Echequié 18:14 - Tupanaarü Ore

¹⁴ Natürü ngẽxguma chi yimatama yatü ya chixri maxü̃cü nüxü̃́ ngẽxmagu i wüxi ya nane ya nüxü̃ daucü i guxü̃ma i nanatüarü chixexü̃gü, natürü tama nagu yaxũxgu i ngẽma nanatücüma rü taxucürüwa nanatüarü chixexü̃gügagu nayu.

Echequié 18:14 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 34:21

—¡Ẽcü Cori ya Tupanana peyaca̱x chauégagu rü Iraéanecüã̱x i duü̃xü̃güégagu rü Yudáanecüã̱x i duü̃xü̃güégagu nax tüxü̃ nüxü̃ nacua̱xẽxẽxü̃ca̱x i ta̱xacü tá taxüe i ñu̱xma nax tüxü̃́ nangẽxmaxü̃ i norü ore i ñaa poperagu ümatüxü̃! Erü ngürüãchi ya Cori ya Tupana rü tamaxã nanu yerü tórü o̱xigü rü tama naga naxĩnüe i ngẽma Cori ya Tupana nüxü̃ ixuxü̃, rü tama mea nagu namaxẽ i ngẽma ñaa poperagu ümatüxü̃ —ñanagürü ga ãẽ̱xgacü ga Yochía.

Ucu̱xẽgüchiga 23:24

Yíxema papa ya tüxü̃́ nangẽxmacü ya tümane ya mecümacü rü cua̱x nüxü̃́ ngẽxmacü, rü poraãcü tataãxẽ rü tümanemaxã tügü ticua̱xüxü̃.

Nüxíraxü̃xü̃ ga popera ga Pedru ümatüxü̃ 1:18

Rü Tupana rü marü pexü̃ ínanguxü̃xẽxẽ nawa ga yema nũxcümaü̃xü̃ ga perü maxü̃ ga taxuwama mexü̃ ga perü o̱xigüwa peyaxuxü̃. Rü yema nax nawa pexü̃ ínanguxü̃xẽẽxü̃ca̱x rü pexna naxããxü̃ca̱x i maxü̃ i ngexwaca̱xü̃xü̃, rü poraãcü nüxü̃́ natatanü. Yerü tama úiru rü ẽ̱xna diẽru i ngauxwa̱xexü̃maxã nanaxütanü, natürü nagü ya Cristu ya mexẽchicümaxã nixĩ ga naxütanüãxü̃. Rü nüma ga Cristu rü ñoma wüxi i carnéru i taxuwama nañuxraü̃xü̃ i Tupanaca̱x imáxü̃rüxü̃ pexca̱x nayu nax pexü̃ naxütanüxü̃ca̱x.

Ore i mexü̃ ga Matéu ümatüxü̃ 23:32

¡Ẽcüx, noxtacüma peyanguxẽxẽ̱x ga yema chixexü̃ ga nũxcümaü̃güxü̃ ga perü o̱xigü ügüexü̃!

Aguéu 2:18

Rü ñu̱xma daa taunecüarü 9 ya tauemacüarü 24 i ngunexü̃gu nixĩchire̱x i ipenaxügüxü̃ nax penanucuxü̃ ya yimá nutagü ya namaxã inaxügüne ya chopata ya taxü̃ne. ¡Rü dücax, rü mea penangugü! Rü woo i ñu̱xmax rü tama mea nixo i perü trigu, rü úbagü, rü igunecü, rü boxragü rü oribugü, natürü i ñu̱xmawena rü tá pexü̃ charüngü̃xẽxẽxü̃ rü tagutáma pexü̃́ nataxu i ngẽma penetügüarü o” —ñanagürü ya Tupana.

Aguéu 1:7

Rü choma ya Cori ya Tupana ya Guxãétüwa Ngẽxmaxe, rü pemaxã nüxü̃ chixu: “¡Mea nagu perüxĩnüe i pecümagü!”

Aguéu 1:5

Rü chomax ya Cori ya Tupana ya Guxãétüwa Ngẽxmacü rü pemaxã nüxü̃ chixu: “¡Mea nagu perüxĩnüe i pecümagü!”

Ochéa 7:2

Rü nümagü rü tama nagu narüxĩnüe nax choma nüxü̃ chadauxü̃ i guxü̃ma i ngẽma chixexü̃gü i naxügüxü̃. Rü ngẽma norü chixexü̃gagu tá nixĩ i chanapoxcuexü̃, erü meama nüxü̃ chadau i guxü̃ma i ngẽma naxügüxü̃.

Echequié 20:18

Rü yéma chianexü̃wa rü yema duü̃xü̃gü nanegümaxã nüxü̃ chixu nax tama nagu naxĩxü̃ca̱x ga yema chixexü̃ ga nacümagü ga nanatügü nagu ĩxü̃. Rü namaxã nüxü̃ chixu nax tama yema tupananetagüxü̃mare yacua̱xüü̃güxü̃ca̱x” —ñaxü̃ i chorü ore.

Echequié 18:28

Rü ngẽxguma aixcüma naãẽxü̃ yacua̱xãchigu rü nüxü̃ naxoxgu i nacüma i chixexü̃ ga naxüxü̃ rü tá aixcümaxü̃chi namaxü̃ rü taxũtáma nayu.

Echequié 18:10

Natürü ngẽxguma chi yimá yatü ya mecü nüxü̃́ nangẽxmagu i wüxi ya nane ya tama nanatürüxü̃ mea namaxü̃gu, rü chi nanuxwa̱xegu rü namáetawa̱xegu, rü yima nane rü norü chixexü̃gagu tátama napoxcu. Rü yima nane rü ngẽxguma chi natanügu naxãxgu i ngẽma ma̱xpǘnegüwa taxü̃ ga õna ügüxü̃ nax ngẽmaãcü norü tupanachicüna̱xãxgüxü̃ icua̱xüü̃güxü̃, rü chi toguxexü̃ yapu̱xmaxgu, rü chi yíxema ngearü diẽruã̱xgüxe rü tüxü̃́ nataxúxemaxã chixri inacua̱xgu, rü chi toguxeaxü̃́ nangĩ̱xgu, rü chi tama tüxü̃́ natáeguxẽẽxã̱xgu i tümaarü ngẽmaxü̃ i ngẽma tümaarü ngetanüca̱x nüxna taxãgüxü̃, rü chi tupananetagügu yaxõõxgu, rü chi naxüãxgu i ngẽma chixexü̃ i naxchi chaxaixü̃, rü chi norü diẽru toguena ngĩxü̃ naxãxgu nax ngẽmaãcü tüxü̃́ nangĩ́xü̃ca̱x rü tacü i ngĩrü üétüca̱x ínacagu rü yima nane ya ngẽmaãcü chixri maxü̃cü rü ngẽmaca̱x aixcüma tá nayu rü nagagu tátama nixĩ i ngẽma.

Yeremía 44:17

Rü toma rü tá tanaxüama i ngẽma toma nagu tarüxĩnüexü̃ nax tanaxüxü̃. Rü torü tupana i “Dauxü̃guxü̃ i Naanearü Ãẽ̱xgacümaxã”, inaxugücü rü ngĩxca̱x tá tayagu i pumarate̱xe rü ngĩxna tá tanaxã ya bínu. Rü ngẽma ñu̱xma taxüxü̃ rü guxü̃gutáma tanaxü naxrüxü̃ ga yema torü o̱xigü, rü torü ãẽ̱xgacügü, rü Yudáanearü ĩanegüarü ãẽ̱xgacügü, rü yema Yerucharéü̃cüã̱xgü. Yerü ü̃pa rü toxü̃́ nayexma ga muxü̃ma ga õna, rü mea toxü̃ nangupetü rü taxuxü̃ma ga guxchaxü̃ toxca̱x ínangu.

Yeremía 9:14

Rü nümagü rü norü ngúchaü̃ i chixexü̃güweama narüxĩ, rü nanatügü nangúexẽẽxü̃rüxü̃ tupananeta i Baáchicüna̱xãgüwe narüxĩ.

Yeremía 8:6

Rü pegaca̱x meama icharüxĩnü, natürü taxúexü̃ma chaxĩnü nax texé chomaxã nüxü̃ ixuxü̃ nax nüxü̃ tarüxoxü̃ i tümaarü chixexü̃. ¡Rü chomaxã nüxü̃ tixu nax ta̱xacürü guxchaxü̃ yixĩxü̃ i pemaxã chaxüxü̃! Rü guxü̃ma rü napaxaãxẽ nax chixexü̃ naxüxü̃, ñoma cowaru i paxãma daiwa ñaxü̃rüxü̃.

Ichaía 44:19

Rü taxúema mea nagu tarüxĩnü nax ngẽma rü wüxi i naimare yixĩxü̃. Rü tama tügümaxã ñatarügü: “Ngẽma norü ngãxü̃ i ngẽma nai rü chorü üxüxü̃ruxü̃ chayaxĩxẽxẽ rü ngẽmawa chayagu i chorü paũ rü chayagu i chorü namachi rü ñu̱xũchi chanangõ̱x. Rü ngẽma íyaxüxü̃wa i ngẽma nai rü chanaxü i ñaa naxchicüna̱xã i taxuwama mexü̃. Rü ngẽma ñu̱xma nüxü̃ chicua̱xüxü̃ rü wüxi i naixchipe̱xemare nixĩ”, ñatarügü.

Ucu̱xẽgüchiga 17:21

Ngẽxguma nanatü ixĩxgu i wüxi i tama naãẽxü̃ cuáxü̃, rü ngúxü̃ taxca̱x ínanguxẽxẽ. Rü ngẽxguma nanatü ixĩxgu i ngẽma naechitamare maxẽxü̃, rü tagutáma taãxẽ tüxna naxã.

Echequié 18:15

Rü yimá nane rü ngẽxguma chi tama nanatürüxü̃ natanügu naxãxgu i ngẽma ma̱xpǘnegüwa taxü̃ ga õna ügüxü̃ nax ngẽmaãcü norü tupanachicüna̱xãxgüxü̃ icua̱xüü̃güxü̃, rü chi tama nüxü̃́ yaxõõxgu i ngẽma Iraétanüxü̃arü tupanagüneta, rü chi tama toguxexü̃ yapu̱xmaxgu, rü chi taxúemaxã nachixecümagu, rü ngẽxguma chi texé diẽruca̱x nüxna caxgux rü nüma rü tama norü diẽruchicüxü tümaarü ngẽmaxü̃ca̱x ínaca̱xgu, rü chi tama texéaxü̃́ nangĩ̱xgu, rü chi tüxü̃ nachibüxẽẽgu ya yíxema taiyaxe, rü chi tüxü̃ naxüxchirugu ya yíxema ngexchiruxe, rü chi taxúemaxã guxchaxü̃ naxü̱xgu, rü chi ngearü üétüãcüma diẽru ngĩxü̃ inaxãxgu, rü chi chorü mugüga naxĩnügu rü nagu namaxü̃gu, rü nüma rü taxũtáma nanatüarü chixexü̃gagu nayu. Rü aixcüma tá namaxü̃.

Norü taxre ga popera ga ãẽ̱xgacügüchiga 22:1

Rü nüma ga Yochía rü nüxü̃́ nayexma ga 8 ga taunecü ga yexguma ãẽ̱xgacüxü̃ yangucuchigu. Rü 31 ga taunecü ãẽ̱xgacü nixĩ ga Yerucharéü̃wa. Rü naé rü Yedidá nixĩ ga ngĩéga, rü ngĩnatü rü Adaía ĩane ga Bucácüã̱x nixĩ.

Norü taxre ga popera ga ãẽ̱xgacügüchiga 22:2

Rü nüma ga Yochía rü Tupanape̱xewa mexü̃ naxü. Yerü nũxcümaü̃cü ga norü o̱xi ga Dabícümagu nixũ. Rü taguma ta̱xacüca̱x ñuxgu nüxna ínaxũxũ ga yema nacüma ga mexü̃.