Echequié 17:16 - Tupanaarü Ore

¹⁶ Rü choma ya Cori ya Tupana rü chauégagu cumaxã nüxü̃ chixu rü Babiróniaanegu tá nayu i ngẽma unetaxü̃ cugüxü̃, rü tama yanguxẽẽxü̃ ga yema uneta ga naxüxü̃ namaxã ga guma ãẽ̱xgacü ga yangucuchixẽẽcü.

Echequié 17:16 Referans Kwoze

Echequié 12:13

Natürü i choma rü ngẽma ãẽ̱xgacüétügu tá chanaña i chorü tarapa, rü ngẽmamaxã tá chayayaxu. Rü Cadéugüane i Babiróniawa tá chanaga. Rü ngẽmaãcü tagutáma wena nüxü̃ nadau i norü naane. Rü Babiróniagu tá nixĩ i nayuxü̃.

Yeremía 52:11

Rü yemawena rü nanamu nax Chedequíaxü̃ nacaxü̃xetügüxü̃ rü cadénamaxã yana̱i̱xgüãxü̃ Babiróniawa nagagüãxü̃. Rü yéma poxcupataxü̃wa nayexma ñu̱xmata nayu̱x.

Echequié 17:13

Rü ñu̱xũchi nüxü̃ naxuneta ga wüxi ga nane ga guma Yudáanearü ãẽ̱xgacü nax Yudáanemaxã inacuáxü̃ca̱x. Rü gumamaxã wüxi ga uneta naxü nax aixcüma tá Babiróniaanearü ãẽ̱xgacüga naxĩnüxü̃ca̱x. Rü yemawena ínayagagü ga yema yatügü ga tachigagüxü̃ ga yema nachixü̃anewa nax yemaacü wüxi ga nachixü̃ane ga turaxü̃ yixĩxü̃ca̱x ga Yudáane, rü yemaacü nigu ga yema uneta ga Yudáanearü ãẽ̱xgacümaxã naxüxü̃.

Echequié 16:59

Rü choma ya Cori ya Tupana rü cuxü̃ ñachagürü: Cuxü̃ tá chapoxcu, erü tama cuyanguxẽxẽ ga yema chomaxã cuxueguxü̃, rü ñu̱xũchi tama cuyanguxẽxẽ ga yema uneta ga chomaxã cuxüxü̃.

Yeremía 39:7

Rü yemawena rü nanamu nax Chedequíaxü̃ nacaxü̃xetügüxü̃ rü cadénamaxã yana̱i̱xgüãxü̃ Babiróniawa nagagüãxü̃.

Wiyaegü 15:4

rü tama nanaãẽraxü̃xe i ngẽma chixexü̃ üxü̃, rü nüxü̃ ngechaü̃xe i ngẽma duü̃xü̃ i Tupanaxü̃ ngechaü̃xü̃, rü naxüamáxe i ngẽma nagu taxunetaxü̃ woo tüxü̃́ naguxchagu nax tayanguxẽẽxü̃,

Norü taxre ga popera ga ãẽ̱xgacügüchiga 24:17

Rü yemawena ga Babiróniaanearü ãẽ̱xgacü rü Mataníaxü̃ naxuneta nax Yudáanearü ãẽ̱xgacü yixĩxü̃ca̱x, nachicüxü ga namagü ga Yoaquíü̃. Rü ñu̱xũchi nanaxüchicüxü ga Mataníaéga, rü Chedequíagu nanaxüéga.

2 Chamué 21:2

Dabí rü Gabaóü̃cüã̱xgüca̱x nangema rü ñu̱xũchi namaxã nidexa. (Yema Gabaóü̃cüã̱xgü rü tama Iraétanüxü̃ nixĩgü. Rü wüxi ga natücumü ga Amoréugüna íyaxügüxü̃ nixĩgü. Rü yema Gabaóü̃cüã̱xgümaxã nixĩ ga Iraétanüxü̃ ga nügümaxã inaxügagüxü̃ nax nügüga tá naxĩnüexü̃. Rü yemagüxü̃ nixĩ ga Chaú ga nadaixichichaü̃xü̃ yerü tama nanaxwa̱xe nax totücumü ga duü̃xü̃gü natanüwa yexmaxü̃ ga Iraéanecüã̱xgü rü Yudáanecüã̱xgü.)

Yochué 9:20

Rü nüe namaxẽ, erü ngẽxguma chi taxũchima tayanguxẽẽgu i ngẽma Gabaóü̃cüã̱xgümaxã nüxü̃ tixuxü̃ rü nüma ya Tupana rü tomaxã chi nanu —ñanagürügü.

Ínachoxü̃xü̃chiga 20:7

¡Rü taxũtáma chauéga cunaxuxuchi ega ta̱xacürü chixexü̃ cuxü̱xgux! Erü choma ya curü Cori ya Tupana rü taxũtáma tüxü̃ chaxüpetümare nax tüxü̃ chapoxcuxü̃ ya yíxema chauégamaxã tügü ípoxü̃netaxe ega ta̱xacürü chixexü̃ taxü̱xgu.

Ínachoxü̃xü̃chiga 8:2

Erü ngẽxguma taxũtáma nüxü̃ quinge̱xgu, rü tá cururugümaxã chanapoxcu i guxü̃ma i ñaa cuchixü̃ane.

Norü taxre ga popera ga Timutéuca̱x naxümatüxü̃ ga Pauru 3:3

Rü taxúexü̃ tá nangechaü̃gü, rü taxúe tá nüxü̃́ nangechaü̃tümüü̃gü. Rü tá naxoregüta̱a̱xgü, rü taxũtáma yáxna namaxã naxĩnüe i naxü̃nearü ngúchaü̃gü. Rü tá nichixecüma, rü tá naxchi naxaie i guxü̃ma i ngẽma mexü̃.

Romanos 1:31

Rü tama inarüxĩnüechaü̃. Rü tama aixcüma nayanguxẽxẽ i ngẽma nüxü̃ yaxugüxü̃. Rü taxúexü̃ma nangechaü̃gü. Rü tama toguã̱x nüxü̃́ tangechaü̃tümüü̃gü.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Ochéa 10:4

Rü yexü̃cürü nidexaechamare rü natüca̱xmamare tamaxã inaxuneta rü nanaxunagü i mugü natürü taguma nayanguxẽẽgü. Rü ngẽmaca̱x i tatanüwa rü duü̃xü̃gü rü nügümaxã nanue rü ñoma wüxi i nanetü i nawa iyuxü̃rüxü̃ nangẽxma i chixexü̃ i tatanüwa”, ñanagürügü.

Echequié 17:10

Rü woo wena natogüã̱xgu rü taxũtáma wena narüxüatü. Rü ngẽxguma yimá buanecü ya éstewaama ne ũcü nawa nguxgu rü tá nipaama nawa i ngẽma naane i nagu natoxü̃’ ” —ñanagürü ga Cori ya Tupana.

Norü taxre ga popera ga ãẽ̱xgacügüchiga 24:20

Rü yemaca̱x ga nüma ga Cori ya Tupana rü ĩane ga Yerucharéü̃cüã̱xgümaxã rü Yudátanüxü̃maxã nanu rü nügüpe̱xewa ínanawoxü̃.

Yeremía 34:21

Rü choma rü ngẽxgumarüxü̃ ta tá norü uanügüaxü̃́ chanatauxchaxẽxẽ nax yayauxgüãxü̃ca̱x i Chedequía i Yudáanearü ãẽ̱xgacü wüxigu norü ngü̃xẽẽruü̃gümaxã. Rü woo Babiróniaanearü ãẽ̱xgacüarü churaragü rü paxaxãchi tóxnamana naxĩ i ñu̱xma, natürü tá ínangugü rü tá nayayauxgüama i Chedequía.

Echequié 21:23

Natürü nüma i ngẽma Yerucharéü̃cüã̱xgü rü tá nagu narüxĩnüe nax wüxi i doramare yixĩxü̃ i ngẽma nüxü̃ quixuxü̃. Erü nümagü rü tá nagu nayaxõgü i ngẽma uneta ga Babiróniaanearü ãẽ̱xgacümaxã naxügüxü̃. Natürü ngẽma Yerucharéü̃cüã̱xgü rü tama nayanguxẽxẽ i ngẽma uneta rü ngẽmaca̱x i nüma i Babiróniaanearü ãẽ̱xgacü rü tá ínanayauxü̃.