Echequié 16:34 - Tupanaarü Ore

³⁴ Rü yema nax cungeãẽxü̃ rü tama yema togü ga ngexü̃gü ga ngeãẽxü̃rüxü̃ cunaxãtanü. Rü taxuxü̃ma cuxca̱x nadaugü nax cumaxã nangeãẽxü̃ca̱x, rü bai ga nümagü ga cuxü̃́ nax naxütanügüãxü̃. Rü cuxchama nixĩ ga nüxü̃́ cunaxütanüxü̃. Rü yemawaxicatama nixĩ ga cunatoraxü̃xü̃.

Echequié 16:34 Referans Kwoze

Naanearü ügüchiga 38:24

Rü nangupetü ga tomaepü̱x ga tauemacü, rü Yudámaxã nüxü̃ nayarüxugüe rü ñanagürügü: —Cuneã̱x i Tamára rü togü i yatügümaxã ipe rü ngẽmaca̱x i ñu̱xma rü ixãxacü rü itacharaü̃ —ñanagürügü. Rü yexguma ga nüma ga Yudá rü aita naxü rü ñanagürü —¡Ípenata̱xüchi rü peyagu! —ñanagürü.

Echequié 16:33

Rü guxü̃ma i ngẽma ngexü̃gü i naxü̃nemaxã taxexü̃ rü nüxü̃́ tanaxütanü. Natürü ga cuma rü ãmaregü nüxna cuxã ga guxü̃ma ga yema cumaxã ngeãẽgüxü̃. Rü nüxü̃́ cunaxütanügü nax cuxü̃tawa naxĩxü̃ca̱x ga yema togü ga nachixü̃anecüã̱xgü nax cumaxã yangeãẽgüxü̃ca̱x.

Echequié 16:35

Rü ngẽmaca̱x, Pa Nge i Ngeãẽcüx, ¡irüxĩnü i ñaa chorü ore! Rü choma ya Cori ya Tupana rü cumaxã nüxü̃ chixu rü ñachagürü: ‘Cuma, Pa Yerucharẽü̃x, rü tama ãneãcüma cugü ícucuxuchi nax cungeãẽxü̃ca̱x namaxã i curü yatügü rü curü tupananetachicüna̱xãgü ga ichixexü̃. Rü cunadai ga cuxacügü ga ãmarexü̃ icumugüxü̃.

Ochéa 8:9

Rü ngẽma Iraéanecüã̱xgü rü choxna nixĩgachi. Rü ñoma wüxi i búru i naixnecücüã̱x i nu ne naxũmarexü̃rüxü̃ nixĩgü. Rü ngẽma Efraíü̃tanüxü̃ rü Achíriaanewa naxĩ nax naxca̱x nadaugüxü̃ca̱x i norü ngü̃xẽxẽ. Rü ngéma nanana i norü ãmaregü nax ngẽmaãcü Achíriaane nüxü̃ rüngü̃xẽẽgüxü̃ca̱x.

Naanearü ügüchiga 39:7

Rü yemaca̱x ga naxma̱x ga Potifá rü düxwa ngĩxü̃́ nangúchaü̃. Rü wüxi ga ngunexü̃gu rü ngĩgürügü nüxü̃: —¡Chomaxã namaxü̃! —ngĩgürügü.