Echequié 18:2 - Tupanaarü Ore

² —¿Tü̱xcüü̃ i Iraéanewa rü nagu naxãgaeecha i ngẽma dexa i ñaxü̃: “Ngẽma papagü rü úba i ngu̱xchi̱a̱xü̃ nangõ̱xgü, rü ngẽma nanegü rü nawa naxãũãpütagü”? ñaxü̃.

Echequié 18:2 Referans Kwoze

Auxexü̃chiga 5:7

Rü tonatügü rü pecadu naxügü, rü marü nayue. Rü ñu̱xma i toma rü naxca̱x tapoxcue ga yema norü pecadugü ga naxügüxü̃.

Echequié 37:19

Rü ngẽxguma i cuma ¡rü ñaãcü namaxã nüxü̃ ixu! “Cori ya Tupana rü ñanagürü: ‘Choma rü tá cho̱xme̱xmaxã chanayaxu ya yima naixmena̱xã ya nagu naxümatüne Efraíü̃ i Namaxã Icuáxü̃ i Yúchetanüxü̃ rü Guxü̃ma i Iraétanüxü̃ i Efraíü̃waama Ügüxü̃, rü tá wüxigu chananu namaxã ya yima naixmena̱xã ya nagu naxümatüne Yudátanüxü̃ rü Ngẽma Iraétanüxü̃ i Yudáwaama Ügüxü̃. Rü ngẽmaãcü wüxitama ya naixmena̱xã tá nixĩ i cho̱xme̱xwa ngẽxmane.

Echequié 37:25

Rü nümagü rü nawa tá namaxẽ i ngẽma nachixü̃ane ga norü o̱xigü nawa maxẽxü̃ ga chorü duü̃ ga Acóbuna chaxãxü̃. Rü ngéma tá nixĩ i guxü̃gutáma nangẽxmagüxü̃ i nümagü, rü naxacügü, rü guxü̃ma i nataagü. Rü yimá chorü duü̃ ya Dabítaxa tá nixĩ ya guxü̃gutáma norü ãẽ̱xgacü ixĩcü.

Echequié 37:11

Rü yexguma ga Cori ya Tupana rü ñanagürü choxü̃: —Ngẽma Iraétanüxü̃ rü daa naxchina̱xãgürüxü̃ nixĩgü. Rü nügümaxã ñanagürügü: “Rü yixemagü rü ñoma naxchina̱xãgü ya ipagünerüxü̃ tixĩgü erü nataxuma i tórü ngü̃xẽẽruxü̃, rü ngẽmaca̱x tagutáma wenaxarü tachixü̃aneca̱x tawoegu”, ñanagürügü.

Ichaía 3:15

¿Texé pexü̃ tamu nax chixexü̃gu penayixẽẽxü̃ i chorü duü̃xü̃gü, rü chixri tümamaxã ipecuáxü̃ ya yíxema duü̃xẽgü ya ngearü ngẽmaxü̃xã̱xgüxe? —ñanagürü ya Cori ya Tupana ya Guxãétüwa Ngẽxmacü.

Romanos 9:20

Natürü Pa Yatüx, ¿texé quixĩ i cumax rü ngẽmaca̱x ngẽmaãcü Tupanaxü̃ cuyaxũgaxü̃? ¿Cuxca̱x rüe̱xna wüxi i tü̃xü̃ i waixü̃müwa üxü̃ rü namexü̃ i ngẽma norü üruü̃maxã nax ñaxü̃? “¿Rü tü̱xcüü̃ ngẽmaãcü choxü̃ cuxü nax ngẽmaãcü chixĩxü̃ca̱x i ñu̱xmax?” ñaxü̃.

Ore i mexü̃ ga Matéu ümatüxü̃ 23:36

Rü aixcüma pemaxã nüxü̃ chixu rü guxü̃ma ga yema chixexü̃gü ga naxügüxü̃ca̱x rü Tupana tá nanapoxcue i duü̃xü̃gü i ñu̱xma maxẽxü̃ —ñanagürü ga Ngechuchu.

Yeremía 15:4

Rü guxü̃táma i nachixü̃anegüarü duü̃xü̃gü rü tá naxca̱x namuü̃e i ngẽma poxcu i Yudáanecüã̱xmaxã chaxueguxü̃ nagagu ga yema chixexü̃ ga Yudáanearü ãẽ̱xgacü ga Manaché ga Echequía nane üxü̃ ga Yerucharéü̃wa.

Yox 21:19

Rü nüxü̃ yaxugüegu rü nanegüama tá nixĩ ya Tupana naxca̱x nacaxü̃ i ngẽma chixexü̃ i nanatügü ügüxü̃. Natürü ngẽma duü̃xü̃ i chixexü̃gu maxü̃xü̃ rü nanaxwa̱xe nax nümatátama naxca̱x napoxcuxü̃ i ngẽma chixexü̃ i naxüxü̃ nax ngẽmaãcü nügü yanawe̱xãchixẽẽxü̃ca̱x.

Echequié 16:44

Rü guxü̃ma i duü̃xü̃gü i wüxi i duü̃xẽchigaxü̃ ixuxü̃ rü ñaa dexaxü̃ tá nixu i cuchiga: ‘Ngẽma mamaxacü rü naérüü̃tama nixĩ’, ñanagürügü tá.

Echequié 18:1

Rü nüma ga Cori ya Tupana chomaxã nidexa rü ñanagürü:

Echequié 18:3

Rü choma ya Cori ya Tupana rü chauégagu pemaxã nüxü̃ chixu nax taxũtáma wena Iraéanewa nagu pexãgaexü̃ i ngẽma dexa.

Echequié 18:19

Rü pema rü tá choxna peca rü ñaperügügü tá: “¿Tü̱xcüü̃ ya yimá nane rü tama nanatüarü chixexü̃gagu napoxcu?” ñapegürügü tá. Dücax, nüma rü taxũtáma nanatüarü chixexü̃gagu napoxcu erü yimá nane rü aixcüma mexü̃ naxü, rü nayanguxẽxẽ ga chorü mugü rü nagu namaxü̃. Rü ngẽmaca̱x taxucürüwama nanatüarü chixexü̃gagu nayu.

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.