Echequié 16:3 - Tupanaarü Ore

³ Rü ñacurügü tá nüxü̃ ya yima ĩane ya Yerucharéü̃: “Ñaa nixĩ i ngẽma Cori ya Tupana cumaxã nüxü̃ ixuxü̃. Rü yexguma noxri cungo̱xgu, Pa Yerucharéü̃x, rü Canaáü̃arü naanewa nixĩ ga cungóxü̃. Rü cunatü rü Amoréutanüxü̃ tixĩ, rü cué rü Itítanüxü̃ tixĩ.

Echequié 16:3 Referans Kwoze

Echequié 16:45

Cumax, Pa Yerucharéü̃x, rü wüxi i mama i natechi rü naxacügüchi aixü̃ãcü quixĩ. Rü ñu̱xũchi ga yema cueya̱xgü rü nategüchi rü naxacügüchi naxai. Rü guxema peé rü Itíta tixĩ, rü guxema penatü rü Amoréu tixĩ.

Wenaxarü naxümatü ga Tupanaarü mugü 20:17

Rü ngẽmaãcü taxuxü̃táma penamaxẽxẽxẽ i ngẽma Itítanüxü̃ rü Amoréutanüxü̃ rü Canaáü̃tanüxü̃ rü Ferechéutanüxü̃ rü Ebéutanüxü̃ rü Yebuchéutanüxü̃. Rü perü Cori ya Tupana pexü̃ muxü̃ãcü tá penadai i guxü̃ma i ngẽma duü̃xü̃gü nax tama pexü̃ nangúexẽẽxü̃ca̱x i ngẽma nacüma i chixexü̃chixü̃ i norü tupananetaxü̃ namaxã yacua̱xüü̃güxü̃, rü tama ngẽmamaxã perü Cori ya Tupanape̱xegu chixexü̃gu pexü̃ nayixẽẽxü̃ca̱x.

Ore i mexü̃ ga Cuáü̃ ümatüxü̃ 8:44

Penatü rü chataná nixĩ rü pema rü naxacügü pixĩgü. Rü ngẽmaca̱x penaxü i ngẽma nüma pexü̃́ nanaxwa̱xexü̃. Rü ngẽma chataná rü noxriarü ügügumama wüxi i máẽtaxü̃ nixĩ. Rü taguma ore i aixcümaxü̃gu narüxĩnü rü taguma ore i aixcümaxü̃ nixu. Rü ngẽxguma yadexaxgu rü doraxü̃xicatama nixu, erü nüma rü wüxi i dorata̱xáxü̃ nixĩ. Rü guxü̃ma i dorata̱xaxü̃natü nixĩ.

Neemía 9:7

Pa Corix, cuma nixĩ ya Tupana ga Abráü̃xü̃ cuxunetaxü̃. Rü cuma nixĩ ga Úr ga Cadéugüarü ĩanewa ícunagaxüchixü̃, rü ñu̱xũchi Abraáü̃gu cunaxüégaxü̃.

Ore i mexü̃ ga Luca ümatüxü̃ 3:7

Rü yexguma Cuáü̃xü̃tawa naxĩxgu ga duü̃xü̃gü nax ínabaiü̃xẽẽãxü̃ca̱x, rü nüma ga Cuáü̃ rü ñanagürüama nüxü̃: —Pa Ãxtapearü Duü̃xü̃güx ¿Texé pemaxã nüxü̃ tixu nax na̱xcha̱xwa tá pibuxmüxü̃ i ngẽma poxcu i marü ingaicaxü̃?

Echequié 21:30

Rü name nixĩ nax nachiü̃ca̱x nataeguxü̃ i ngẽma tara. Erü cumax, Pa Amóü̃x, rü cuchixü̃ane i nagu cubuxü̃wa tátama cuxna chaca nax cuxü̃ chapoxcuxü̃ca̱x.

Ichaía 1:10

¡Pa Yerucharẽü̃arü Ãẽ̱xgacügü i Ñoma Chodómaarü Ãẽ̱xgacügürüxü̃ Ixĩgüxe, rü iperüxĩnüe i Cori ya Tupanaarü ore! ¡Pa Duü̃xü̃gü i Yerucharéü̃cüã̱x i Ñoma Gomóracüã̱xrüxü̃ Ixĩgüxe, mea iperüxĩnüe i ngẽma Cori ya Tupana tá pemaxã nüxü̃ ixuxü̃!

Nüxíraxü̃xü̃ ga popera ga ãẽ̱xgacügüchiga 21:26

Rü nüma ga Acáx rü poraãcü Tupanape̱xewa chixexü̃ naxü ga yexguma yema tupananetachicüna̱xãxü̃ yacua̱xüxü̃gü naxrüxü̃ ga yema Amoréutanüxü̃ ga Cori ya Tupana Iraétanüxü̃tanüwa íwoxü̃xü̃.

Naanearü ügüchiga 15:16

Rü ngẽxguma 400 ya taunecüguwena rü cutaagü rü tá ñaa naaneca̱x nawoegu. Erü ngẽma duü̃xü̃gü i Amoréutanüxü̃ i ñu̱xma ñaa naanegu ãchiü̃güxü̃ rü taxũta nangupetüxüchi i ngẽma norü chixexü̃ nax chanapoxcuexü̃ca̱x —ñanagürü ga Tupana.

Nüxíraxü̃xü̃ ga popera ga Cuáü̃ ümatüxü̃ 3:10

Rü marü nüxü̃ tacua̱x nax texé tixĩgüxü̃ ya Tupanaxacügü rü texé tixĩgüxü̃ ya Chatanáxacügü. Erü yíxema tama mexü̃ ǘxe rü tama tümaenexẽxü̃ ngechaü̃xe, rü tama Tupanaxacü tixĩ.

Édra 9:1

Rü yemawena ga yema Iraétanüxü̃arü ãẽ̱xgacügü ga marü nüxíra Yerucharéü̃wa ngugüxü̃ rü cha̱u̱xca̱x naxĩ rü chomaxã nüxü̃ nayarüxugüe rü ñanagürügü: —Muxü̃ma i ngẽma tatanüxü̃ i Iraétanüxü̃ ga nüxíra tomaxã woeguxü̃, rü woo chacherdótegü rü Lebítanüxü̃ rü tama nügüxü̃́ nüxü̃ naxoo̱xgü i nacümagü i chixexü̃gü i nagu naxĩxü̃ i ngẽma togü i duü̃xü̃gü i nua tórü naanegu yaxãchiü̃güxü̃. Rü ngẽma tatanüxü̃ rü woo poraãcü Tupanape̱xewa nachixe nax ngẽma togücümagu naxĩxü̃, natürü nagu naxĩãma i nacümagü i ngẽma Canaáü̃tanüxü̃ rü Itítanüxü̃, rü Ferechéutanüxü̃, rü Yebuchéutanüxü̃, rü Amóü̃tanüxü̃, rü Moátanüxü̃, rü Equítuanecüã̱xgü, rü Amoréutanüxü̃.

Wenaxarü naxümatü ga Tupanaarü mugü 7:1

Rü ñanagürü ga Moiché: —Nüma ya Cori ya perü Tupana rü tá nagu penachocuxẽxẽ i ngẽma naane i tá pexrü ixĩxü̃. Rü pepe̱xewa tá ínanawoxü̃ i ngẽma 7 i natücumügü i pexü̃ rümumaegüxü̃ rü pexü̃ rüporamaegüxü̃ i Itítanüxü̃, rü Guerguechéutanüxü̃, rü Amoréutanüxü̃, rü Canaáü̃tanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Naanearü ügüchiga 11:29

Rü Abráü̃ rü Charáimaxã naxãxma̱x rü Nacóx ga Milcámaxã. Rü ngĩma ga Milcá rü Aráü̃acü iyixĩ rü ngĩeya̱x iyixĩ ga Ixcáx.

Efesios 2:3

Rü guxãma ga yixema rü yemaacü chixexü̃gu tamaxẽ ga ü̃pa. Rü tóxrütama ngúchaü̃ ga chixexü̃we tarüxĩ, rü nagu taxĩ ga yema taxü̃ne naxwa̱xexü̃ rü yema taãxẽ nagu rüxĩnüxü̃. Rü yemagagu tüxna nangu i ngẽma poxcu ya Tupana norü numaxã mexẽẽxü̃ naxca̱x i guxü̃ma i ngẽma tama naga ĩnüexü̃.

Ore i mexü̃ ga Matéu ümatüxü̃ 11:24

Natürü pemaxã nüxü̃ chixu rü ngẽma ngunexü̃ ya Tupana nagu napoxcuexü̃ i pecaduã̱xgüxü̃, rü ngẽma ngunexü̃gu rü Chodómacüã̱xarü yexera tá pexü̃ napoxcue i pemax, Pa Capernáü̃cüã̱x”, ñanagürü.

Ore i mexü̃ ga Matéu ümatüxü̃ 3:7

Natürü yexguma Cuáü̃ nüxü̃ da̱u̱xgu ga naxü̃tawa nax nangugüxü̃ ga muxü̃ma ga ãẽ̱xgacügü ga Parichéugü rü Chaduchéugü nax ínabaiü̃xẽẽãxü̃ca̱x, rü Cuáü̃ ñanagürü nüxü̃: “Pa Ãxtapearü Duü̃xü̃güx, ¿rü texé pemaxã nüxü̃ tixu nax na̱xcha̱xwa pibuxmüxü̃ i Tupanaarü poxcu i ãũcümaxü̃ i marü pexca̱x ingaicaxü̃?

Yochué 24:14

Rü nüma ga Yochué rü ñanagürü ta: —Rü ñu̱xma rü name i aixcüma Cori ya Tupanaxü̃ pengechaxü̃gü rü naga pexĩnüe rü norü ngúchaü̃ pexü. Rü name nixĩ i nüxna pexĩgachixü̃ i ngẽma nũxcüma ga perü o̱xigüarü tupananetagü ga taxtü ga Eufrátecutüwa rü Equítuanewa nüxü̃ yacua̱xüü̃güxü̃.

Naanearü ügüchiga 11:25

Rü yemawena ga Nacóx rü 119 ga taunecü namaxü̃ rü nüxü̃́ nayexma ga togü ga nanegü rü naxacügü.

Yochué 13:4

Rü súrwaama nangẽxma ta i Cananéugüarü naane i íyaxüxü̃ nax penapuxü̃xü̃ca̱x. Rü Chidóü̃tanüxü̃arü ĩane ga Mexárawa inaxügü rü nida ñu̱xmata Aféxwa nangu i Amoréutanüxü̃arü üyeanewa.

Ichaía 43:27

Rü yema nüxíraxü̃xü̃ ga perü o̱xi rü chope̱xewa chixexü̃ naxü, rü yema perü ngúexẽẽruü̃gü rü chomaxã nanue rü tama chauga naxĩnüechaü̃.

Echequié 16:2

—Cumax, Pa Yatüx, chanaxwa̱xe ya yima ĩane ya Yerucharéü̃maxã quidexa nachiga i ngẽma taxü̃ i chixexü̃ i naxüxü̃.

Echequié 16:4

Rü yema ngunexü̃ ga nagu cungóxü̃gu rü taxúema cuxü̃ tiwíexü̃ rü taxúema cuxü̃ taxaiya, rü taxúema yucüramaxã cuxü̃ tachaxüne, rü taxúema cuxü̃ tina̱i̱xã́petüna̱xã.