Echequié 16:49 - Tupanaarü Ore

⁴⁹ Rü ñaa nixĩ ga yema cueya̱x ga Chodómaarü chixexü̃: Rü guma ĩane rü ñu̱xũchi norü ĩanexacügü rü nügü ínarütagü yerü imuarü õnaã̱xgü rü taxuxü̃ma nüxü̃́ nataxu. Natürü taguma tüxü̃ narüngü̃xẽẽgü ga guxema ingearü diẽruã̱xgüxe, rü ñu̱xũchi guxema tüxü̃́ nataxúxe.

Echequié 16:49 Referans Kwoze

Echequié 28:2

—Cumax, Pa Yatüx, ¡Yima Tíruarü ãẽ̱xgacümaxã nüxü̃ ixu i ñaa ore! Cori ya Tupana rü ñanagürü cuxü̃: “Cumax, Pa Tírucüã̱xgüarü Ãẽ̱xgacüx, cugü quicua̱xüxü̃ rü cugügu curüxĩnügu rü wüxi i tupana quixĩ rü Tupanaarü toruü̃wa curüto. Rü cuxca̱x rü taxucürüwa curü uanügü cuxü̃ narüporamae erü márcutüwa cungexma. Natürü i cumax rü tama wüxi i tupana quixĩ. Rü wüxi i duü̃xü̃mare quixĩ woo nagu curüxĩnügu nax wüxi i tupanaarü cua̱x cuxü̃́ ngẽxmaxü̃.

Wiyaegü 138:6

Rü woo dauxü̃wa nax nangemaxü̃ ya Cori ya Tupana, natürü ngéma nüxü̃ nadawenü i ngẽma tama nügü icua̱xüü̃xü̃. Natürü ngẽma nügü icua̱xüü̃xü̃ rü Tupana rü yáxü̃gutama nüxü̃ nadawenü rü nüxü̃ nacua̱x i ñuxãcü nax yixĩxü̃.

Naanearü ügüchiga 13:10

Rü yexguma ga Lox rü natü ga Yudáü̃pechinügu nidau, rü nüxü̃ nadau ga nax nabaxcaxü̃ ga maxẽgü ñoma Tupana inatoxü̃rüxü̃, rü poraãcü nadexáã́xü̃ ga yema naane ñu̱xmata guma ĩanexacü ga Chóawa nangu. Rü Equítuanerüxü̃ nixĩ ga nax nameanexü̃chixü̃. Rü yemaacü nixĩ naxü̃pa nax Cori ya Tupana yaxoxẽẽãxü̃ ga guma ĩanegü ga Chodóma rü Gomóra.

Ore i mexü̃ ga Luca ümatüxü̃ 17:28

Rü yexgumarüxü̃ ta nangupetü ga yexguma nũxcümaü̃cü ga Lox maxü̃gu. Rü duü̃xü̃gü rü nachibüe, rü naxaxegü, rü naxca̱x nataxegü, rü namaxã nataxegü, rü nixüanegü rü nitoegü, rü nixüpatagü.

Danié 5:23

Dücax, Pa Ãẽ̱xgacüx, cuma rü Cori ya Tupana ya dauxü̃wa ngẽxmacügu quidauxcüraxü̃. Erü curü duü̃xü̃güxü̃ cuyanuxü̃xẽxẽ i ngẽma naxpáü̃gü ga Tupanapata ya taxü̃nearü ixĩxü̃. Rü ngẽma nüxna cuxuxü̃maxã wüxigu ngẽma naxpáü̃güwa peyaxaxü ga bínu, rü nüxü̃ picua̱xüü̃gü i ngẽma perü tupanachicüna̱xãgü i úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x i ngearü maxü̃ã́xü̃, rü tama tüxü̃ dauxü̃, rü tama tüxü̃ ĩnüxü̃ rü taxuxü̃ma cuáxü̃. Natürü tama nüxü̃ quicua̱xüxü̃ ya yimá Tupana ya naxme̱xwa nangẽxmacü i curü maxü̃ rü namaxã icuácü i guxü̃ma i ta̱xacü icuxüxü̃.

Ichaía 3:9

Rü ngẽma duü̃xü̃gü rü nachametüwatama nango̱xama nax chixexü̃ naxügüxü̃. Rü ngẽma duü̃xü̃gü rü Chodómacüã̱xgürüxü̃ norü pecadumaxã nügü nicua̱xüxü̃, rü tama naxãnee. Rü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃gü, erü nümagütama naxca̱x nadaugü i norü poxcu.

Ucu̱xẽgüchiga 18:12

Ngẽma yigü nax icua̱xüü̃xü̃ rü guxchaxü̃ taxca̱x ínanguxẽxẽ, natürü ngẽma tama nügü icua̱xüü̃xü̃, rü duü̃xü̃gü rü tá namaxã nataãxẽ.

Nüxíraxü̃xü̃ ga popera ga Pedru ümatüxü̃ 5:5

Rü ngẽxgumarüxü̃ ta i pemax, Pa Ngextü̱xücügüx, rü name nixĩ i naga pexĩnüe i ngẽma perü ãẽ̱xgacügü i Tupanaarü puracümaxã icua̱xgüxü̃. Rü guxãma i pema i yaxõgüxü̃, rü name nixĩ i wüxichigü mea pegüga pexĩnüe rü tama pegügu perüxĩnüe nax pemücügüarü yexera pixĩgüxü̃. Erü Tupanaarü ore i ümatüxü̃wa rü ñanagürü: “Tupana rü tama norü me nixĩ i ngẽma duü̃xü̃gü i nügü icua̱xüxü̃güxü̃. Natürü nüxü̃ narüngü̃xẽxẽ rü namaxã namecüma i ngẽma duü̃xü̃gü i tama nügü icua̱xüxü̃güxü̃”, ñanagürü i ngẽma ore.

Abdía 1:3

Rü pemax, Pa Edóü̃anecüã̱xgüx, rü pegütama pewomüxẽxẽ, erü perü poramaxã pegü picua̱xüxü̃. Pema rü ínanutaanexü̃wa pengẽxmagü i ma̱xpǘneanewa. Rü ngẽmaca̱x nagu perüxĩnüe rü taxúetama pexü̃ tarüporamae.

Echequié 28:17

Rü yema nax cumexẽchixü̃gagu cugü quicua̱xüxü̃ rü nüxü̃ curüngü̃ma i curü cua̱x. Rü yemaca̱x ga choma rü cuxü̃ chiwa̱xẽxẽ nax wüxi ga cugüruxü̃ quixĩxü̃ca̱x nape̱xewa ga yema togü ga nachixü̃anegüarü ãẽ̱xgacügü.

Echequié 28:9

Rü ngẽxguma ngẽma tá cuxü̃ yama̱xgüxü̃pe̱xegüwa cungexmagu rü marü taxũtáma cugügu curüxĩnügu rü wüxi i tupana quixĩ. Rü ngẽxguma ngẽma tá cuxü̃ ima̱xgüme̱xẽxü̃wa cungexmagu rü tá nüxü̃ quicua̱xãchi nax wüxi i duü̃xü̃mare quixĩxü̃ rü tama wüxi i tupana.

Ichaía 16:6

Nüxü̃ tacua̱x rü ngẽma Moátanüxü̃ rü natachiga naxca̱x nax nügü yacua̱xüü̃güxü̃ rü nügü ínatagüxü̃. Rü nüma rü nügü guxãxü̃ma narüyexeragü, natürü naechitamare nidexagü.

Ucu̱xẽgüchiga 21:13

Texé ya tama nüxü̃ rüngü̃xexẽ́xẽ i ngẽma ngearü diẽruã́xü̃ ega ngü̃xẽẽca̱x tüxna nacaxgu, rü tümax rü tá ta taxúetama tüxü̃ tarüngü̃xẽxẽ ega tüxí ngü̃xẽẽca̱x ítacaxgu.

Ucu̱xẽgüchiga 21:4

Nangexma i tomaepü̱x i nacümagü ya Tupana tama namaxã taãẽxü̃: Ngẽma nixĩ nax yigü icua̱xüü̃xü̃, rü yigü ixuxü̃ nax togüarü yexera cua̱x tüxü̃́ ngẽxmaxü̃, rü chixexü̃gu imaxẽxü̃.

Ucu̱xẽgüchiga 16:18

Ngẽma nax yigü icua̱xüü̃güxü̃gagu, rü guxchaxü̃gu tayi. Rü ngẽma nax inuexü̃gagu rü chixexü̃gu tayi.

Ucu̱xẽgüchiga 16:5

Nüma ya Cori ya Tupana tama namaxã nataãxẽ i ngẽma nügü icua̱xüü̃güxü̃. Nümagü rü aixcüma tá nüxü̃́ nangẽxma i norü poxcu naxca̱x i ngẽma naxügüxü̃.

Wenaxarü naxümatü ga Tupanaarü mugü 32:15

Natürü pema ga Iraétanüxü̃ ga guxü̃ma ga yema õnamaxã pingüe rü nüxna pixĩgachi ga Cori ya Tupana ya pexü̃ ngo̱xẽẽcü. Rü nüxü̃ pexo ya yimá perü dauruxü̃ rü perü poxü̃ruxü̃ ixĩcü.

Naanearü ügüchiga 19:9

Rü yexguma ga nümagü rü Loxü̃ nangãxü̃ga rü ñanagürügü: —¡Ixũgachi i ngéma! ¿Rü ñuxãcü i cuma nax to i nachixü̃anecüã̱x quixĩxü̃ rü nua toxü̃ cuyamuchaü̃xü̃? Rü ñu̱xma rü ngẽma taxre i nua toxna quinuxuxü̃arü yexera tá cumaxã taxü —ñanagürügü. Rü yexguma rü Loxna nayu̱xgu nax ĩã̱xgu napogüexü̃ca̱x.

Ore i mexü̃ ga Luca ümatüxü̃ 21:34

¡Pexũãxẽgü nax tama ta̱xacürü chixexü̃gagu düxwa nüxü̃ perüxoexü̃ nax peyaxõgüxü̃! Rü ngẽmaca̱x penaxwa̱xe nax pegüna pedaugüxü̃ nax tama pengãxẽxü̃ rüẽ̱xna ñoma i naanearü ngúchaü̃gu perüxĩnüexü̃. Erü ngürüãchi ngẽmagu íperüxĩnüeyane tá íchangu.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Echequié 29:3

¡Rü namaxã nüxü̃ ixu rü ñacurügü! “Cori ya Tupana rü ñanagürü cuxü̃: ‘Pa Faraóü̃ i Equítuanearü Ãẽ̱xgacüx, choma rü cumaxã nüxü̃ chixu nax curü uanü chixĩxü̃. Rü cuma rü ñoma wüxi i coyaarü ãũxü̃ i taxtü i Nílugu caxü̃rüxü̃ quixĩ. Rü cuma rü ñacurügü: Ngẽma taxtü i Níru rü choxrü nixĩ rü chomatama chanango̱xẽxẽ, ñacurügü.

Echequié 18:7

Rü tama tanachu̱xu ega texé tümaxü̃tawa diẽruca̱x ícaxgu rü aixcüma tanatáeguxẽxẽ i ngẽma naxchiru i tümaarü diẽruca̱x tüxna naxãgüxü̃. Rü taxúeãxü̃ma tangĩ̱x. Rü yíxema taiyaemaxã tangau i tümawemü, rü ñu̱xũchi tüxü̃ taxüchiru ya yíxema ngexchiruxe.

Naanearü ügüchiga 18:20

Rü yemaca̱x ga Cori ya Tupana rü Abraáü̃xü̃ ñanagürü: —Ngẽma duü̃xü̃gü i Chodómacüã̱x rü Gomóracüã̱x, rü nüxü̃ chaxĩnü i nachiga nax nachixexüchixü̃ rü poraãcü pecadu naxügüxü̃.

Popera ga Chantiágu ümatüxü̃ 5:5

Rü ñoma i naanewa rü pegü penga̱xãẽgü rü pemepata rü pemuarü ngẽmaxü̃ã̱xgü rü petaãẽgü rü mea pechibüe. Natürü nawa tá nangu i ngẽma ngunexü̃ nax ñoma wocagü i ngüexü̃rüxü̃ tá pedaixü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:8

Rü ngẽma naxü̃negü i ngẽma taxre rü tá yima ĩane ga tórü Cori nawa curuchawa ipotane ya Yerucharéü̃arü plazawa nawogü. Rü yima ĩane rü nachixe rü ngẽmaca̱x Chodómaarü ĩanemaxã rü Equítuanemaxã nanaxugü.

Naanearü ügüchiga 13:13

Rü guma ĩanewa nixĩ ga guxü̃ma ga duü̃xü̃gü ga yachixecümaxüchixü̃ rü poraãcü chixexü̃ naxügüxü̃ ga Tupanape̱xewa.

Ichaía 1:10

¡Pa Yerucharẽü̃arü Ãẽ̱xgacügü i Ñoma Chodómaarü Ãẽ̱xgacügürüxü̃ Ixĩgüxe, rü iperüxĩnüe i Cori ya Tupanaarü ore! ¡Pa Duü̃xü̃gü i Yerucharéü̃cüã̱x i Ñoma Gomóracüã̱xrüxü̃ Ixĩgüxe, mea iperüxĩnüe i ngẽma Cori ya Tupana tá pemaxã nüxü̃ ixuxü̃!

Yeremía 48:11

Rü ngẽma Moácüã̱xgü rü guxü̃guma taãẽwa nayexma rü taguma togü ga nachixü̃anewa nagagü i norü duü̃xü̃gü. Rü ñoma bínu ya meama wüxitama ya nachiü̃wa ngẽxmacü rü taguma to i nachiü̃wa bacürüxü̃ nixĩ. Rü ngẽmaca̱x ya yimá bínu rü napora rü taguma inayagoema. Rü ngẽma Moácüã̱xgü rü ngẽxgumarüxü̃ nixĩgü.

Echequié 16:46

Rü nórtewaama nixĩ ga nayexmaxü̃ ga yema cueya̱x ga ya̱xcü. Rü guma nixĩ ga guma ĩane ga Chamária namaxã ga norü ĩanexacügü. Rü súrwaama nixĩ ga nayexmaxü̃ ga cueya̱x ga rübumaecü. Rü guma nixĩ ga guma ĩane ga Chodóma namaxã ga norü ĩanexacügü.

Echequié 23:42

Rü nüxü̃ taxĩnüe ga nax íyacuxcuxü̃ rü ínapetaegüxü̃ ga muxü̃ma ga duü̃xü̃gü. Rü yema nixĩ ga duü̃xü̃gü ga ngaxwa̱xegüxü̃ ga chianexü̃wa ne ĩxü̃. Rü yema duü̃xü̃gü rü ngĩxü̃ nanga̱xcupüme̱xẽgü ga yema taxre ga ngĩgüeya̱xgü rü ngĩxü̃ nanga̱xcuerugü mexẽchixü̃ ga nga̱xcueruxü̃maxã —ñanagürü.

Ichaía 47:8

Rü ngẽmaca̱x i ñu̱xmax, Pa Babiróniaanecüã̱x i Ñoma Ngecü i Ngĩrü Meruü̃guxica Rüxĩnücürüxü̃ Pixĩgüx, rü pema rü petaãxẽ nax wüxi i mexü̃wa pengẽxmagüxü̃. Rü pegüãẽwa ñaxü̃gu perüxĩnüe: “Tataxuma ya texé ya taxrüxü̃ poraxe. Rü tagutáma guxchaxü̃wa tangexmagü rü tagutáma taturae”, ñaxü̃gu perüxĩnüe.