Echequié 17:13 - Tupanaarü Ore

^13-14 Rü ñu̱xũchi nüxü̃ naxuneta ga wüxi ga nane ga guma Yudáanearü ãẽ̱xgacü nax Yudáanemaxã inacuáxü̃ca̱x. Rü gumamaxã wüxi ga uneta naxü nax aixcüma tá Babiróniaanearü ãẽ̱xgacüga naxĩnüxü̃ca̱x. Rü yemawena ínayagagü ga yema yatügü ga tachigagüxü̃ ga yema nachixü̃anewa nax yemaacü wüxi ga nachixü̃ane ga turaxü̃ yixĩxü̃ca̱x ga Yudáane, rü yemaacü nigu ga yema uneta ga Yudáanearü ãẽ̱xgacümaxã naxüxü̃.

Echequié 17:13 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 36:13

Rü naétü tama nayanguxẽxẽ ga norü uneta ga Tupanaégagu Babiróniaanearü ãẽ̱xgacü ga Nabucudonochómaxã nüxü̃ yaxuxü̃ nax nüxü̃ tá nangü̃xẽẽxü̃. Rü nüma ga Chedequía rü poraãcü nügü nanuxẽxẽ nax tama Cori ya Iraétanüxü̃arü Tupanaga naxĩnüxü̃ca̱x.

Echequié 17:5

Yemawena rü naanewa nanayaxu ga wüxi ga naxchire, rü ñu̱xũchi wüxi ga mexü̃ ga naanegu nayato ga wüxi ga natüpechinüwa ga taxü̃ ga dexá íyexmaxü̃wa.

Yeremía 37:1

Rü Nabucudonochó ga Babiróniaanearü ãẽ̱xgacü rü nayangucuchixẽxẽ ga Chedequía ga Yochía nane nax Yudáanearü ãẽ̱xgacü yixĩxü̃ca̱x, nachicüxü ga Yeconía ga Yoaquíü̃ nane.

Yeremía 24:1

Babiróniaanecüã̱xarü ãẽ̱xgacü ga Nabucudonochó rü Babiróniaanewa nanaga ga Yudáanecüã̱xarü ãẽ̱xgacü ga Yeconía ga Yoaquíü̃ nane ixĩcü. Rü wüxigu namaxã yéma nanaga ga Yeconíaarü ngü̃xẽẽruü̃gü ga ãẽ̱xgacügü, rü yema puracütanüxü̃ ga ta̱xacüarü üruxü̃xü̃ icuáxü̃. Rü yemawena ga Tupana rü choxü̃ nüxü̃ nadauxẽxẽ ga taxre ga pexchi ga igumaxã ixããcucü ga Tupanapata ga taxü̃nepe̱xegu nucü.

Yeremía 5:2

Rü nangẽxmagü i duü̃xü̃gü i chauégagu ixunetagüxü̃, natürü tama nayanguxẽẽgü i norü unetagü —ñanagürü ya Cori ya Tupana.

1 Chamué 11:1

Rü nüma ga Amóü̃tanüxü̃arü ãẽ̱xgacü ga Naáx rü norü churaragüxü̃ nangutaque̱xexẽxẽ nax yadaiãcuãxü̃ca̱x ga Iraéanecüã̱xgüarü ĩane ga Yabé ga Garaáxanewa yexmane. Natürü ga yema duü̃xü̃gü ga Yabécüã̱xgü rü ñanagürügü: —¡Tomaxã naxü i wüxi i üga, rü ngẽxguma tá nixĩ i cuxme̱xwa togü tangexmagüxẽẽxü̃! —ñanagürügü.

Ichaía 3:2

Rü nüma rü tá nua inayanatauxexẽxẽ i ngẽma nügü írüporaxü̃, rü churara i daixü̃ cuáxü̃, rü ãẽ̱xgacü i guxchaxü̃arü mexẽẽruxü̃, rü orearü uruxü̃, rü ngẽma ẽxü̃guxü̃xü̃ cuáxü̃, rü ngẽma ĩanearü ãẽ̱xgacü, rü ngẽma churaragümaxã icuáxü̃, rü ngẽma muarü diẽruã́xü̃, rü ngẽma ucu̱xẽruxü̃ ixĩxü̃, rü ngẽma ta̱xacürü üxü̃ mea cuáxü̃, rü ngẽma mea dexaxü̃ cuáxü̃. Rü nüma rü tá inayanatauxexẽxẽ i guxü̃ma i ngẽma.

Echequié 17:16

Rü choma ya Cori ya Tupana rü chauégagu cumaxã nüxü̃ chixu rü Babiróniaanegu tá nayu i ngẽma unetaxü̃ cugüxü̃, rü tama yanguxẽẽxü̃ ga yema uneta ga naxüxü̃ namaxã ga guma ãẽ̱xgacü ga yangucuchixẽẽcü.

Ochéa 10:4

Rü yexü̃cürü nidexaechamare rü natüca̱xmamare tamaxã inaxuneta rü nanaxunagü i mugü natürü taguma nayanguxẽẽgü. Rü ngẽmaca̱x i tatanüwa rü duü̃xü̃gü rü nügümaxã nanue rü ñoma wüxi i nanetü i nawa iyuxü̃rüxü̃ nangẽxma i chixexü̃ i tatanüwa”, ñanagürügü.

Echequié 21:28

Rü ñanagürü ta: —Ngẽma Amóü̃cüã̱x rü chorü duü̃xü̃güchiga chixri nidexagü. Rü ngẽmaca̱x, Pa Yatüx, ¡namaxã nüxü̃ ixu i ñaa chorü ore i ñaxü̃!: “Marü ínamemare i ngẽma tara, rü marü nawaixmagu nax pexü̃ nada̱i̱xü̃ca̱x. Rü marü nanaitachinü nax yabáixacüüxü̃ca̱x.