Biblia Todo Logo
Bib sou entènèt

- Piblisite -




Echequié 16:15 - Tupanaarü Ore

15 Natürü ga cumax, Pa Yerucharéü̃x, rü yema nax cumexẽchixü̃ rü cutachigaxü̃gagu nixĩ ga cuyoxniexü̃ nax wüxi ga ngexü̃ ga naxü̃nearü ngúchaü̃gu maxü̃xü̃ cugü quixĩxẽẽxü̃ rü guxü̃ma ga duü̃xü̃gü ga yéma chopetüxü̃na cugü cuxãxü̃.

Gade chapit la Kopi




Echequié 16:15
34 Referans Kwoze  

Rü guxü̃ma ga curü namagüarü gu̱xwa rü cunaxü ga nachicagü ga tupananetachicüna̱xãgüxü̃ nawa yacua̱xüü̃güxü̃. Rü yema nax cumexẽchixü̃gagu cunaxüecha ga curü ngúchaü̃ ga ãũãchixü̃, rü namaxã cumaxü̃ ga guxü̃ma ga duü̃xü̃gü ga yéma chopetüxü̃.


Rü nũxcümacürüwatama nixĩ ga choxna pixĩgachixü̃ rü tama chauga pexĩnüechaxü̃xü̃. Rü ñaperügügü: “Tama cuga taxĩnüechaü̃”, ñaperügügü. Pema rü pechauechitae ñoma wüxi i ngexü̃ i natena ngeãẽxü̃rüxü̃, yerü guxü̃ma ga ma̱xpǘnegüwa rü guxü̃ma ga naigü ga imeetaxü̃tüü̃wa nüxü̃ picua̱xüü̃gü ga yema tupananetachicüna̱xãgü.


Rü pema rü penawãxta i perü ĩã̱x rü ngẽxma penanu i perü tupananetagü rü nape̱xewa penaxü i perü ngúchaü̃ rü ngẽmaãcü nüxü̃ picua̱xüü̃gü i perü tupananetagü.


Rü yema taxre rü yexguma napaegutama ngĩgüxünemaxã itaxegü. Rü Equítuanewa rü ngĩxü̃ nidaucaniü̃gü rü yatügümaxã imaxẽ.


¡Rü taxṹ i nüxü̃́ peyaxõgüxü̃ i ngẽma duü̃xü̃gü i pexü̃ womüxẽẽgüxü̃ rü ñagüxü̃: Nua Yerucharéü̃wa nangẽxma ya yima Cori ya Tupanapata ya taxü̃ne rü ngẽmaca̱x Tupana taxũtáma nanapoxcu ya daa ĩane woo chixexü̃ íxügügu, ñagüxü̃!


Rü ñaa nixĩ ga yema nüxíraxü̃xü̃ ga ore ga Cori ya Tupana Ochéamaxã nüxü̃ ixuxü̃. Rü ñanagürü nüxü̃: —Ngẽma Iraéanecüã̱x rü ñoma wüxi i ngexü̃ i natena ngeãẽxü̃rüxü̃ choxna nixĩgachi. Rü cumax, Pa Ochéax, rü wüxi i cua̱xruxü̃ tá quixĩ naxca̱x i ngẽma duü̃xü̃gü. ¡Rü ngẽmaca̱x i ñu̱xma rü wüxi i nge i naxü̃nemaxã taxexü̃maxã naxãxma̱x rü ngĩwa naxãxacü! Rü ngẽmaãcü i ngẽma cuxacügü rü wüxi i nge i ngeãẽcüxacügü tá nixĩgü —ñanagürü.


Rü yexguma Equítuanewa nayexmagucürüwa rü ngĩgüxü̃nemaxã itaxe rü taguma nüxü̃ irüxo. Rü yexguma napaxgucürüwa rü muxü̃ma ga yatügü ngĩmaxã napegü rü ngĩmaxã namaxẽ. Rü yemaacü ga ngĩma rü ngĩgüxü̃nemaxã itaxe.


Pemax, Pa Yerucharéü̃cüã̱x, noxri rü aixcüma meama Tupanaga pexĩnüe, natürü i ñu̱xma rü ñoma wüxi i ngexü̃ i naxü̃nemaxã taxexü̃rüxü̃ pixĩgü. Pema ga noxri rü mexü̃ ga nacümagu pemaxẽ, natürü i ñu̱xma rü máetaguxicatama perüxĩnüe.


Rü ngĩcatügu naxümatü ga wüxi ga naéga ga taxúema nüxü̃ cuáxü̃ nax ñuxũ ñaxü̃chiga yixĩxü̃. Rü yema naéga rü ñanagürü: “Taxü̃ne ya Babirónia i norü mama ixĩxü̃ne i ngẽma ngexü̃gü i naxü̃nemaxã taxegüxü̃ rü ngẽma ãũãchixü̃ i ñoma i naanewa ngẽxmagüxü̃”, ñanagürü.


Rü tama name i pegüãẽwa nagu perüxĩnüe rü pegümaxã ñaperügügü: ‘Yixema rü Abraáü̃taagü tixĩgü rü ngẽmaca̱x ya Tupana rü taxũtáma tüxü̃ napoxcue’, ñaperügügü. Rü pemaxã nüxü̃ chixu rü ngẽxguma Tupana naxwa̱xegu, rü nüxü̃́ natauxcha nax daa nutawa Abraáü̃taagü nanguxü̃xẽẽxü̃.


Rü ngẽma ngunexü̃gu, Pa Chorü Duü̃xü̃güx, rü taxũtáma naxca̱x pexãnee ga yema chixexü̃ ga noxri chope̱xewa pexügüxü̃ ga yexguma tama chauga pexĩnüegu. Erü choma rü tá Yerucharéü̃na chayaxĩgachitanüxẽxẽ i ngẽma nügü icua̱xüü̃güxü̃ rü nügü írütagüxü̃. Rü ngẽmaãcü tagutáma yima chorü ma̱xpǘne ya üünenewa nangẽxmagü i ngẽma ãẽ̱xgacügü i nügü írütagüxü̃.


Rü daa ĩanearü guxchaxü̃arü mexẽẽruü̃gü rü ngẽma nüxü̃́ naxütanüxü̃ga nixĩ i naxĩnüexü̃. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃güneta rü ngẽxguma nüxü̃́ naxãtanüguxicatama tamaxã nüxü̃ nixu i ta̱xacü tá yixcüra naxüpetü. Rü nüxü̃ nixu nax Tupanaégagu yixĩxü̃ nax yadexagüxü̃, rü ñanagürügü: “Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, ñanagürügü.


Rü ngẽma chacherdótegü rü marü choxna naxĩgü, rü ngẽmaca̱x rü woo nachibüegu rü tá nataiyaeama. Rü woo ngexü̃gü i ngĩxü̃nemaxã taxegüxü̃maxã namaxẽxü̃gu, rü tagutáma naxãxacügü.


Rü ngẽxguma chi choma ya Cori ya Tupana rü maxü̃ namaxã chixuxgu i wüxi i yatü i mea maxü̃xü̃ rü nüma rü norü mecümagu yaxõõgu natürü chixexü̃ naxü̱xgu, rü choma rü taxũtáma nüxü̃́ nüxna chacua̱xãchi ga yema mexü̃ ga nacüma ga ü̃paacü naxüxü̃. Rü ngẽma chixexü̃ i naxüxü̃gagu tá nayu.


Natürü ga nümagü rü chomaxã nanueama rü tama chauga naxĩnüechaü̃. Rü tama ínanawogü ga norü tupananetachicüna̱xãgü rü tama nüxü̃ narüxoechaü̃ nax nüxü̃ yacua̱xüü̃güxü̃ ga yema Equítuanecüã̱xgüarü tupananetachicüna̱xãgü. Rü yexguma ga choma rü poraãcü namaxã chanu, rü nagu charüxĩnü chi nax Equítuanegu chanapoxcuexü̃ ñu̱xmata naxüpetü i chorü nu.


Cori ya Tupana rü ñanagürü: —Rü ngẽxguma wüxi i yatü rü naxma̱xü̃ ínata̱xgu, rü ngẽxguma marü nüxna tixũgachigu i tüma rü to i yatümaxã taxãtegu, rü nüma i ngẽma tüxü̃ ítáxü̃ rü marü taxũtáma wena tümamaxã naxãxma̱x. Rü ngẽma rü wüxi i taxü̃ i chixexü̃ tá nixĩ naxca̱x i ngẽma nachixü̃ane. Natürü i pemax, Pa Yudátanüxü̃x, rü mucü ga tupananetachicüna̱xãgüwe perüxĩ. ¿Rü ñuxãcü nagu perüxĩnüe nax cha̱u̱xca̱x pewoeguxü̃? Rü choma ya Cori ya Tupana nixĩ i pemaxã nüxü̃ chixuxü̃ i ngẽma.


Rü Tupana rü ñanagürü: —¡Perüxĩnüe Pa Acóbuarü Duü̃xü̃güx, Pa Iraétanüxü̃x, Pa Yudátaagüx! Pema rü Cori ya Tupanaégagu pegü pixu nax norü duü̃xü̃gü pixĩgüxü̃. Rü perü yumüxẽwa naxca̱x ípeca̱x i norü ngü̃xẽxẽ, natürü tama aixcüma naga pexĩnüe.


Natürü namaxã naxãmücügüama, rü namaxã nixãtegü, rü namaxã naxãxma̱xgü ga yema duü̃xü̃gü ga tama Tupanaaxü̃́ yaxõgüxü̃. Rü nacümagü ga chixexü̃güca̱x nangúe.


Yerü wena nayamexẽẽgü ga yema tupananetagüarü ãmarearü guruü̃gü ga ma̱xpǘnetape̱xewa yexmagüxü̃ ga nanatü ga Echequía nagu pogüexü̃. Rü wena ínanaxüxü̃ ga Baáchicüna̱xãxarü ãmaregüarü guruxü̃. Rü Iraéanearü ãẽ̱xgacü ga Acáxrüxü̃ nanaxü ga wüxi ga Acheráchicüna̱xãxarü ãmaregüarü guruxü̃. Rü ñu̱xũchi nüxü̃ nicua̱xüxü̃ ga üa̱xcü, rü tauemacü rü woramacurigü.


Rü yema guxchaxü̃ nüxü̃ nangupetü ga yema Iraéanecüã̱xgü, yerü tama naga naxĩnüe ga Cori ya Tupana ga Equítuanewa ínanguxü̃xẽẽcü ga Faraóü̃me̱xẽwa. Rü tomare ga tupanagüxü̃ nicua̱xüü̃gü, rü yemaacü Tupanape̱xewa chixexü̃ naxügü.


Rü norü ucu̱xẽruü̃güna naca ga yemachiga. Rü yemawena ga nüma ga ãẽ̱xgacü ga Yeruboáü̃ rü taxre ga wocaxacü ga úirunaxca̱x naxüxẽxẽ rü duü̃xü̃güxü̃ ñanagürü: —Pemax, Pa Iraéanecüã̱xgüx, rü wüxi i taxü̃ i guxchaxü̃ nixĩ nax Yerucharéü̃wa pexĩĩxü̃ nax ngéma Tupanapata ya taxü̃newa nüxü̃ peyarücua̱xüü̃güxü̃ca̱x. Rü dücax, ñaa wocaxacüchicüna̱xãgü nixĩ i perü tupanagü ga Equítuanewa pexü̃ ígaxü̃xü̃ —ñanagürü.


Rü nüma ga Charomóü̃ rü Chidóü̃cüã̱xgüarü tupana ga Ataréxü̃ nicua̱xüxü̃. Rü yexgumarüxü̃ ta nüxü̃ nicua̱xüüxü̃ ga Mícoü̃ ga Amóü̃cüã̱xarü tupana ga buxe naxca̱x tüxü̃ yagugüxü̃.


Natürü nüma ga Iraétanüxü̃ rü wenaxarü Cori ya Tupanape̱xewa chixexü̃ naxügü rü guxü̃raü̃xü̃ ga Baáchicüna̱xãxü̃ rü Ataréchicüna̱xãxü̃ nicua̱xüü̃gü. Rü yexgumarüxü̃ tá nüxü̃ nicua̱xüü̃gü ga Chíriacüã̱xgüarü tupanachicüna̱xãgü, rü Chidóü̃cüã̱xgüarü tupanachicüna̱xãgü, rü Moátanüxü̃arü tupanachicüna̱xãgü rü Amóü̃tanüxü̃arü tupanachicüna̱xãgü, rü Firitéugüarü tupanachicüna̱xãgü. Rü Cori ya Tupanaxü̃ narüngümae rü nüxü̃ narüxoe nax naxca̱x nangutaque̱xegüxü̃.


Rü nanegü, rü naxacügü ga yema Iraétanüxü̃ rü yema togü ga duü̃xü̃güacümaxã nixãxma̱x rü nixãte. Rü yemaca̱x yema togü ga duü̃xü̃güarü tupanaxü̃ nicua̱xüü̃gü.


Rü yema Iraétanüxü̃ rü nüxna nixĩgachi ga norü o̱xigüarü Tupana ga Equítuanewa tüxü̃ ínguxü̃xẽẽcü. Rü yema togü ga duü̃xü̃gü ga norü ngaicamagu pegüxü̃arü tupanagüxü̃ nicua̱xüü̃gü. Rü yemaacü Cori ya Tupanaxü̃ nanuxẽẽgü.


Natürü pema ga Iraétanüxü̃ ga guxü̃ma ga yema õnamaxã pingüe rü nüxna pixĩgachi ga Cori ya Tupana ya pexü̃ ngo̱xẽẽcü. Rü nüxü̃ pexo ya yimá perü dauruxü̃ rü perü poxü̃ruxü̃ ixĩcü.


Rü cuma rü yema cuxchirugümaxã ma̱xpǘnegügu cunaxü ga düxenügü nax yimawa nüxü̃ quicua̱xüü̃güxü̃ca̱x ga naxchicüna̱xãgü, rü nawa ngúchaü̃ cuxüxü̃ca̱x.


Rü Ochéa rü ñanagürü: —Pa Iraéanecüã̱xgüx, ¡taxṹ i petaãẽgüxü̃! ¡Taxũ i perü taãẽmaxã peyuxnagütanüxü̃ naxrüxü̃ i ngẽma togü i nachixü̃anecüã̱xgü! Pema rü taxü̃ i chixexü̃ pexü erü nüxna pixĩgachitanü ya perü Tupana rü tupananetagüxü̃mare picua̱xüü̃gü. Rü ñoma ngexü̃gü i naxü̃nemaxã taxexü̃rüxü̃ pixĩgü, erü guxü̃ma i nachicagü i trigu nawa pepúxü̃ pexü̃́ nangúchaü̃ nax penayauxtanüxü̃ naxca̱x i ngẽma chixexü̃ i pexüxü̃.


Swiv nou:

Piblisite


Piblisite