Echequié 18:10 - Tupanaarü Ore

^10-13 Natürü ngẽxguma chi yimá yatü ya mecü nüxü̃́ nangẽxmagu i wüxi ya nane ya tama nanatürüxü̃ mea namaxü̃gu, rü chi nanuxwa̱xegu rü namáetawa̱xegu, rü yima nane rü norü chixexü̃gagu tátama napoxcu. Rü yima nane rü ngẽxguma chi natanügu naxãxgu i ngẽma ma̱xpǘnegüwa taxü̃ ga õna ügüxü̃ nax ngẽmaãcü norü tupanachicüna̱xãxgüxü̃ icua̱xüü̃güxü̃, rü chi toguxexü̃ yapu̱xmaxgu, rü chi yíxema ngearü diẽruã̱xgüxe rü tüxü̃́ nataxúxemaxã chixri inacua̱xgu, rü chi toguxeaxü̃́ nangĩ̱xgu, rü chi tama tüxü̃́ natáeguxẽẽxã̱xgu i tümaarü ngẽmaxü̃ i ngẽma tümaarü ngetanüca̱x nüxna taxãgüxü̃, rü chi tupananetagügu yaxõõxgu, rü chi naxüãxgu i ngẽma chixexü̃ i naxchi chaxaixü̃, rü chi norü diẽru toguena ngĩxü̃ naxãxgu nax ngẽmaãcü tüxü̃́ nangĩ́xü̃ca̱x rü tacü i ngĩrü üétüca̱x ínacagu rü yima nane ya ngẽmaãcü chixri maxü̃cü rü ngẽmaca̱x aixcüma tá nayu rü nagagu tátama nixĩ i ngẽma.

Echequié 18:10 Referans Kwoze

Ínachoxü̃xü̃chiga 21:12

Rü texé ya tümamücüxü̃ imáxe rü tüma rü tá ta noxtacüma tayu.

Nüxíraxü̃xü̃ ga popera ga Cuáü̃ ümatüxü̃ 3:12

Rü tama tanaxwa̱xe nax Caíü̃rüxü̃ ixĩgüxü̃. Nüma rü Chatanáarü duü̃xü̃ nixĩ rü naenexẽxü̃ nima̱x. ¿Rü ta̱xacüca̱x nixĩ ga yamáaxü̃? Nayama̱x yerü yema nüma naxüxü̃ rü tama name, rü yema naenexẽ üxü̃ rü name.

Ore i mexü̃ ga Cuáü̃ ümatüxü̃ 18:40

Rü yexguma ga guxü̃ma ga yema duü̃xü̃gü, rü tagaãcü aita naxüe, rü ñanagürügü: —Tama tanaxwa̱xe nax cuyangéxü̃ i ngẽma yatü. Rü Barabá waxi nixĩ i tanaxwa̱xexü̃ nax cuyangéxü̃ —ñanagürügü. Rü yema Barabá rü wüxi ga máẽtaxü̃ nixĩ.

Iraétanüxü̃arü muxchiga 35:31

Rü wüxi i máetaxü̃ i marü yu namaxã naxuegugüxü̃ rü ngẽxguma chi texé diẽrumaxã naxütanüchaü̃gu ¡rü taxũtáma penayaxu i ngẽma diẽru! Rü nanaxwa̱xe nax nayuxü̃.

Lebítanüxü̃arü puracüchiga 19:13

¡Rü taxṹ i cumücüxü̃ cuxãxũnexü̃ rü taxṹ i nüxna cunapuxü̃ i norü ngẽmaxü̃gü! ¡Rü taxṹ i curü puracütanüxü̃na cunachu̱xuxü̃ i norü diẽru nax moxü̃ãcüama nüxü̃́ cunaxütanüxü̃ca̱x!

Ínachoxü̃xü̃chiga 22:2

Rü ngẽxguma wüxi i ngĩ́xta̱xaxü̃ ínangĩ̱xyane texé íyanguéxü̃gügu rü yapi̱xẽẽgüãgu rü nayu̱xgu i ngẽma ngĩ́xta̱xaxü̃ rü taxũtáma yíxema yamáxegagu nixĩ.

Echequié 18:9

Rü nagu tamaxü̃ i chorü mugü rü aixcüma tayanguxẽxẽ. Rü yíxema tixĩ ya aixcüma mexẽ, rü ngẽmaca̱x taxũtáma tüxü̃ chapoxcu. Rü choma ya Cori ya Tupana nixĩ i nüxü̃ chixuxü̃ i ngẽma.

Ochéa 12:14

Natürü i ñu̱xma i ngẽma Iraétanüxü̃ rü Tupanaxü̃ nanuxẽẽgü. Rü ngẽmaca̱x i nüma rü tá nanapoxcue nagagu ga yema máetagü rü yema togü ga chixexü̃gü ga naxügüxü̃.