Echequié 16:7 - Tupanaarü Ore

⁷ Pa Yerucharéü̃x, cuxü̃ chayaxẽxẽ ñoma wüxi i nanetü i naanewa rüxüxü̃rüxü̃. Rü nawa cungu nax cuyaxü̃ rü wüxi ga nge ga mechametücü quixĩxü̃. Rü cuxãniixü̃, rü curüyigüta̱xa. Natürü cungexchirumare.

Echequié 16:7 Referans Kwoze

Wenaxarü naxümatü ga Tupanaarü mugü 1:10

Rü nüma ya Cori ya tórü Tupana rü pexü̃ nimuxẽxẽ, rü ngẽmaca̱x i ñu̱xma i pemax rü ñoma ẽxtagü ya daxũguxü̃ i naanetüwewa ngẽxmagücürüxü̃ pimuxũchi.

Ínachoxü̃xü̃chiga 1:7

Natürü ga yema Iraétanüxü̃ rü nimuxacü. Rü yemaacü paxãma nimu, rü pora nüxü̃́ nayexma yerü namuxũchi. Rü nanapáxẽẽgü ga guxü̃ma ga Equítuanewa yexmaxü̃.

Ichaía 62:3

Rü cuma rü ñoma wüxi i ãẽ̱xgacüarü nga̱xcueruxü̃ i mexẽchixü̃ i Cori ya Tupaname̱xẽwa ngẽxmaxü̃rüxü̃ tá quixĩ.

Ngechuchuarü ngúexü̃gü ga yamugüxü̃arü puracüchiga 7:17

Rü yexguma yangaicaxgu nax yanguxü̃ ga Tupanaarü uneta ga Abraáü̃maxã nüxü̃ yaxuxü̃, rü poraãcü nimu ga tatanüxü̃ ga Iraétanüxü̃ ga Equítuanewa.

Ochéa 2:3

Rü ngẽxguma taxũtáma nüxü̃ naxoegu i ngẽma tupananetachicüna̱xãgü rü tá nüxna chanayaxu i guxü̃ma i nüxü̃́ ngẽxmagüxü̃. Rü ngẽma nachixü̃ane rü noxri nango̱xgurüxü̃ tá chayaxĩxẽxẽ nax taxuxü̃ma nüxü̃́ ngẽxmaxü̃. Rü ñoma naxnücüane i ngearü dexáã́xü̃rüxü̃ tá chayaxĩxẽxẽ nax ngẽmaãcü ta̱xawamaxã nayuexü̃ca̱x i ngẽma choxna ixĩgachixü̃.

Echequié 16:22

Rü yema curü maxü̃ ga chixexü̃ ga namaxã cuxunearü ngúchaü̃gu cumaxü̃xü̃gagu nüxü̃ icurüngüma ga yexguma cuxíragu rü nax cungexchiruxü̃ rü cugüétüwa nax quicuaixnacüüxü̃.

Echequié 16:16

Rü cuma rü yema cuxchirugümaxã ma̱xpǘnegügu cunaxü ga düxenügü nax yimawa nüxü̃ quicua̱xüü̃güxü̃ca̱x ga naxchicüna̱xãgü, rü nawa ngúchaü̃ cuxüxü̃ca̱x.

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Charumóü̃arü wiyae 4:5

Rü cuníü̃gü rü namexẽchi ñoma taxre i cowüxacügü i nügümaxã wüxigu buexü̃ i putüra i líriunecüwa chibüerüxü̃

Wiyaegü 148:14

Rü nüma ya Tupana rü nüxü̃ narüngü̃xẽxẽ ga norü duü̃xü̃gü ga Iraétanüxü̃ nax norü uanügüxü̃ naporamaegüxü̃ca̱x. Rü ngẽmaca̱x, Pa Iraétanüxü̃ i Aixcüma Tupanaarü Duü̃xü̃gü Ixĩgüxe, rü name nixĩ i nüxü̃ picua̱xüü̃gü. Erü nümatama nixĩ i pexü̃ naxunetaxü̃ nax norü duü̃xü̃gü pixĩgüxü̃ca̱x. ¡Rü ngĩxã nüxü̃ ticua̱xüxü̃gü ya Cori ya Tupana!

Wiyaegü 147:20

Natürü yema togütücumü ga duü̃xü̃gü rü taguma nüxü̃ nüxü̃ nacua̱xẽxẽ ga yema norü ore rü norü mugü. ¡Rü ngĩxã nüxü̃ ticua̱xüü̃gü ya Cori ya Tupana!

Wiyaegü 135:4

Rü nüma rü nüxü̃ naxuneta ga Acóbu ga Iraégu ãégacü nax norü meruxü̃ yixĩxü̃ca̱x.

Yox 1:21

Rü yexguma rü ñanagürü: —Ngexchiruxãcü chauéanüwa chabu nax ñoma i naanewa changóxü̃ca̱x. Rü ngẽxgumarüxü̃ tá ta taxuxü̃táma chinge i ngẽxguma chayu̱xgu. Rü nüma ya Cori ya Tupana choxna nanaxã i guxü̃ma, rü nümatama wena choxna nanayaxu. ¡Namecümaxüchi ya Cori ya Tupana! —ñanagürü.

Wenaxarü naxümatü ga Tupanaarü mugü 4:8

¿Rü ta̱xacü i to i duü̃xü̃gütücumü nüxü̃́ nangẽxma i norü mugü i aixcüma mexü̃ naxrüxü̃ i guxü̃ma i ñaa mugü i ñu̱xma pexü̃ changúexẽxẽxü̃?

Ínachoxü̃xü̃chiga 12:37

Rü Ramchéwa ínachoxü̃ ga yema Iraétanüxü̃, rü Chucóxwa naxĩ. Rü 600,000 ga yatügü ga churarawa imexü̃ nayexmagü. Rü naétü nayexma ga ngexü̃gü rü buxü̃gü ga tama ixugüxü̃.

Ínachoxü̃xü̃chiga 3:22

Rü wüxichigü i nge i Iraétanüxü̃ rü ngĩrü ngaicamagu ãchiü̃cü i Equítuanecüã̱x rüe̱xna ngẽma ngĩxü̃tawa ngẽxmacü, rü ngẽmagüxü̃tawa tá naxca̱x ípeca i ngĩrü ngẽmaxü̃gü i diẽrumünaxca̱x, rü úirunaxca̱x rü naxchirugü nax ngẽmamaxã peyaxüxchiruxü̃ca̱x i penegü rü pexacügü. Rü ngẽmaãcü tá nüxna penapuxü̃ i norü ngẽmaxü̃gü i Equítuanecüã̱xgü —ñanagürü ga Tupana.

Charumóü̃arü wiyae 8:8

Rü ngẽma taeya̱x rü taxũtáma ixãníü̃, ¿Rü ta̱xacü tá ngĩmaxã ixüexü̃ ega ngẽxguma texé ngĩxca̱x ícaxgu?

Charumóü̃arü wiyae 8:10

Choma rü ñoma wüxi i ĩxtapü̱xrüxü̃ mea chaugüna chadau. Rü yima chauníxü̃gü rü ñoma torregürüxü̃ taxúema nüxna tangu. Rü ngẽmaca̱x ya yimá choxü̃́ ngúchaü̃cü, rü ngẽxguma choxü̃ nadawenügu rü chomaxã nataãxẽ.

Echequié 16:6

Natürü ga chomax rü cuxü̃tawa chaxüpetü rü cuxü̃ chadau ga cugüétü nax cuxüxü̃, rü yemaca̱x choxü̃́ cungechaü̃tümüxü̃ rü cuxü̃ chamaxẽxẽ.

Wenaxarü naxümatü ga Tupanaarü mugü 1:11

Rü chanaxwa̱xe nax yimá nũxcümaü̃güxü̃ i perü o̱xigüarü Tupana rü ñu̱xmaarü yexera 1,000 e̱xpü̱xcüna pexü̃ yamuxẽẽxü̃. Rü yema Tupana pemaxã naxueguxü̃ãcüma, chanaxwa̱xe i pexü̃ narüngü̃xẽxẽ.