Echequié 18:19 - Tupanaarü Ore

¹⁹ Rü pema rü tá choxna peca rü ñaperügügü tá: “¿Tü̱xcüü̃ ya yimá nane rü tama nanatüarü chixexü̃gagu napoxcu?” ñapegürügü tá. Dücax, nüma rü taxũtáma nanatüarü chixexü̃gagu napoxcu erü yimá nane rü aixcüma mexü̃ naxü, rü nayanguxẽxẽ ga chorü mugü rü nagu namaxü̃. Rü ngẽmaca̱x taxucürüwama nanatüarü chixexü̃gagu nayu.

Echequié 18:19 Referans Kwoze

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.

Yeremía 15:4

Rü guxü̃táma i nachixü̃anegüarü duü̃xü̃gü rü tá naxca̱x namuü̃e i ngẽma poxcu i Yudáanecüã̱xmaxã chaxueguxü̃ nagagu ga yema chixexü̃ ga Yudáanearü ãẽ̱xgacü ga Manaché ga Echequía nane üxü̃ ga Yerucharéü̃wa.

Echequié 18:9

Rü nagu tamaxü̃ i chorü mugü rü aixcüma tayanguxẽxẽ. Rü yíxema tixĩ ya aixcüma mexẽ, rü ngẽmaca̱x taxũtáma tüxü̃ chapoxcu. Rü choma ya Cori ya Tupana nixĩ i nüxü̃ chixuxü̃ i ngẽma.

Echequié 18:2

—¿Tü̱xcüü̃ i Iraéanewa rü nagu naxãgaeecha i ngẽma dexa i ñaxü̃: “Ngẽma papagü rü úba i ngu̱xchi̱a̱xü̃ nangõ̱xgü, rü ngẽma nanegü rü nawa naxãũãpütagü”? ñaxü̃.

Wenaxarü naxümatü ga Tupanaarü mugü 5:9

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃. Rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa tá chananguxẽxẽ i ngẽma poxcu.

Echequié 20:30

—¡Rü Iraétanüxü̃maxã nüxü̃ ixu i ñaa chorü ore i ñaxü̃! “¿Tü̱xcüü̃ nagu pexĩchaü̃ i ngẽma nacümagü i ãũãchixü̃ ga perü o̱xigü nagu ĩxü̃? ¿Rü tü̱xcüü̃ choxna pixĩgachi nax nüxü̃ picua̱xüü̃güxü̃ca̱x i ngẽma tupananetagü i ãũãchixü̃?

Echequié 20:24

Yerü nümagü rü tama nagu namaxẽ ga yema chorü mugü rü nüxü̃ naxoe. Rü yexguma ngü̃xchigaarü ngunexü̃wa nanguxgu rü tama choxü̃ nicua̱xüü̃gü. Rü yema naxchicüna̱xãgü ga nanatügü nüxü̃ icua̱xüü̃güxü̃ama nicua̱xüü̃gü.

Auxexü̃chiga 5:7

Rü tonatügü rü pecadu naxügü, rü marü nayue. Rü ñu̱xma i toma rü naxca̱x tapoxcue ga yema norü pecadugü ga naxügüxü̃.

Norü taxre ga popera ga ãẽ̱xgacügüchiga 23:26

Natürü nüma ga Cori ya Tupana rü poraãcüma Yudáanecüã̱xgümaxã nanu nagagu ga guxü̃ma ga yema chixexü̃gü ga Manaché üxü̃.

Echequié 18:18

Natürü ya yima nanatü rü norü chixexü̃gügagu tátama nayu erü nachixecüma rü nangĩ̱x rü chixexü̃ naxü i natanüxü̃tanüwa.

Echequié 33:10

Rü ñanagürü ta: —Cuma Pa Yatüx, ¡rü Iraétanüxü̃maxã nüxü̃ ixu i chorü ore i ñaxü̃! “Pema rü ñaperügü: ‘Torü chixexü̃gü rü torü pecadugü rü toxü̃́ naya. Rü ngẽmaca̱x nachixe i torü maxü̃. ¿Rü ñuxãcü tá tanamexẽxẽ i torü maxü̃?’ ”