Echequié 17:22 - Tupanaarü Ore

²² Rü choma ya Cori ya Tupana rü ñachagürü: “Choma rü tá chayabüe i ngẽma rümáchanemaexü̃ i ocayiwaarü doxchacaxü̃, rü ñu̱xũchi chomatátama wüxi ya ma̱xpǘne ya rümáchanenegu tá chayato.

Echequié 17:22 Referans Kwoze

Echequié 20:40

Rü guxü̃ma i Iraétanüxü̃ rü yima Iraéanewa ngẽxmane ya chorü ma̱xpǘne ya máchanenewa tá choxü̃ nicua̱xüü̃gü. Rü choma ya Cori ya Tupana nixĩ i nüxü̃ chixuxü̃ i ngẽma. Rü ngéma rü taãẽãcüma tá pexü̃ chayaxu. Rü ngéma rü tá chanaxwa̱xe nax choxna penaxãgüxü̃ i perü ãmaregü. Rü tá chanaxwa̱xe nax ngéma cha̱u̱xca̱x penanaxü̃ i ngẽma nüxíraxü̃xü̃ i penetügüarü o rü guxü̃ma i ngẽma togü i ãmaregü i choxna pexãxü̃.

Ichaía 53:2

Rü nüma ya Cori ya Tupana rü nanaxwa̱xe ya yimá norü duü̃ rü ñoma wüxi i nanetü i ngexwaca rüxüxü̃ rü naxchúma̱xã i waixü̃mü i paanewa ixücuxü̃rüxü̃ nax yixĩxü̃. Rü nüma rü tama namechiwe rü ngẽmaca̱x taxúxeaxü̃́ nangúchaü̃.

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

Chacaría 3:8

¡Rü dücax, Pa Yochuéx, rü mea rüxĩnü i cuma nax chacherdótegüarü ãẽ̱xgacü quixĩxü̃! Rü ngẽxgumarüxü̃ ta i cumücügü rü name nax mea inaxĩnüexü̃, erü pema rü wüxi i cua̱xruxü̃ pixĩgü nachiga ya yíxema tá nua chanaxũxẽxẽcü. Erü paxa tá nua petanüwa chanamu i wüxi i choxrü duü̃xü̃ i Dabítaxa i perü ãẽ̱xgacü tá ixĩcü.

Miquéa 4:1

Rü ngẽma nawa iyacuáxü̃ i ngunexü̃gügu rü tá nawa nangu nax yima ma̱xpǘne ya Tupanapata ya taxü̃ne nagu üxü̃ne rü tá guxü̃nema ya naigü ya ma̱xpǘnegüarü yexera natachiga. Erü ngéma Tupanapatawa tá naxĩ i guxü̃ma i nachixü̃anecüã̱xgü i duü̃xü̃gü nax nüxü̃ yacua̱xüü̃güxü̃ca̱x.

Wiyaegü 72:16

¡Toxü̃ rüngü̃xẽxẽ, Pa Tupanax, nax tochixü̃anewa toxü̃́ yaxoxochixü̃ca̱x i torü trigugü rü toxü̃́ nabacaxü̃ca̱x i torü trigunecügü i ma̱xpǘneanewa ngẽxmagüxü̃! ¡Rü namuxẽxẽ i norü o ngẽma Líbanuanewa ngẽxmagüxü̃ i nanetügürüxü̃! ¡Rü ñoma maxẽ i naanewa muxü̃rüxü̃ torü ĩanegüwa yamuxẽxẽ i duü̃xü̃gü!

Danié 2:35

Rü yexguma ga yema fieru rü waixü̃mü rü bróũche rü diẽrumü rü úiru rü wüxixü̃cüütama nixãte̱xeãchi. Rü ñoma trigu icuexechite̱xegurüxü̃ nixĩ ga buanecü yangexü̃, rü taxuxü̃ma yéma nayaxüãchi ga yema naxchicüna̱xã. Natürü gumá nuta ga yema naxchicüna̱xãétüwa dixpütacü rü wüxi ga taxü̃ne ga ma̱xpǘnexü̃ nanaca̱xichi rü guxü̃ma ga ñaa naane rü namaxã nanapá.

Echequié 37:22

Rü Iraéanearü mápü̱xanexü̃wa rü wüxitama i nachixü̃ane tá chayaxĩxẽxẽ, rü wüxi tátama nixĩ i norü ãẽ̱xgacü. Rü marü taxũtáma taxre i nachixü̃anegü nixĩ, rü taxũtáma taxre i ãẽ̱xgacügü namaxã inacua̱x.

Ichaía 4:2

Natürü wüxi i ngunexü̃gu rü ngẽma íyaxügüxü̃tanüwa rü Cori ya Tupana tá nanango̱xẽxẽ ya yimá maxẽxẽẽruxü̃ i ñoma wüxi i nanetü i nachimewa rüxüxü̃rüxü̃. Rü nüma rü ngü̃xẽẽruxü̃ ya poraxüchicü tá nixĩ naxca̱x i ngẽma duü̃xü̃gü i Iraéanewa íyaxügüxü̃. Rü ñu̱xũchi ngẽma íyaxügüxü̃arü nanetügü i naanewa ngẽxmagüxü̃ rü meama tá nixo, rü nümagü i duü̃xü̃gü rü tá poraãcü namaxã nataãẽgü.

Wiyaegü 80:15

Rü ñoma úba itoxü̃rüxü̃ rü cuma rü ñaa naanegu toxü̃ cumugü. Rü cumatama toxna cudau ñoma úba i ngexwaca rüxüxü̃ rü igüpǘnexü̃rüxü̃.

Echequié 34:29

Rü chorü duü̃xü̃güna tá chanaxã i ngẽma naane i nanetü mea nawa rüxügüxü̃. Rü ngẽmaca̱x i ngẽma chorü duü̃xü̃gü rü taxũtáma wena taiya nüxü̃́ nangu̱x. Rü ngẽma togü i nachixü̃anecüã̱xgü rü taxũtáma wena nüxü̃ nacugüe rü nagu nidauxcüraxü̃gü i chorü duü̃xü̃gü.