẽ̱xna peyaxõgü nax Tupana rü aixcümacü yixĩxü̃?

Chofonía 3:5

Natürü nüma ya Cori ya Tupana rü yima ĩanewa nangẽxma. Rü nüma rü mexü̃ naxü rü tama i chixexü̃. Rü wüxichigü i ngunexü̃gu rü meama duü̃xü̃gümaxã inacua̱x. Natürü ngẽma chixexü̃ üxü̃ rü tama ãnexü̃ nacua̱x.

Echequié 33:20

Rü pemax rü muẽ̱xpü̱xcüna rü ñaperügüecha: “Ngẽma Cori ya Tupana üxü̃ rü tama name”. Natürü i chomax, Pa Iraétanüxü̃x, rü aixcüma tá wüxichigüna chaca naxca̱x i ngẽma mexü̃ rüe̱xna chixexü̃ i naxüxü̃ —ñanagürü.

Yeremía 12:1

Rü Yeremía rü Cori ya Tupanaxü̃ ñanagürü: —Pa Corix, ngẽxguma cumaxã chaporagagu, rü cuma rü guxü̃guma nawe̱xgu i ngẽma namaxã choxü̃ cungãxü̃xü̃. Rü ngẽmaca̱x cuxna chacaxchaü̃ nachiga i ngẽma ñoma i naanewa ngupetüxü̃. ¿Rü ta̱xacüca̱x nixĩ i mea nüxü̃ nangupetügüxü̃ i ngẽma chixexü̃gu maxẽxü̃? ¿Rü ta̱xacüca̱x nataãẽgü i ngẽma chixri maxẽxü̃?

Naanearü ügüchiga 18:25

Cha̱u̱xca̱x rü tama name nax cunada̱i̱xü̃ i ngẽma mea maxẽxü̃ i duü̃xü̃gü wüxigu namaxã i ngẽma chixexü̃ ügüxü̃, ñoma chi guxü̃ma naxügüxü̃rüxü̃ i ngẽma chixexü̃. Rü taxucürüwama ngẽma cuxü erü tama ngẽmagu curüxĩnü. Rü cuma nixĩ i guxãarü maxü̃maxã icucuáxü̃ ¿rü tama ẽ̱xna i ngẽma mea maxẽxü̃gagu nüxü̃ icurüngümaxü̃ nax cunadaiãcuxü̃ ya yima ĩane? —ñanagürü.

Echequié 18:29

Natürü ngẽma Iraétanüxü̃ i duü̃xü̃gü rü tá nüxü̃ nixugü nax choma rü tama mea namaxã ichacuáxü̃ rü tama nawe̱xguxü̃ i ngẽma chaxüxü̃. ¿Rü ta̱xacüwa nixĩ i tama aixcüma mea pemaxã ichacuáxü̃? Rü pemaxã nüxü̃ chixu rü pema waxi nixĩ i tama aixcüma mea chauga pexĩnüexü̃.

Romanos 10:3

Rü woo Tupana ñoma ga naanewa nanamu ga Cristu nax gumágagu Tupanape̱xewa yamexü̃ca̱x i duü̃xü̃gü, natürü nümagü i Yudíugü rü tama nüxü̃ nacua̱xgüchaü̃ i ngẽma. Rü nügütama nimexẽẽgüchaü̃, rü ngẽmaca̱x nagu naxĩãma i ngẽma mugü ga Moiché ümatüxü̃ rü tama Cristuaxü̃́ nayaxõgüchaü̃ nax nagagu Tupanape̱xewa yamexü̃ca̱x.

Romanos 9:20

Natürü Pa Yatüx, ¿texé quixĩ i cumax rü ngẽmaca̱x ngẽmaãcü Tupanaxü̃ cuyaxũgaxü̃? ¿Cuxca̱x rüe̱xna wüxi i tü̃xü̃ i waixü̃müwa üxü̃ rü namexü̃ i ngẽma norü üruü̃maxã nax ñaxü̃? “¿Rü tü̱xcüü̃ ngẽmaãcü choxü̃ cuxü nax ngẽmaãcü chixĩxü̃ca̱x i ñu̱xmax?” ñaxü̃.

Romanos 3:20

Rü ñu̱xma nax taxúema aixcüma naga ĩnüexü̃ i ngẽma mugü, rü ngẽmaca̱x taxucürüwama texé tügü tixu nax ngẽma mugü taxaurexü̃gagu Tupanape̱xewa tamexü̃. Erü ngẽma mugü tüxü̃ nüxü̃ cua̱xẽẽxü̃ nixĩ nax ipecaduã̱xgüxü̃.

Romanos 3:5

Natürü duü̃xü̃gü rü ínatüe erü ñanagürügü: “Rü nüetama nixĩ nax chixexü̃ ixügüxü̃ erü ngẽmaãcü nango̱x nax namecümaxü̃ ya Tupana”, ñanagürügü. Rü ñanagürügü ta: “Rü ngẽxguma chi tórü chixexü̃gagu nango̱xgu nax aixcüma namecümaxü̃ ya Tupana, rü tama name ya Tupana ega tórü chixexü̃ca̱x tüxü̃ napoxcuegu”, ñanagürügü.

Wiyaegü 145:17

Rü nüma ya Cori rü guxü̃ma i ngẽma nagu naxĩnüxü̃wa rü aixcüma nawe̱xgu. Rü guxü̃ma i ngẽma naxüxü̃wa rü namecüma.

Wiyaegü 50:21

Rü woo guxü̃ma i ngẽma chixexü̃ cuxüxgu, rü choma rü ngéma changea̱xmare. Rü cuma nagu curüxĩnügu nax curüxü̃ chixĩxü̃ rü chi nüxü̃ icharüngüma i ngẽma cuxüxü̃. Natürü i ñu̱xma rü tá cupe̱xewa chanangõxẽxẽ i ngẽma chixexü̃ i cuxüxü̃ rü tá naxca̱x cuxna chaca.

Wiyaegü 50:6

Ngẽma dauxü̃wa ngẽxmaxü̃ i naane nanango̱xẽxẽ nax Tupana rü ãẽ̱xgacü ya aixcüma mecü nax yixĩxü̃.

Yox 40:8

¿Ẽ̱xna chomaxã nagu curüxĩnü nax choma rü wüxi i dorata̱xáxü̃ chixĩxü̃ rü chaugagu yixĩxü̃ nax guxchaxü̃ cuxca̱x ínguxü̃ nax ngẽmaãcü i cuma rü cugü quixuxü̃ca̱x nax taxuxü̃ma i chixexü̃ cuxüxü̃?

Yox 32:2

Rü yéma nayexma ta ga wüxi ga to ga yatü ga Eriúgu ãégacü. Rü nüma rü Baraqué ga Buchítanüxü̃ nane nixĩ. Rü norü o̱xi rü Ráü̃ nixĩ. Rü nüma ga Eriú rü marü tama yáxna namaxã naxĩnü nax Yoxmaxã nanuxü̃, yerü nüxü̃ naxĩnü nax nügü ínapoxü̃xü̃ rü Tupanana naxugüãxü̃ ga yema guxchaxü̃gü ga naxca̱x ínguxü̃.

Wenaxarü naxümatü ga Tupanaarü mugü 32:4

Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

Echequié 18:26

Rü ngẽxguma wüxi i duü̃xü̃ i mea maxchiréxü̃ nüxü̃ rüxoxgu nax mea namaxü̃xü̃, rü naxüãxgu i ngẽma chixexü̃, rü tá nayu nagagu i ngẽma chixexü̃ i naxüxü̃.

Yox 15:13

¿Rü tü̱xcüü̃ Tupanamaxã cunu rü ngẽmaca̱x tama cuxãne nax nape̱xewa naxca̱x quidexaxü̃ i ngẽma cuxca̱x ínguxü̃?

Ucu̱xẽgüchiga 19:3

Ngẽma duü̃xü̃ i tama naãẽxü̃ cuáxü̃, rü nüxna nixũgachi i ngẽma nacüma i mexü̃, rü ñu̱xũchi Cori ya Tupanana nanaxu nax yimágagu yixĩxü̃ i nüxna yaxũgachixü̃.