Echequié 16:27 - Tupanaarü Ore

²⁷ Rü yemaca̱x düxwa cuxü̃ chapoxcu, rü íchayaxíxraxãchixẽxẽ ga curü naane, rü naxme̱xwa cuxü̃ chayexmaxẽxẽ ga yema Firitéucüã̱x ga cuxchi aiexü̃ naxca̱x ga yema cucüma ga poraãcü chixexü̃.

Echequié 16:27 Referans Kwoze

Ichaía 9:12

Rü éstewaama ne naxĩ i Chíriaanecüã̱xgü, rü oéstewaama ne naxĩ i Firitéutanüxü̃. Rü ñoma ta̱xacü i noxtacüma íga̱xaxü̃rüxü̃ tá Iraéanecüã̱xgüxü̃ nadai. Rü woo ngẽmaãcü napoxcueãxü̃ ya Cori ya Tupana, natürü tama Iraéanecüã̱xgümaxã inarüngü̃xmü. Rü yexeraãcü nayaxãxũnechigüama.

Echequié 16:37

Rü ngẽmaca̱x i choma rü wüxigu tá chanangutaque̱xexẽxẽ ga guxü̃ma ga yema namaxã cungeãẽxü̃. Rü yema nixĩ ga guxü̃ma ga yema nüxü̃ cungechaxü̃güxü̃, rü ñu̱xũchi guxü̃ma ga yema naxchi cuxaixü̃. Rü guxü̃ma i ngẽmagü rü cuxü̃tagu tá chanangutaque̱xexẽxẽ. Rü guxü̃táma i ngẽmagüpe̱xewa tá nixĩ i cuxü̃ íchacuxuchixü̃ nax ngẽmaãcü báitücuãcüma cüxü̃ nadaugüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:16

Rü ngẽma 10 i naxchata̱xcu̱xre i nüxü̃ cudauxü̃ rü ngẽma ngo̱xo, rü wüxigu tá ngĩchi naxaie i ngẽma nge i naxü̃nemaxã taxexü̃. Rü tá ngĩxna nanapuxü̃ i guxü̃ma i ta̱xacü i ngĩxü̃́ ngẽxmaxü̃, rü ngẽmaãcü ngexchiruãcüma tá ngẽxma irüxã̱ũ̱x. Rü tá nanangõ̱xgü i ngĩmachi, rü üxüwa tá nayagugü i ngẽma íyaxüxü̃.

Echequié 23:25

Rü ngẽma chorü nu rü tá cugu chananguxẽxẽ. Rü nümagü i perü uanügü rü tá poraãcü chixri cumaxã nixĩgü. Rü cuxü̃ rü tá ínawieraü̃gü rü cuxü̃ ínawiepachinügü. Rü yíxema íyaxügüxe rü tá taramaxã tüxü̃ nadai. Rü tá cuxna tüxü̃ napuxü̃ ya yíxema cunegü rü cuxacügü. Rü yíxema íyaxügüxe rü tá tüxü̃ ínagu.

Echequié 23:22

Natürü i choma nax curü Tupana chixĩxü̃, rü cumaxã nüxü̃ chixu rü ñachagürü: “Ngẽma nüxü̃ cungechaü̃güxü̃ ga noxri rü ñu̱xmax rü nawa cuxãũãx. Rü choma rü tá curü uanügüxü̃ chayaxĩgüxẽxẽ. Rü guxü̃ i nachixü̃anewa tá cuxca̱x ne naxĩ.

Echequié 16:47

Rü cumax, Pa Yerucharéü̃x, rü guma ĩanegücümagügu quixũ, rü cunaxü ga yematama nacümagü ga chixexü̃. Natürü tama cuxü̃́ ningu ga yema chixexü̃ ga cuxüxü̃, rü yemaca̱x guma ĩanegüarü yexera chixexü̃ cuxü.

Echequié 14:9

Rü ngẽxguma wüxi i orearü uruü̃neta doraxü̃ ixuxgu, rü ngẽmaãcü tá nixĩ erü tama nüxna chanachu̱xu nax nüxü̃ yaxuxü̃ca̱x i ngẽma dora. Rü choma rü tá chanapoxcu, rü ñu̱xũchi chorü duü̃xü̃gü i Iraétanüxü̃pe̱xewa tá chanayuxẽxẽ.

Yeremía 34:21

Rü choma rü ngẽxgumarüxü̃ ta tá norü uanügüaxü̃́ chanatauxchaxẽxẽ nax yayauxgüãxü̃ca̱x i Chedequía i Yudáanearü ãẽ̱xgacü wüxigu norü ngü̃xẽẽruü̃gümaxã. Rü woo Babiróniaanearü ãẽ̱xgacüarü churaragü rü paxaxãchi tóxnamana naxĩ i ñu̱xma, natürü tá ínangugü rü tá nayayauxgüama i Chedequía.

Ichaía 9:17

Rü nüma ya Cori ya Tupana rü ngẽmaca̱x tama namaxã nixauxãchi i ngextü̱xüxü̃gü, rü ñu̱xũchi tama nüxü̃́ tangechaü̃tümüxü̃ ya taxcutagü rü yutegüxe. Erü guxü̃ma i duü̃xü̃gü rü chixexü̃arü üruü̃gü nixĩgü rü naechitamare chixexü̃ i dexamaxã nidexagü. Rü guxü̃ma ga yema chixexü̃ ga naxügüxü̃gagu rü nüma ya Cori ya Tupana rü tama Iraéanecüã̱xgümaxã inarüngüxmü, rü yexeraãcü nayaxãxũnechigüama.

Ichaía 5:25

Rü ngẽmaca̱x nixĩ ya Cori ya Tupana i norü duü̃xü̃gümaxã nanuxü̃ rü düxwa napoxcueãxü̃. Rü ma̱xpǘnegü rü nidu̱xrugü, rü duü̃xẽgü ya yuexe rü ñoma guxchirerüxü̃ ĩanearü namagu tawoone. Natürü ya Cori ya Tupana rü tama inarüngü̃xmü rü nayadaxẽẽãma nax duü̃xü̃güxü̃ naxãxũnexü̃.

Ichaía 3:1

¡Dücax, pexuãẽgü! Cori ya Tupana ya Guxãétüwa Ngẽxmacü rü Yerucharéü̃wa rü Yudáanewa tá nanatauxẽxẽ i guxü̃ma i ta̱xacü ingṍxü̃ i õna rü dexá.

Wiyaegü 106:41

Rü yema uanügü ga tama yaxõgüxü̃na nanawogü nax yema namaxã icua̱xgüxü̃ca̱x.

Norü taxre ga popera ga ãẽ̱xgacügüchiga 24:2

Natürü nüma ga Cori ya Tupana rü Yoaquíü̃ca̱x yéma nanamugü ga muxü̃ma ga ngĩ́ta̱xagüxü̃ ga Cadéugü, rü Chíriaanecüã̱xgü, rü Moáanecüã̱xgü, rü Amóü̃anecüã̱xgü nax nachixexẽẽgüãxü̃ca̱x ga norü naane, yema Cori ya Tupana norü duü̃xü̃gü ga orearü uruü̃güa̱xwa nüxü̃ yaxuxü̃rüxü̃.

Chofonía 3:19

Ngẽma ngunexü̃gu rü tá chanadai i guxü̃ma i ngẽma chixri pemaxã icua̱xgüxü̃. Rü tá pexü̃ charüngü̃xẽxẽxü̃ i pema nax pengearü poxü̃ruü̃ã́xü̃, ñoma wüxi i carnéru ibüyeparaxü̃ i ngearü poxü̃ã́xü̃rüxü̃. Rü pema nax pewoonexü̃ rü tá wena pexü̃ chanutaque̱xe. Rü ngẽma naanegü i ngextá duü̃xü̃gü pexü̃ ixoexü̃wa rü tá pexü̃ chatachigaxẽxẽ.