Echequié 17:23 - Tupanaarü Ore

²³ Rü yimá Iraéanewa ngẽxmane ya ma̱xpǘne ya rümáchanemaenewa tá narüxü rü tá namuchacüxü, rü tá namuarü oõ̱x, rü wüxi ya ocayiwa ya baxcane tá nixĩ. Rü naguxü̃raü̃xü̃ i naeü̃gü rü tá natüxü̃wa namaxẽ, rü ñu̱xũchi naguxü̃raü̃xü̃ i werigü tá natanütüxü̃gu nixüachiaxü̃.

Echequié 17:23 Referans Kwoze

Ore i mexü̃ ga Matéu ümatüxü̃ 13:32

Rü woo naxíraxüchichire̱x ya yima naxchire, natürü ngẽxguma naxüxgu rü naya̱xgu, rü wüxi i nanetü i taetaxü̃ nixĩ. Rü ngẽmaca̱x i werigü rü natanüwa naxĩ, rü ngẽxma nayarüxüxchiãü̃gü —ñanagürü.

Echequié 31:6

Rü guxü̃raxü̃xü̃ ga werigü rü natanügu naxüxchiãü̃gü. Rü guxü̃raxü̃xü̃ ga naeü̃gü ga naixnecücüã̱x natüxü̃gu naxíxraxacügü. Rü norü gáuxpechitaanexü̃ ningu nax muxü̃ma ga nachixü̃anegü nawa yexmagüxü̃.

Ichaía 2:2

Ngẽma ngunexü̃gü i nawa iyacua̱xgüxü̃gu, rü yima ma̱xpǘne i Cori ya Tupanapata ya taxü̃ne íngẽxmaxü̃wa rü guxü̃ne ya naigü ya ma̱xpǘnearü yexera tá poraãcü natachiga. Rü guxü̃ i nachixü̃anecüã̱x i duü̃xü̃güaxü̃́ tá nangúchaü̃ nax íyadaugüãxü̃. Rü guxü̃ma i nachixü̃anegücüã̱x i duü̃xü̃gü rü tá ngéma naxĩ.

Colosenses 3:11

Rü ñu̱xma rü Tupanape̱xewa rü nüetama nixĩ ega Yudíu quixĩxgu rü ẽ̱xna tama. Rü nüetama nixĩ ega ícuwiecha̱xmüxü̃pe̱xechiraü̃gu rü ẽ̱xna tama. Rü nüetama nixĩ ega ta̱xacürü nachixü̃anecüã̱x i duü̃xü̃ quixĩxgu, rü ẽ̱xna duü̃xü̃ i tama poperaxü̃ icuáxü̃ quixĩxgu. Rü nüetama nixĩ ega wüxi i mugüruxü̃ quixĩxgu, rü ẽ̱xna taxúxearü duü̃xü̃ quixĩxgu. Erü ñu̱xma rü guxü̃arü yexera tüxü̃́ mexü̃ nixĩ nax Cristu rü guxü̃arü yora yixĩxü̃ rü guxü̃wa nangẽxmaxü̃.

Gálatas 3:28

Rü ñu̱xma rü Tupanape̱xewa rü nüetama nixĩ ega woo Yudíugü pixĩgügu rü ẽ̱xna tama. Rü nüetama ega woo wüxi i coriarü duü̃xü̃gü pixĩgügu rü ẽ̱xna taxúearü duü̃xü̃gü pixĩgügu. Rü nüetama ega woo piyatügu rü ẽ̱xna pingexgu. Erü ñu̱xma nax Ngechuchu ya Cristuarü duü̃xü̃gü nax pixĩgüxü̃, rü wüxitama i duü̃xü̃ pixĩgü i guxãma i pemax.

Ochéa 14:7

Rü ngẽma Iraéanecüã̱xgü rü wena tá cho̱xme̱xwa nangẽxmagü rü tá nüxna chadau. Rü ñoma trigurüxü̃ rü úbarüxü̃ tá nimu. Rü yimá bínu ya Líbanucüã̱xrüxü̃ tá natachigagü i ngẽma Iraéanecüã̱xgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Ore i mexü̃ ga Cuáü̃ ümatüxü̃ 12:24

Rü aixcüma pemaxã nüxü̃ chixu rü ngẽxguma chi wüxipü̱xü i triguchire tama waixü̃müanegu nguxgu rü nayu̱xgu rü wüxipü̱xüechatama nixĩ. Natürü ngẽxguma waixü̃mügu nanguxgu rü nayu̱xgu rü ngéma naxüxgu rü namuxũchi i norü o.

Ichaía 49:18

¡Rü dücax, yea pecüwagu perüdaunü nax ñuxãcü guxü̃ma i Iraétanüxü̃ ĩtaque̱xexü̃ rü Yerucharéü̃ca̱x woeguxü̃! Rü choma ya Cori ya Tupana rü chauégagu pemaxã nüxü̃ chixu rü guxü̃ma i Yerucharéü̃arü duü̃xü̃gü rü ñoma wüxi i pacü i ãtechaü̃cüarü nga̱xãẽruü̃rüxü̃ tá nixĩ i perü ĩanewa.

Ichaía 27:6

Rü tá ínangu i ngunexü̃ i Acóbutanüxü̃ rü ñoma nanetügü i muxchúma̱xãxü̃rüxü̃ tá nixĩ nax Iraétanüxü̃ wena ínadagüxü̃ rü yamuxü̃. Rü ngẽmaãcü i norü o rü ñoma i naane tá namaxã nanapa.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Ore i mexü̃ ga Luca ümatüxü̃ 13:19

Wüxi ya motachachire ya wüxi ya yatü naanegu toxü̃nerüxü̃ nixĩ. Rü woo naxíraxüchichire̱x ya naxchire natürü ngẽxguma naxüxgu rü naya̱xgu rü wüxi i nanetü i taetaxü̃ nixĩ. Rü ngẽmaca̱x i werigü rü natanügu nixüachiãü̃ —ñanagürü.

Wiyaegü 80:8

Rü Equítuanewa toxü̃ ícugaxü̃ ñoma wüxi i úba i ngexwaca rüxüxü̃ i to i naanewa ngexü̃ rü ngẽxma yatoxü̃rüxü̃. Rü toxca̱x ícunawoxü̃ ga yema duü̃xü̃gü ga tama cuxü̃́ yaxõgüxü̃ nax yema nachica ga nawa ícunawoxü̃xü̃gu toxü̃ cumugüxü̃ca̱x.

Charumóü̃arü wiyae 5:15

Rü naparagü rü nimexẽchi ñoma caxtagü ya nuta ya mármonaxca̱x ya úiruxüchiétügu caxgünerüxü̃. Rü nüma rü namexẽchi ñoma ocayiwagü ya Líbanuanecüã̱xrüxü̃.

Yeremía 31:12

Rü nümagü rü tá Yerucharéü̃wa nangugü, rü Chióü̃arü ma̱xpǘnewa tá taãẽãcü nayawiyaegü. Rü mexü̃wa tá nangẽxmagü, erü Cori ya Tupana rü tá nüxna nanaxã i guxü̃ma i mexü̃gü i trigu rü bínu, rü chíxü̃, rü carnérugü rü wocagü. Rü tá mea nachibüe rü naporae. Rü ñoma wüxi i putüranecü i mea maixnecüxü̃rüxü̃ tá nixĩgü. Rü wüxi i nachixü̃ane i poraxü̃ tá nixĩ, rü taxũtáma wena ngúxü̃ ningegü.

Echequié 36:8

Natürü i pema, Pa Iraéanearü Ma̱xpǘnegüx, rü pewa tá narüxügü i muxü̃ma i nanetügü i taxü̃ i muarü oṍxü̃ naxca̱x i chorü duü̃xü̃gü i Iraétanüxü̃ i paxa tá pexca̱x woeguxü̃.

Ochéa 14:8

Rü Efraíü̃tanüxü̃ rü tá ñanagürügü: “Marü taxuwama choxü̃́ name i ngẽma tupananetachicüna̱xãgü”, ñanagürügü tá. Rü choma rü tá nüxü̃ charüngü̃xẽxẽ rü nüxna chadau i chorü duü̃xü̃gü. Rü guxü̃gutáma namaxã chamecüma ñoma wüxi i pinu i guxü̃guma ya̱u̱xtanüxü̃rüxü̃. Rü chorü duü̃xü̃gü rü chaugu tá nüxü̃ nayangau i maxü̃ i mexü̃ —ñanagürü.

Echequié 20:40

Rü guxü̃ma i Iraétanüxü̃ rü yima Iraéanewa ngẽxmane ya chorü ma̱xpǘne ya máchanenewa tá choxü̃ nicua̱xüü̃gü. Rü choma ya Cori ya Tupana nixĩ i nüxü̃ chixuxü̃ i ngẽma. Rü ngéma rü taãẽãcüma tá pexü̃ chayaxu. Rü ngéma rü tá chanaxwa̱xe nax choxna penaxãgüxü̃ i perü ãmaregü. Rü tá chanaxwa̱xe nax ngéma cha̱u̱xca̱x penanaxü̃ i ngẽma nüxíraxü̃xü̃ i penetügüarü o rü guxü̃ma i ngẽma togü i ãmaregü i choxna pexãxü̃.

Danié 4:8

Rü Daniéwa nixĩ ga iyacuáxü̃ nax chauxü̃tawa naxũxü̃. Rü nüma rü chorü tupanaégagu Betachágu chanaxüéga. Rü nüma i Danié rü Tupana ya Üünecüãxẽ namaxã inacua̱x. Rü namaxã nüxü̃ chixu ga yema nagu chaxãnegüxü̃ rü ñachagürü:

Danié 4:9

“Pa Betachá i Guxü̃ i Chorü Ucu̱xẽruü̃güerux, rü choma nüxü̃ chacua̱x rü yimá Tupana ya Üünecüãxẽ cumaxã inacua̱x rü ngẽmaca̱x nüxü̃ cucua̱x i guxü̃ma i ẽxü̃guxü̃. Rü chanaxwa̱xe i ícurüxĩnü i ngẽma cumaxã tá nüxü̃ chixuxü̃ i chaunegüwa nüxü̃ chadauxü̃ rü ñu̱xũchi chanaxwa̱xe i chomaxã nüxü̃ quixu nax ta̱xacüchiga yixĩxü̃.

Miquéa 4:1

Rü ngẽma nawa iyacuáxü̃ i ngunexü̃gügu rü tá nawa nangu nax yima ma̱xpǘne ya Tupanapata ya taxü̃ne nagu üxü̃ne rü tá guxü̃nema ya naigü ya ma̱xpǘnegüarü yexera natachiga. Erü ngéma Tupanapatawa tá naxĩ i guxü̃ma i nachixü̃anecüã̱xgü i duü̃xü̃gü nax nüxü̃ yacua̱xüü̃güxü̃ca̱x.