Echequié 17:3 - Tupanaarü Ore

^3-4 ¡Rü Iraétanüxü̃maxã nüxü̃ ixu i ñaa chorü ore i ñaxü̃! “Wüxi ga ĩyü ga taxüchixü̃ rü Líbanunecüwa nangu. Rü guma naxpe̱xatügü rü nitaxüchi rü nanaguxü̃raü̃ ga namatüpe̱xatü. Rü inayacawe ga wüxi ga ocayiwaarü doxchacaxü̃. Rü ñu̱xũchi wüxi ga nachixü̃ane ga taxetanüxü̃ nagu ãpatagüxü̃gu nayato, nagu ga wüxi ga ĩane ga taxetanüxü̃ nawa muxü̃.

Echequié 17:3 Referans Kwoze

Ochéa 8:1

Rü ñanagürü ta: —¡Pa Dauxü̃taeruxü̃x, nagu icue i curü cornéta! Erü ñoma wüxi i ĩyü i nawemü tüxü̃ iyaxuxü̃rüxü̃ ñomama nixĩ i ngẽma uanügü i chorü duü̃xü̃güarü daiwa ĩxü̃. Rü ngẽma guxchaxü̃ tá naxca̱x ínangu i chorü duü̃xü̃gü erü tama nayanguxẽẽgü i ngẽma uneta ga namaxã chaxüxü̃ rü tama naga naxĩnüe i chorü mugü.

Yeremía 48:40

Rü nüma ya Cori ya Tupana rü ñanagürü: —Ngẽma Moáanearü uanügü rü naxca̱x ínayaxüãchi ñoma wüxi i ĩyü rü naeü̃ca̱x nagoxü̃rüxü̃.

Danié 4:22

Rü yema nai ga taxüchixü̃ ga cunegüwa nüxü̃ cudauxü̃, rü cuchiga nixĩ, Pa Ãẽ̱xgacüx. Rü cuma i ñu̱xmax rü cuporaxüchi rü ngẽma curü ngẽmaxü̃gü rü cunanutaque̱xe ñu̱xmata dauxü̃guxü̃ i naanewa nangu, rü ngẽmaãcü guxü̃ i nachixü̃anegümaxã icucua̱x.

Echequié 17:7

Natürü nayexma ga to ga ĩyü ga taxüchixü̃ ga itaxpe̱xatüxüchixü̃ rü muxpachi̱xixüchixü̃. Rü yexguma ga yema úbachuma̱xãgü rü nawaama nadagü, rü ñu̱xũchi ga natanü rü yema ĩyü íyexmaxü̃guama narüma̱xnü nax yemaacü yexera dexá nüxna tanaxãxü̃ca̱x.

Ore i mexü̃ ga Matéu ümatüxü̃ 24:28

Rü duü̃xü̃gü rü tá cha̱u̱xca̱x nangutaque̱xegü ñoma ẽxchagü nawemüca̱x ngutaque̱xexü̃rüxü̃.

Danié 7:4

Rü yema nüxíraxü̃xü̃ ga ngo̱xo rü nanaleóü̃raxü̃, natürü nanaxĩyüpe̱xatüraxü̃. Rü yexguma nüxü̃ íchadawenüyane rü nanatúxü̃pe̱xatü. Rü waixü̃müanewa ínanadaxẽẽgü. Rü guma naweama yexmagüne ga naparamaxã inanachixẽẽgü ñoma wüxi i yatü ichixü̃rüxü̃. Rü guma norü maxü̃ne rü naxüchicüxü rü duü̃xẽarü maxü̃ne nüxna naxãgü.

Danié 2:38

Rü ngẽmaca̱x i ñu̱xma rü guxü̃ma i duü̃xü̃gümaxã rü naeü̃gümaxã rü werigümaxã icucua̱x. Erü nüma ya Tupana rü cuxme̱xwa nanangexmagüxẽxẽ. Rü cuchiga nixĩ, Pa Ãẽ̱xgacüx, i ngẽma naxchicüna̱xãeru i úirunaxca̱x.

Auxexü̃chiga 4:19

Rü torü uanügü i towe ingẽxü̃tanüxü̃ rü ĩyürüxü̃ niporaxüchi. Rü máxpü̱xanexü̃wa towe ningẽxü̃tanü rü chianexü̃wa yütagü toxca̱x ninuagü.

Yeremía 49:16

Cuma rü cugü quicua̱xüxü̃ namaxã i curü pora i namaxã cunamuü̃xẽxẽ i ngẽma togü i nachixü̃anegü. Rü nutagüarü ãxmaxü̃güwa pemaxẽ ya ma̱xpǘnegüarü ngüchitaeruxü̃güwa. Natürü woo ñoma ĩyürüxü̃ ngüchitaeruxü̃gügu pexü̃́ nangẽxmagügu i pechica, rü choma rü ngéma tá pexü̃ ícharüxĩgüxẽxẽama. Rü choma ya Cori ya Tupana nixĩ i ngẽma ñachaxü̃” —ñanagürü.

Yeremía 24:1

Babiróniaanecüã̱xarü ãẽ̱xgacü ga Nabucudonochó rü Babiróniaanewa nanaga ga Yudáanecüã̱xarü ãẽ̱xgacü ga Yeconía ga Yoaquíü̃ nane ixĩcü. Rü wüxigu namaxã yéma nanaga ga Yeconíaarü ngü̃xẽẽruü̃gü ga ãẽ̱xgacügü, rü yema puracütanüxü̃ ga ta̱xacüarü üruxü̃xü̃ icuáxü̃. Rü yemawena ga Tupana rü choxü̃ nüxü̃ nadauxẽxẽ ga taxre ga pexchi ga igumaxã ixããcucü ga Tupanapata ga taxü̃nepe̱xegu nucü.

Yeremía 4:13

Dücax, ngẽma tórü uanügü rü ñoma caixanexü̃rüxü̃ ningaicamaetanü, rü ngẽma norü carugü i dairuxü̃ rü ñoma buanecü ya poracürüxü̃ nixĩgü. Rü ngẽma norü cowarugü rü ĩyüxü̃ narüporamaegü. Rü yíxema rü marü taxuacüma tibuxmü.

Wenaxarü naxümatü ga Tupanaarü mugü 28:49

Rü Cori ya Tupana rü wüxi i nachixü̃ane i yáxü̃wama ngẽxmaxü̃ i tama nagaxü̃ cucuáxü̃ tá cuxca̱x ínayachoõchixẽxẽ, ñoma wüxi i ĩyü i goexü̃ i poraxüchixü̃rüxü̃.

Ore i mexü̃ ga Matéu ümatüxü̃ 4:24

Rü duü̃xü̃gü rü Ngechuchuchigaxü̃ nixugügü ga guxü̃ma ga Chíriaanewa. Rü naxü̃tawa nanagagü ga naguxü̃raü̃xü̃ ga da̱xaweanemaxã idaaweexü̃. Rü nayexma ga duü̃xü̃gü ga ngúanemaxã idaaweexü̃, rü duü̃xü̃gü ga poraãcü naxü̃newa nangúexü̃, rü duü̃xü̃gü ga ngo̱xo nawa yexmaxü̃, rü duü̃xü̃gü ga óxwaa̱xgüxü̃, rü duü̃xü̃gü ga nawãĩxãchigüxü̃. Rü Ngechuchu nanameexẽxẽ ga guxü̃ma ga yema.

Echequié 31:3

Rü dücax i ngẽma nachixü̃ane i Achíria i ñoma wüxi i Líbanuarü ocayiwarüxü̃ nata rü napora. Rü nataeta rü namáchane rü natape̱xe rü caixanexü̃wa nangu.

Abacú 1:8

Rü norü cowarugü rü aixü̃ narüporamaegü, rü naixnecücüã̱x i airugüarü yexera nidürae. Rü norü churaragü i cowarugu ĩxü̃ rü muxü̃ inaxĩ. Rü nümagü rü ñoma ĩyü i naeü̃ca̱x yáxü̃wa ne ñaxü̃rüxü̃ nixĩgü.