Echequié 16:52 - Tupanaarü Ore

⁵² Rü cuma rü name nax namaxã cuporaxü̃ i ngẽma curü poxcu, erü ñu̱xma nax cueya̱xgüarü yexera chixexü̃ cuxüxü̃ rü ñoma taxuxü̃ma i chixexü̃ naxügüxü̃rüxü̃ cuyaxĩgüxẽxẽ. Rü ngẽmaca̱x name nax ãne quingexü̃ rü yáxna namaxã cuxĩnüxü̃ i curü poxcu, erü ñoma taxuxü̃ma i chixexü̃ naxügüxü̃rüxü̃ cuyaxĩgüxẽxẽ ya yima ĩanegü.

Echequié 16:52 Referans Kwoze

Romanos 6:21

¿Natürü ta̱xacüwa pexü̃́ namexü̃ ga yema chixexü̃ ga ü̃pa pexüxü̃ rü ñu̱xma ãne pexna ãxü̃? Yerü yema chixexü̃ rü yuwamare pexü̃ nagagü.

Romanos 2:10

Natürü ngẽma duü̃xü̃gü i mexü̃ ügüxü̃ rü Tupana tá nanatachigaxẽxẽ, rü tá nüxü̃ nicua̱xüxü̃, rü tá nanataãẽgüxẽxẽ. Rü ngẽma Yudíugüxíra tá nixĩ i nüxü̃ yacua̱xüü̃güxü̃. Rü ngẽxgumarüxü̃ tá ta nüxü̃ nicua̱xüü̃gü i ngẽma tama Yudíugü ixĩgüxü̃ i mexü̃ ügüxü̃.

Romanos 1:32

Rü nümagü i ngẽma duü̃xü̃gü rü meama nüxü̃ nacua̱xgüchire̱x rü Tupana rü marü namaxã nanaxuegu nax noxtacüma nayuexü̃ i ngẽma duü̃xü̃gü i ngẽmaãcü maxẽxü̃. Natürü woo meama nüxü̃ nacua̱xgüchire̱x i guxü̃ma i ngẽma, natürü nanaxügüama i ngẽma chixexü̃, rü nataãẽgü ega togü naxü̱xgu.

Ore i mexü̃ ga Luca ümatüxü̃ 6:37

¡Rü taxṹ i togüxü̃ pixuxü̃! Rü ngẽxguma ya Tupana rü taxũtáma pexü̃ nixu. ¡Rü taxṹ i Tupanaarü poxcu namaxã pexueguxü̃ i togü! Rü ngẽxguma ya Tupana rü taxũtáma poxcu pemaxã naxuegu. ¡Rü nüxü̃́ nüxü̃ perüngümae i norü chixexü̃ i togü! Rü ngẽxguma ya Tupana rü tá pexü̃́ nüxü̃ narüngüma i perü chixexü̃.

Ochéa 10:6

Rü ngẽma wocaxacüchicüna̱xã i Iraéanecüã̱xgü nüxü̃ icua̱xüü̃güxü̃ rü Achíriaanearü churaragü rü nachixü̃anewa tá nanangegü nax norü ãẽ̱xgacüna naxãgüãxü̃ca̱x. Rü tá naxãnee i ngẽma Efraíü̃tanüxü̃, yerü marü nataxuma ga norü naxchicüna̱xã ga nüxü̃́ yacua̱xüü̃güxü̃. Rü ngẽxgumarüxü̃ ta i guxü̃ma i ngẽma Iraéanecüã̱xgü rü ãne tá ningegü.

Echequié 44:13

Rü ngẽma Lebítanüxü̃ rü taxũtáma choxna nangaicamagü nax chacherdótegürüxü̃ chorü puracü naxügüxü̃ca̱x. Rü ngẽma chorü ngẽmaxü̃ i üünegüxü̃ rü taxũtáma nüxna nangaicamagü, rü yexera i ngẽma chorü ngẽmaxü̃gü i üünexüchixü̃. Rü tá poraãcü ãne ningegü nagagu ga yema chixexü̃ ga naxügüxü̃.

Echequié 39:26

Rü ngẽma Iraétanüxü̃ i togü i nachixü̃anegüwa ngẽxmagüxü̃ i norü uanügüchixü̃anegüwa rü wena tá wüxiwa chanagagü. Rü ngẽxguma rü taãẽãcü tá norü naanewa nangẽxmagü, rü taxúetama texe ítanabai̱xgügü. Rü ngẽmaãcü tá ichanawe̱x i chorü pora rü chorü üüne nax muxü̃ma i nachixü̃anegü nüxü̃ nadaugüxü̃ca̱x. Rü ngẽma Iraétanüxü̃ rü tá nüxü̃ narüngümae ga yema poxcu ga ü̃pa norü chixexü̃gagu naxca̱x íchanguxẽẽxü̃.

Echequié 36:15

Rü marü tama chanaxwa̱xe nax pema, Pa Iraéanearü Ma̱xpǘnegücüã̱x, wena nüxü̃ pexĩnüexü̃ nax chixri pechiga yadexagüxü̃ i ngẽma togü i nachixü̃anegü. Rü marü taxũtáma wena nüxü̃ pexĩnüe nax pemaxã naguxchigagüxü̃. Erü ngẽxguma rü marü taxuxü̃táma daigu nayue i nanegü i duü̃xü̃gü nax ípenagagüxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Echequié 16:56

Cuma rü nüxü̃ cucugü ga yema cueya̱x ga Chodómaarü poxcu ga yexguma cugü ícurütaxgu rü taxũta nango̱xgu ga yema curü chixexü̃ ga cuxüxü̃. Natürü i ñu̱xma i ngẽma Edóü̃cüã̱xgüarü ĩanegü rü Firitéugüarü ĩanegü, rü guxü̃ma ya yima ĩanegü i cuxna ngaicamagüne rü cumaxã naguxchigagü. Rü ñu̱xma rü guxü̃ma i nachixü̃anecüã̱xgü rü cuxü̃ naxoe.

Echequié 16:54

Natürü i cumax, Pa Yerucharẽü̃x, rü tá cunaxwa̱xe nax namaxã cuporaxü̃ i ngẽma curü poxcu, rü naxcha̱xwa cuxãnexü̃ ga yema chixexü̃ ga cuxüxü̃. Rü ngẽmaãcü i cuma rü tá cuyanaxoxẽxẽ i ngẽma norü ngechaü̃ ya yima ĩanegü.

Yeremía 51:51

Rü pema rü ñaperügügü: “Toma rü taxãnee i ngẽxguma nüxü̃ taxĩnüegu i ñuxãcü chixexü̃ tomaxã yaxugüexü̃ i duü̃xü̃gü. Rü ãnemaxã togü tidüchametügü, yerü yema to i nachixü̃anecüã̱xgü rü nagu nachocu ga yema nachicagü ga Tupanapatawa yexera üünexü̃”, ñaperügügü.

Yeremía 31:19

Toma rü cuxna tixĩgachitanü, natürü marü nüxü̃ tarüxoe i torü chixexü̃gü. Rü nüxü̃ ticua̱xãchitanü nax chixexü̃ taxügüxü̃, rü togü tatigüremügü naxcha̱xwa i torü pecadugü. Rü poraãcü taxãnee rü ngúxü̃ tingegü nagagu ga yema pecadugü ga taxügüxü̃ ga yexguma tangextü̱xügügu” —ñanagürügü.

Yeremía 23:40

Rü choma rü tá pexca̱x íchananguxẽxẽ nax guxü̃guma duü̃xü̃gü pexü̃ cugüexü̃. Rü tá pexca̱x íchananguxẽxẽ i wüxi i ãne i taxü̃ i tagutáma nüxü̃ iperüngümaexü̃’ ” —ñanagürü ga Cori ya Tupana.

Nüxíraxü̃xü̃ ga popera ga ãẽ̱xgacügüchiga 2:32

Rü nüma ya Tupana rü yumaxã tá Yoáaxü̃́ nanaxütanü naxca̱x ga yema chixexü̃ ga naxüxü̃. Yerü nanadai ga taxre ga yatügü ga aixcüma norü yexera mexü̃ ügüxü̃ rü mea maxẽxü̃. Rü nüma ga Yoá rü chorü papa ga Dabíechita nayama̱x ga Abnéx ga Néx nane ga Iraéanearü churaragümaxã icuácü, rü nayama̱x ga Amachá ga Yéte nane ga Yudáanearü churaragümaxã icuácü.

1 Chamué 24:17

Rü ñu̱xũchi ñanagürü: —Ngẽma cuma nüxü̃ quixuxü̃ nixĩ i aixcüma ixĩxü̃. Erü cuma rü mexü̃ choxü̃ cudauxẽxẽ woo nax chixexü̃ cumaxã chaxüxü̃ i chomax.

Naanearü ügüchiga 38:26

Rü yexguma nüxü̃ nada̱u̱xgu ga Yudá nax noxrü yixĩxü̃ ga yema yemaxü̃gü rü ñanagürü: —Ñaa ngecü rü mexü̃ ixü. Rü chomawaxi nixĩ i chixexü̃ ngĩmaxã chaxüxü̃, erü tama chaune ya Cherámaxã ngĩxü̃ chaxüte —ñanagürü. Rü yemawena ga Yudá rü taguma wenaxarü ngĩmaxã ínape.

Yeremía 3:11

Rü Tupana rü ñanagürü choxü̃: —Pa Yeremíax, ngẽma Iraéanecüã̱xgü i tama ixĩnüechaü̃xü̃arü yexera chixexü̃ naxügü i ngẽma Yudáanecüã̱xgü i choxna ĩgüxü̃ nax tupananetagüxü̃ yacua̱xüü̃güxü̃ca̱x.

Echequié 16:47

Rü cumax, Pa Yerucharéü̃x, rü guma ĩanegücümagügu quixũ, rü cunaxü ga yematama nacümagü ga chixexü̃. Natürü tama cuxü̃́ ningu ga yema chixexü̃ ga cuxüxü̃, rü yemaca̱x guma ĩanegüarü yexera chixexü̃ cuxü.

Echequié 16:48

Rü choma ya Cori ya Tupana rü chauégagu cumaxã nüxü̃ chixu, Pa Yerucharéü̃x, rü yema chixexü̃ ga naxüxü̃ ga cueya̱x ga Chodóma rü norü ĩanexacügüarü yexera nixĩ ga yema chixexü̃ ga cuma rü curü ĩanexacügü pexügüxü̃.

Echequié 16:53

Natürü choma rü wena tá nüxü̃ charüngü̃xẽxẽxü̃ ya Chodóma, rü Chamária, rü ñu̱xũchi norü ĩanexacügü. Rü ngẽxgumarüxü̃ tá ta i cuma rü wena cuxü̃ charüngü̃xẽxẽxü̃.

Echequié 32:24

Rü ngéma naxmaxü̃wa nangẽxma i Eláü̃ namaxã i guxü̃ma i norü churaragü i nacüwagu ta̱xgüxü̃. Rü guxü̃ma i nümagü i tama Tupanaaxü̃́ yaxõgüxü̃ rü daigu nayue rü nata̱xgü. Rü yexguma namaxẽgu rü poraãcü nanamuü̃xẽxẽ i duü̃xü̃gü natürü i ñu̱xma rü ngexü̃rüüxü̃mare i duü̃xü̃gürüxü̃ naxmaxü̃güwa nangẽxmagü.