Echequié 16:53 - Tupanaarü Ore

⁵³ Natürü choma rü wena tá nüxü̃ charüngü̃xẽxẽxü̃ ya Chodóma, rü Chamária, rü ñu̱xũchi norü ĩanexacügü. Rü ngẽxgumarüxü̃ tá ta i cuma rü wena cuxü̃ charüngü̃xẽxẽxü̃.

Echequié 16:53 Referans Kwoze

Echequié 39:25

Natürü i ñu̱xma i choma ya Cori ya Tupana rü nüxü̃ chixu rü ñachagürü: Ñu̱xma rü tá choxü̃́ naxãũxãchitümüxü̃gü i guxü̃ma i ngẽma Iraétanüxü̃ i Acóbutaagü ixĩgüxü̃. Rü ñu̱xma rü tá yáxna namaxã chaxĩnü nax ngẽmaãcü nüxü̃ yacua̱xüü̃güxü̃ca̱x i chauéga i üünexü̃.

Echequié 29:14

Rü choma rü tá íchananguxü̃xẽxẽ i ngẽma Equítuanecüã̱xgü i poxcuexü̃. Rü yema naane ga nagu nabuexü̃ i Equítuanearü súrwaama ngẽxmaxü̃wa tá nangugü. Rü ngéma rü wüxi i íxramarexü̃ i nachixü̃ane tá naxügü.

Yeremía 12:16

Rü aixcüma nixĩ ga nümagü ga noxri chorü duü̃xü̃güxü̃ nangúexẽẽxü̃ nax Baáxégagu inaxunetagüxü̃ca̱x. Natürü i ñu̱xma rü chorü duü̃xü̃gütanüwa tá chanangexmagüxẽxẽ i ngẽma duü̃xü̃gü ega aixcüma yaxõgüãgu i chorü ore i chorü duü̃xü̃gütanüwa ngẽxmaxü̃ rü aixcüma chauégagu inaxunetagügu rü ñagügu: “Tupana ya Maxü̃cüégagu cumaxã nüxü̃ chixu”, ñagügu.

Joel 3:1

Rü nüma ya Cori ya Tupana rü ñanagürü: —Rü ngẽxguma tá ínanguxgu i ngẽma ngunexü̃ rü tá chanawoeguxẽxẽ i ngẽma Yerucharéü̃cüã̱xgü rü Yudáanecüã̱xgü ga togü ga nachixü̃anegügu woonexü̃.

Yeremía 49:39

Natürü wüxi i ngunexü̃gu rü tá nüxü̃ charüngü̃xẽxẽ i ngẽma Eráü̃tanüxü̃ nax nachixü̃aneca̱x nawoeguxü̃ca̱x. Rü choma ya Cori ya Tupana nixĩ i ngẽma ñachaxü̃” —ñanagürü.

Yeremía 49:6

Natürü ngẽmawena rü tá Amóü̃tanüxü̃xü̃ charüngü̃xẽxẽxü̃ nax nawoeguxü̃ca̱x. Rü choma ya Cori ya Tupana nixĩ i ngẽma ñachaxü̃ —ñanagürü.

Yeremía 48:47

Natürü wüxi i ngunexü̃ rü tá Moátanüxü̃güxü̃ charüngü̃xẽẽxü̃ rü nachixü̃aneca̱x tá chanawoeguxẽxẽ. Rü choma ya Cori ya Tupana nixĩ i ngẽma ñachaxü̃ —ñanagürü. Rü nua nixĩ i yacuáxü̃ i ore i Yeremía nüxü̃ ixuxü̃ i Moáanearü poxcuchiga.

Yeremía 31:23

Rü Cori ya Guxãétüwa Ngẽxmacü ya Iraétanüxü̃arü Tupana rü ñanagürü: —Ngẽxguma chanawoeguxẽẽgu i ngẽma Yudátanüxü̃ nawa i ngẽma nachixü̃ane i ñu̱xma nawa muruü̃gü yaxĩgüxü̃, rü ngẽxguma wenaxarü ñaa naanewa rü norü ĩanegüwa nangẽxmagügu, rü ñanagürügü tá: “Pa Ma̱xpǘne ya Üünene ya Chióü̃x, ¡Tupana cuxü̃ rüngü̃xẽxẽ, erü cuwa nixĩ ya Tupana mea norü duü̃xü̃gümaxã inacuáxü̃!” ñanagürügü tá.

Yeremía 20:16

¡Rü Tupana napoxcu i ngẽma yatü guma ĩanegü ga Tupana tama nüxü̃ nangechaxü̃ãcüma napoxcuenerüxü̃! ¡Rü ẽxü̃wa rü tüxü̃ naxĩnü nax aita taxüexü̃ ya yíxema taxü̃ i ngúxü̃ ingegüxe! ¡Rü tocuchigu nüxü̃ naxĩnü nax naxunagüxü̃ i dai!

Ichaía 1:9

Ega ngẽxguma Cori ya Tupana ya Guxãétüwa Ngẽxmacü taxũchima ñuxre i yixema nua tüxü̃ yaxügüxẽẽgu, rü Yerucharéü̃ rü Chodómarüxü̃ rü Gomórarüxü̃ nixĩ.

Wiyaegü 126:1

Rü yexguma Tupana Chióü̃ca̱x tüxü̃ woeguxẽẽgu rü taxca̱x rü ixanegüexü̃rüü̃mare nixĩ.

Wiyaegü 85:1

Pa Corix, toma nax curü duü̃xü̃gü i Acóbutanüxü̃ nax tixĩgüxü̃ rü cuma rü poraãcü tomaxã cumecüma rü wenaxarü toxü̃ cutaãẽxẽxẽ.

Wiyaegü 14:7

Chierüx Tupana ya ma̱xpǘne ya Chióü̃wa ngẽxmacü nua ũxgu nax norü uanügüme̱xẽwa ínanguxü̃xẽẽãxü̃ca̱x i norü duü̃xü̃gü i Iraétanüxü̃. Rü ngẽxguma nüma ya Cori ya Tupana ínanguxü̃xẽẽgu rü guxü̃ma i Acóbutaagü i Iraétanüxü̃ rü tá nataãxẽgü.

Yox 42:10

Rü yexguma Yox namücügüca̱x yumüxẽguwena rü Tupana Yoxü̃ narüngü̃xẽxẽ. Rü yema noxri nüxü̃́ yexmaxü̃arü yexera nüxna nanaxã ga norü yemaxü̃gü.

Echequié 16:52

Rü cuma rü name nax namaxã cuporaxü̃ i ngẽma curü poxcu, erü ñu̱xma nax cueya̱xgüarü yexera chixexü̃ cuxüxü̃ rü ñoma taxuxü̃ma i chixexü̃ naxügüxü̃rüxü̃ cuyaxĩgüxẽxẽ. Rü ngẽmaca̱x name nax ãne quingexü̃ rü yáxna namaxã cuxĩnüxü̃ i curü poxcu, erü ñoma taxuxü̃ma i chixexü̃ naxügüxü̃rüxü̃ cuyaxĩgüxẽxẽ ya yima ĩanegü.

Echequié 16:54

Natürü i cumax, Pa Yerucharẽü̃x, rü tá cunaxwa̱xe nax namaxã cuporaxü̃ i ngẽma curü poxcu, rü naxcha̱xwa cuxãnexü̃ ga yema chixexü̃ ga cuxüxü̃. Rü ngẽmaãcü i cuma rü tá cuyanaxoxẽxẽ i ngẽma norü ngechaü̃ ya yima ĩanegü.

Yeremía 46:27

Rü ñanagürü ta: —¡Taxṹ i pemuü̃exü̃, Pa Chorü Duü̃xü̃gü i Chorü Duü̃ ya Acóbutaagüx! ¡Taxṹ i pemuü̃exü̃, Pa Iraétanüxü̃ i To i Nachixü̃anewa Gagüxe! Erü pema rü pexacügü rü tá pexü̃ íchanguxü̃xẽxẽ nawa i ngẽma yáxü̃guxü̃ i nachixü̃ane ga nawa pexü̃ nagagüxü̃. Rü pechixü̃aneca̱x tá pewoegu rü ngéma rü tá taãẽãcüma pemaxẽ, rü taxuxü̃táma i uanü pexü̃ ínabaixgü.