Echequié 17:7 - Tupanaarü Ore

⁷ Natürü nayexma ga to ga ĩyü ga taxüchixü̃ ga itaxpe̱xatüxüchixü̃ rü muxpachi̱xixüchixü̃. Rü yexguma ga yema úbachuma̱xãgü rü nawaama nadagü, rü ñu̱xũchi ga natanü rü yema ĩyü íyexmaxü̃guama narüma̱xnü nax yemaacü yexera dexá nüxna tanaxãxü̃ca̱x.

Echequié 17:7 Referans Kwoze

Echequié 31:4

Rü gumá pucü, rü yema dexá ga waixü̃müanewa yexmaxü̃ rü nüxü̃ narüngü̃xẽxẽ nax nayaxü̃ca̱x. Rü yema natügü ga nacüwagu iya̱xgüxü̃ rü nayamegüpüne yema togü ga naigü ga yéma yexmagüxü̃rüxü̃.

Echequié 17:15

Natürü ga nane ga guma Yudáanearü ãẽ̱xgacü rü Babiróniaanearü ãẽ̱xgacümaxã nanu. Rü yemaca̱x Equítuanewa nanamugü ga orearü ngeruü̃gü nax yéma muxü̃ ga cowarugüca̱x rü churaragüca̱x íyacagüxü̃ca̱x. ¿Ẽ̱xna pema nagu perüxĩnüegu rü ngẽxguma ngẽma pexügügu rü ngẽmaãcü tá pemaxẽxü̃ rü taxũtáma peyuexü̃? ¿Ẽ̱xna nagu perüxĩnüegu rü maxü̃ãcü tá tiña ya yíxema tama naga ĩnüxe i ngẽma uneta?

Norü taxre ga to ga popera ga ãẽ̱xgacügüchiga ümatüxü̃ 26:13

Rü naxme̱xwa nayexmagü ga 307,500 ga churaragü ga iporaexü̃ rü tama muü̃wa̱xegüxü̃ ga daica̱x ímemaregüxü̃. Rü nümagü nixĩ ga ãẽ̱xgacüxü̃ nangü̃xẽẽgüxü̃ ga yexguma norü uanügümaxã nügü nadaixgu.

Norü taxre ga popera ga ãẽ̱xgacügüchiga 24:20

Rü yemaca̱x ga nüma ga Cori ya Tupana rü ĩane ga Yerucharéü̃cüã̱xgümaxã rü Yudátanüxü̃maxã nanu rü nügüpe̱xewa ínanawoxü̃.

Echequié 17:6

Rü narüxü ga guma naxchire, rü wüxi ga úbane ga tatanüxü̃ nixĩ. Rü woo ga nax nanuxetaxü̃ rü yema ĩyü íyexmaxü̃guama narüma̱xgü ga yema nachacüxü. Rü yema naxchúma̱xãgü rü aixepewa nayadagü ga waixü̃müanewa. Rü wüxi ga úbane ga mexü̃ nixĩ, rü namuatüxüchi rü ñu̱xũchi namuchacüüxüchi.

Echequié 17:8

Natürü marüchire̱x mexü̃ ga naanegu nato ga dexá íyemaxü̃wa ga ngextá chi ínamuchacüüxü̃wa rü ínaxoxü̃wa, rü wüxi i baxcaxü̃ i úbane chi nixĩ”.