Echequié 16:61 - Tupanaarü Ore

⁶¹ Rü choma rü ngẽxguma tá cuxme̱xwa tüxü̃ changexmagüxẽẽgu cuxacügürüxü̃ ya yíxema cueya̱x ya yáxe ya Chamária, rü yíxema cueya̱x ya rübumaexe ya Chodóma, rü woo tama tümagüca̱x nax yixĩxü̃ ga yema uneta ga cumaxã chaxüxü̃, rü ngẽxguma i cumax, Pa Yerucharéü̃x, rü tá nüxna cucua̱xãchi ga yema chixexü̃ ga cuxüxü̃ rü na̱xcha̱xwa tá cuxãne.

Echequié 16:61 Referans Kwoze

Popera ga Yudíugü ga yaxõgüxü̃ca̱x ümatüxü̃ 8:13

Rü dücax, ñu̱xma nax Tupana ngexwaca̱xü̃xü̃ i unetachiga idexaxü̃, rü nüxü̃ tacua̱x nax yema nüxíraxü̃xü̃ ga uneta rü ñu̱xma rü marü taxuwama namexü̃ rü paxa tá iyanaxoxü̃.

Efesios 3:6

Rü ngẽma ĩnü ga noxri Tupanaxicatama nüxü̃ cuáxü̃ nixĩ nax ngẽma ore i mexü̃maxã Tupana nüxna uxü̃ i guxü̃ma i duü̃xü̃gü i tama Yudíugü ixĩgüxü̃ nax Ngechuchu ya Cristuaxü̃́ yaxõgüãxü̃ca̱x rü nayauxgüãxü̃ca̱x i maxü̃ i taguma gúxü̃. Rü ñu̱xma rü Cristugagu ngẽma duü̃xü̃gü i tama Yudíugü ixĩgüxü̃ rü Yudíugümaxã wüxitama i duü̃xü̃gü nixĩgü. Rü ngẽma tama Yudíugü ixĩgüxü̃ca̱x nixĩ i ngẽma Tupanaarü unetagü ga noxri Iraétanüxü̃maxã nüxü̃ yaxuxü̃.

Romanos 15:16

Rü nüma nixĩ ga choxü̃ namuxü̃ nax Ngechuchu ya Cristuarü puracü chaxüxü̃ca̱x i natanüwa i ngẽma duü̃xü̃gü i tama Yudíugü ixĩgüxü̃. Rü ngẽma puracü ga nawa choxü̃ namuxü̃ nixĩ nax ngẽma tama Yudíugü ixĩgüxü̃maxã nüxü̃ chixuxü̃ca̱x i ngẽma ore i mexü̃, nax ngẽma duü̃xü̃gü rü wüxi i ãmare ya Tupana namaxã taãẽxü̃ i Naãxẽ ya Üünexü̃ imexẽẽgüxü̃ nax yixĩxü̃ca̱x.

Romanos 11:11

Rü pexna chaca, rü ñu̱xma nax Cristuxü̃ naxoexü̃ i ngẽma Yudíugü, ¿rü pexca̱x ẽ̱xna rü ngẽmaca̱x ya Tupana rü tá nüxü̃ naxoxochixü̃? Tama nüxü̃ naxo. Natürü ñu̱xma nax tama Cristuaxü̃́ yaxõgüãxü̃ i ngẽma Yudíugü, rü ngẽmaca̱x ya Tupana rü nüxü̃ narüngü̃xẽxẽ i ngẽma tama Yudíugü ixĩgüxü̃ nax nayauxgüãxü̃ca̱x i maxü̃ i taguma gúxü̃. Rü ngẽmaãcü nanaxü ya Tupana nax yaxãũxãchiexü̃ca̱x i ngẽma Yudíugü.

Echequié 20:43

Rü ngéma rü tá nüxü̃ picua̱xãchie ga yema chixexü̃gü ga ãũãchixü̃ ga chope̱xewa pexüxü̃. Rü pegüwa tátama pexãũxã̱xgü nagagu ga yema chixexü̃gü ga pexügüxü̃.

Ore i mexü̃ ga Cuáü̃ ümatüxü̃ 15:16

Pema rü tama pexíra cha̱u̱xca̱x pedaugü, natürü chaxíra nixĩ ga pexca̱x chadauxü̃ rü pexü̃ chamuxü̃ nax ngéma pexĩxü̃ca̱x rü nüxü̃ pixuxü̃ca̱x i chorü ore nax chauxü̃tawa penagagüxü̃ca̱x i muxü̃ma i duü̃xü̃gü, rü nümagü rü guxü̃guma choxü̃́ yaxõgüãxü̃ca̱x. Rü ñu̱xũchi Chaunatü ya Tupana tá pexna nanaxã i guxü̃ma i ta̱xacü i chauégagu nüxna naxca̱x pecaxü̃.

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Echequié 6:9

Rü ngẽma maxẽxü̃ i íyaxügüxü̃ rü ngẽma nachixü̃anegüwa tá choxna nacua̱xãchie. Rü tá nüxna nacua̱xãchie nax ñuxãcü ngúxü̃ nüxü̃ chingexẽxẽgüxü̃ nagagu nax choxna yaxĩgachixü̃ nax norü tupananetachicüna̱xãgüxü̃ yacua̱xüü̃güxü̃ca̱x. Nümagü rü nügütátama naxãnẽẽxẽẽgü nagagu ga yema chixexü̃ ga naxügüxü̃ rü yema nacümagü ga nagu namaxẽxü̃.

Ichaía 60:4

¡Rü dücax, pegücüwagu perüdaunü nax guxü̃ma i Iraétanüxü̃ naxĩtaque̱xexü̃ nax Yerucharéü̃ca̱x nawoeguxü̃! Rü penegü rü yáxü̃wa tá ne naxĩ, rü pexacügü rü duü̃xü̃gü rü tá ngĩchacüügu ngĩxü̃ ngéma ne nagagü.

Wiyaegü 119:59

Rü nüxü̃ chicua̱xãchi i chaucüma, rü wenaxarü ichanaxügü nax naga chaxĩnüxü̃ i ngẽma curü mugü.

Echequié 43:10

Rü ngẽmaca̱x, Pa Yatüx, ¡Iraétanüxü̃maxã nüxü̃ ixu i ngẽma nüxü̃ cudauxü̃ nax ñuxãcü naxüxü̃ ya yima chopata rü nañuxraxü̃xü̃ i norü ma̱x rü norü tachiã! Rü ngẽxguma ngẽmaxü̃ naxĩnüegu rü tá naxãnẽxẽ naxca̱x i ngẽma norü chixexü̃ i nagu namaxẽxü̃.

Echequié 44:13

Rü ngẽma Lebítanüxü̃ rü taxũtáma choxna nangaicamagü nax chacherdótegürüxü̃ chorü puracü naxügüxü̃ca̱x. Rü ngẽma chorü ngẽmaxü̃ i üünegüxü̃ rü taxũtáma nüxna nangaicamagü, rü yexera i ngẽma chorü ngẽmaxü̃gü i üünexüchixü̃. Rü tá poraãcü ãne ningegü nagagu ga yema chixexü̃ ga naxügüxü̃.

Ester 9:27

Rü nüma ga Yudíugü rü yema Maduquéu naxümatüxü̃ãcü nüxü̃ naxunetagü ga yema taxre ga ngunexü̃ nax guxcüma ga taunecü Puríü̃ naxüchigagüxü̃ca̱x ga nümagü rü nanegü rü nataagü rü guxü̃ma ga yema duü̃xü̃gü ga Yudíugücümaca̱x dauxü̃taegüxü̃.

Echequié 36:22

Rü ngẽmaca̱x, Pa Echequiéx, ngẽma Iraétanüxü̃maxã nüxü̃ ixu i ñaa ore: “Cori ya Tupana rü ñanagürü: ‘Choma rü tá pechixü̃aneca̱x pexü̃ chawoeguxẽxẽ, natürü tama ta̱xacürü mexü̃ nax pexüxü̃ca̱x tá nixĩ. Natürü tá pexü̃ chawoeguxẽxẽ nax ngẽmaãcü íchanapoxü̃xü̃ca̱x i chauéga i üünexü̃ i pegagu chixri nachiga yadexagüxü̃ i ngẽma togü i nachixü̃anegü i natanügu pewoonexü̃.

Popera ga Yudíugü ga yaxõgüxü̃ca̱x ümatüxü̃ 7:12

Rü yemaca̱x ga Tupana rü yema Yudíugüarü chacherdótegüchicüü nayangucuchixẽxẽ ga Cristu. Rü yexguma yangucuchigu rü yexguma ta nixĩ ga naxüchicüü ga yema mugü.