Echequié 18:21 - Tupanaarü Ore

²¹ Natürü ngẽxguma wüxi ya yatü ya noxri chixri maxü̃cü rü nüxü̃ naxoxgu i nacüma i chixexü̃, rü naga naxĩnügu i ngẽma chorü mugü, rü aixcüma mexü̃ naxü̱xgu rü tá namaxü̃ rü taxũtáma nayu.

Echequié 18:21 Referans Kwoze

Echequié 33:19

Rü ngẽxguma ngẽma duü̃xü̃ i chixexü̃arü üruxü̃ rü nüxü̃ naxoxgu nax naxüaxü̃ i chixexü̃, rü mexü̃ i nacümagu namaxü̃gu, rü ngẽma nacüma i mexü̃ i naxüxü̃gagu rü tá namaxü̃.

Ucu̱xẽgüchiga 28:13

Ngẽma duü̃xü̃ i norü pecadu icúxü̃ rü taxũtáma mexü̃ nüxü̃ naxüpetü. Natürü ngẽma duü̃xü̃ i nüxü̃ ixuxü̃ i norü pecadu rü nüxü̃ rüxoxü̃, rü Tupana rü tá nüxü̃́ nüxü̃ inayarüngüma.

Ngechuchuarü ngúexü̃gü ga yamugüxü̃arü puracüchiga 3:19

Rü ngẽmaca̱x, Pa Chauenexẽgüx, rü name nixĩ i nüxü̃ perüxoe i pecüma i chixexü̃, rü Tupanaca̱x pexĩ, rü peyaxõgü nax nüma pexü̃́ ínapiãxü̃ca̱x i perü pecadugü.

Romanos 8:13

Erü ngẽxguma chi pexenearü ngúchaü̃ pexü̱xgu rü tá ipeyarütauxe. Natürü ngẽxguma Tupanaãxẽ ya Üünecüarü ngü̃xẽẽmaxã ipeyanaxoxẽẽgu i ngẽma pexenearü ngúchaü̃, rü aixcüma tá pexü̃́ nangẽxma i maxü̃ i taguma gúxü̃.

Ore i mexü̃ ga Luca ümatüxü̃ 24:47

Rü yematama ore i ümatüxü̃wa nüxü̃ nixu rü yimá Cristuégagu tá nixĩ i nüxü̃ yaxugüxü̃ i ore i mexü̃. Rü Yerucharéü̃wa tá inaxügü i ngẽma ñu̱xmatáta guxü̃ i naanewa nangu nax ngẽmaãcü duü̃xü̃gü nüxü̃ rüxoexü̃ca̱x i nacüma i chixexü̃ nax Tupana nüxü̃́ nüxü̃ rüngü̃maxü̃ca̱x i norü pecadugü.

Echequié 18:9

Rü nagu tamaxü̃ i chorü mugü rü aixcüma tayanguxẽxẽ. Rü yíxema tixĩ ya aixcüma mexẽ, rü ngẽmaca̱x taxũtáma tüxü̃ chapoxcu. Rü choma ya Cori ya Tupana nixĩ i nüxü̃ chixuxü̃ i ngẽma.

Popera ga Chantiágu ümatüxü̃ 2:26

Rü ngẽma naxü̃ne rü nayumare ega nataxuxguma i naãxẽ. Rü ngẽxgumarüxü̃ ta nixĩ nax taxuwama namexü̃ nax yaxõmarexü̃ ega taxuxü̃ma i mexü̃ ixüxgu.

Echequié 18:5

Rü yíxema aixcüma mexẽ tixĩ ya yíxema nagu maxü̃́xẽ i ngẽma aixcüma we̱xguxü̃.

Echequié 18:30

Rü dücax, Pa Iraétanüxü̃, rü choma rü wüxíechigüna tá chaca naxca̱x i ngẽma chixexü̃ i pexügüxü̃. Rü choma ya Cori ya Tupana nixĩ i pemaxã nüxü̃ chixuxü̃ i ngẽma. ¡Rü wüxicana nüxna pixĩgachitanü i ngẽma perü chixexü̃gü nax ngẽmaãcü tama ngẽma perü chixexü̃gagu pepoxcuexü̃ca̱x!

Echequié 18:19

Rü pema rü tá choxna peca rü ñaperügügü tá: “¿Tü̱xcüü̃ ya yimá nane rü tama nanatüarü chixexü̃gagu napoxcu?” ñapegürügü tá. Dücax, nüma rü taxũtáma nanatüarü chixexü̃gagu napoxcu erü yimá nane rü aixcüma mexü̃ naxü, rü nayanguxẽxẽ ga chorü mugü rü nagu namaxü̃. Rü ngẽmaca̱x taxucürüwama nanatüarü chixexü̃gagu nayu.

Wiyaegü 119:112

Rü guxü̃ma i chorü ngúchaü̃maxã guxü̃gutáma nagu chixũ i curü mugü ñu̱xmatáta chayumare. -15-

Wiyaegü 119:80

¡Rü choxü̃ rüngü̃xẽxẽ nax mea chayanguxẽẽxü̃ca̱x i curü mugü nax taxuca̱xma chaxãnexü̃ca̱x! -11-

Popera ga Chantiágu ümatüxü̃ 2:14

Pa Chauenexẽgüx, ¿Ta̱xacüwa namexü̃ ega wüxíe ñagügu: “Choma rü Tupanaaxü̃́ chayaxõ”, ñagügu, natürü tama tümamücüxü̃ tarüngü̃xẽxẽgu? ¿Pexca̱x rü ngẽmarüxü̃ i õ tá tüxü̃ maxẽẽxü̃?

Ore i mexü̃ ga Luca ümatüxü̃ 1:6

Rü nüma ga Chacaría rü naxma̱x ga Erichabé rü meama Tupanape̱xewa, namaxẽ rü aixcüma naga naxĩnüe ga norü mugü. Rü yemaacü taxucürüwa texé chixri nachiga tidexagü

Echequié 36:27

Rü pewa tá chanamaxẽxẽ ya Chauãxẽ ya Üünecü nax ngẽmaãcü mea peyanguxẽẽxü̃ca̱x i chorü mugü.

Echequié 3:21

Natürü i cumax, rü ngẽxguma chi cunaxucu̱xẽgu i ngẽma duü̃xü̃ nax tama chixexü̃ naxüxü̃ca̱x rü nüma rü cuxü̃́ inaxĩnügu nax tama wena chixexü̃ naxüxü̃ rü tá namaxü̃ erü cuga naxĩnü. Rü cuma rü tá ta cumaxü̃ —ñanagürü choxü̃ ga Tupana.

Wiyaegü 119:1

Rü tataãẽgü ya yíxema aixcüma nagu maxẽxe i Tupanaarü mugü rü tama nüxü̃ rüngü̃maexe.

Yeremía 18:8

Natürü ngẽxguma chi ngẽma nachixü̃ane rü nüxna yaxũgachigu i ngẽma chixexü̃ i nagu namaxü̃xü̃, rü marü taxũchima naxca̱x ngéma chanamu i ngẽma poxcu i naxca̱x íchamexẽẽxü̃.

Echequié 13:22

Pema rü penaxü i ngẽma tama chanaxwa̱xexü̃ rü perü doramaxã penamuü̃xẽxẽ i ngẽma duü̃xü̃gü i mecümaxü̃. Rü yexera chixexü̃ pexü yerü nüxü̃ perüngü̃xẽxẽ ga yema chixexü̃gu maxẽxü̃ nax tama nüxna yaxĩgachixü̃ca̱x i norü chixexü̃ nax ngẽmaãcü taxucürüwama nüxna chanaxãxü̃ca̱x i maxü̃.

Danié 4:27

Rü ngẽmaca̱x Pa Ãẽ̱xgacüx, ¡irüxĩnü i ñaa chorü ucu̱xẽ rü mea namaxã inacua̱x i duü̃xü̃gü! ¡Rü taxṹ i pecadu cuxüxü̃ rü ngẽxmatama yacua̱xẽxẽ nax cunaxüxü̃ i ngẽma chixexü̃ i cuãẽwa ínguxü̃! ¡Rü nagu rüxĩnü nax nüxü̃ curüngü̃xẽxẽxü̃ i ngẽma duü̃xü̃gü i ngearü ngẽmaxü̃ã̱xgüxü̃! Rü bexmana ngẽmaãcü ya Tupana i taxũtáma cuxna nanguxẽẽãxü̃ i ngẽma chixexü̃ i cumaxã naxueguxü̃” —ñanagürü ga Danié.

Yeremía 26:3

Rü ngürüãchi tá cuga naxĩnüe rü nüxü̃ narüxoe i ngẽma chixexü̃ i nacümagü nax ngẽmaãcü i choma rü tama chapoxcuexü̃ca̱x naxca̱x i ngẽma chixexü̃ i naxügüxü̃, ngẽma noxri nagu charüxĩnüxü̃rüxü̃.