Echequié 16:13 - Tupanaarü Ore

¹³ Rü yemaacü, Pa Yerucharéü̃x, rü cunga̱xãxẽ namaxã i úiru rü diẽrumü rü cuxchirugü ga chédanaxca̱x rü línuchi ga meama ixümatüxü̃naxca̱x. Rü yema õna ga cungṍxü̃ rü paũ ga mexü̃ ga triguwa üxü̃, rü ira, rü oribuarü chíxü̃ nixĩ. Rü yemaacü yexera cumexẽchi rü ãẽ̱xgacü naxma̱xwa cungu.

Echequié 16:13 Referans Kwoze

Wiyaegü 50:2

Rü nüma ya Tupana rü yima mexẽchine ya napata ya Chióü̃wa ngẽxmanewa norü üünemaxã nanangóonexẽxẽ.

Nüxíraxü̃xü̃ ga popera ga ãẽ̱xgacügüchiga 4:21

Rü yema naane ga Charomóü̃ namaxã icuáxü̃ rü taxtü ga Eufrátewa inaxügü ga éstewaama ñu̱xmata Firitéugüarü üyeanewa rü Equítuanearü üyeanewa nangu ga oéstewaama. Rü guxü̃ma ga yema nachixü̃anegü ga Charomóü̃ namaxã icuáxü̃ rü nanaxütanügü ga diẽru ga Charomóü̃ unagüxü̃. Rü Charomóü̃me̱xẽwa nayexmagü ga yexguma namaxü̃gu.

Wiyaegü 48:2

Namexẽchi ya yima ma̱xpǘne ya Chióü̃ i nórtewaama ngẽxmane. Rü yima nixĩ ya namaxã nataãẽgüne i guxü̃ma i ñoma i naanecüã̱x i duü̃xü̃gü. Rü yimawa nixĩ i nangẽxmaxü̃ i norü ĩane ya yimá Ãẽ̱xgacü ya Guxãétüwa Ngẽxmacü.

Ochéa 2:5

Rü pechixü̃ane rü ñoma wüxi i nge i ngeãẽcürüxü̃ taxuwama name. Rü ngĩma rü ngĩgürügü: “Paxa tá naxca̱x chadau i ngẽma chomaxã maxẽxü̃, erü ngẽmagü nixĩ i choxna naxãgüxü̃ i paũ rü dexá rü chauxchiru i carnéruta̱xanaxca̱x rü línuchinaxca̱x rü chíxü̃ rü axexü̃”, ngĩgürügü.

Echequié 16:19

Rü yema paũ ga choma cuxna chaxãxü̃ ga rümemaexü̃ ga arínawa üxü̃, rü yema chíxü̃ rü ñu̱xũchi yema ira ga choma cuxü̃ namaxã chaxüwemüxü̃, rü cuma rü yema naxchicüna̱xãgüca̱x ícunagu ñoma norü ãmare i naxca̱x chi̱xemaxü̃rüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Auxexü̃chiga 2:15

Rü ngẽxguma cuxü̃ nadaugügu i ngẽma duü̃xü̃gü i namawa chopetüxü̃ rü napéxme̱xgüãcü cuxü̃ nacugüe. Rü cuxna nawíxgüe rü cuxü̃ nacugüeãcü nanexáerugü, rü ñanagürügü: —¿Daa e̱xna yixĩxü̃ ga guma ĩane ga mexẽchine ga Yerucharéü̃ ga ñoma ga naanewa guxü̃nema ga ĩanegüxü̃ rümemaene? —ñanagürügü.

Yeremía 13:20

¡Rü pedaunagütanü rü nüxü̃ peda̱u̱x nax ñuxãcü nórtewaama ne naxĩxü̃ i uanügü! Rü ñu̱xmax, Pa Yerucharéü̃x, ¿Ngexü̃gü nixĩ i ngẽma chorü duü̃xü̃gü i cuxna nüxü̃ chadauxẽxẽxü̃ rü cugü namaxã quicua̱xüxü̃?

Ichaía 64:11

Rü yima torü ngutaque̱xepataxü̃ ya mexẽchine rü üünene ga tonatügü cuxü̃ nawa icua̱xüü̃güne rü nixa. ¡Rü ngẽma cupataarü ngẽmaxü̃gü i toxü̃́ chu̱xuxü̃ rü nichixe!

Wiyaegü 147:14

Rü nüma nixĩ i pexü̃ nangüxmüexẽẽxü̃ i pechixü̃anewa rü muxũchixü̃ i trigumaxã pexü̃ nataãẽxẽẽgü.

Wiyaegü 81:16

Natürü ngẽxguma chi norü duü̃xü̃gü ya Tupana naga ĩnüegu rü chi mexü̃ i trigumaxã nanaxüwemü rü chi mexü̃ i berurewa mea nayaxaxegüxẽxẽ.

Édra 5:11

Rü nüma rü toxü̃ nangãxü̃gü rü ñanagürügü: “Toma rü yimá Tupana ya daxũguxü̃ i naanearü üruxü̃ rü ñoma i naanearü üruü̃arü duü̃xü̃gü tixĩgü. Rü ítanamexẽxẽ ya daa napata ya taxü̃ne ga nũxcümaxü̃chima ga torü o̱xigüarü ãẽ̱xgacü ga Charomóü̃ üxü̃ne”, ñanagürügü.

Édra 4:20

Rü ngẽxgumarüxü̃ ta nüxü̃ itayangau rü nũxcümaxü̃chima rü nayexmagü ga guma ĩanearü ãẽ̱xgacügü ga iporaxüchixü̃ ga namaxã icuáxü̃ ga guxü̃ma ga naanegü ga taxtü ga Eufrátearü oéstewaama yexmagüxü̃. Rü yema naanegücüã̱x ga naxme̱xwa yexmagüxü̃ rü nüxü̃́ nanaxütanügü ga taxü̃ ga diẽru.

2 Chamué 8:15

Rü nüma ga Dabí rü guxü̃ma ga Iraéanearü ãẽ̱xgacü nixĩ. Rü meama guxü̃ma ga norü duü̃xü̃gümaxã inacua̱x.

1 Chamué 12:12

Natürü ga pema ga yexguma Amóü̃tanüxü̃arü ãẽ̱xgacü ga Naáx pexca̱x íyachoõchichaü̃gu nax pexü̃ nada̱i̱xü̃ca̱x, rü choxna naxca̱x peca ga wüxi ga ãẽ̱xgacü nax pemaxã inacuáxü̃ca̱x woo nax Cori ya Tupanachire̱x nax yixĩxü̃ ya perü ãẽ̱xgacü.

1 Chamué 10:1

Rü yexguma ga nüma ga Chamué rü wüxiwexü̃ ga chíxü̃ nayaxu, rü Chaúxü̃ namaxã nabaeru. Rü ñu̱xũchi nüxü̃ nachúxu rü ñanagürü nüxü̃: —Cori ya Tupana cuxü̃ nayaxu i ñu̱xma nax norü duü̃xü̃gü i Iraéanecüã̱xgüarü ãẽ̱xgacü quixĩxü̃ca̱x. Rü cuma tá namaxã icucua̱x rü norü uanügü i nüxü̃ íchomaeguãchixü̃me̱xẽwa tá ícunanguxü̃xẽxẽ. Rü ngẽma cua̱xruü̃gü i nawa tá nüxü̃ cucuáxü̃ nax aixcüma Cori ya Tupana cuxü̃ unetaxü̃ nax norü duü̃xü̃gü i Iraéanecüã̱xgüarü ãẽ̱xgacü nax quixĩxü̃, rü ñaagü tá nixĩ.

Wenaxarü naxümatü ga Tupanaarü mugü 8:8

Rü ngẽma naanewa rü nangẽxma i trigunecügü, rü chebádanecügü, rü úbanecügü, rü igunecügü, rü boxranecügü, rü oribunecügü, rü taxü̃ i ira.

Naanearü ügüchiga 17:6

Rü tá chayamuxẽxẽ i cutaagü rü tá namuxũchi. Rü ngẽma cutaagü rü muxü̃tama i nachixü̃anegü tá nango̱xẽẽgü. Rü ngẽma cutaatanüwa tá nangẽxma i ãẽ̱xgacügü ixĩgüxü̃.

Echequié 16:10

Rü cuxü̃ nagu chicuxẽxẽ ga wüxi ga naxchiru ga mematüxü̃, rü ñu̱xũchi chinera ga mexü̃ ga naxcha̱xmünaxca̱x ixĩxü̃. Rü cuxü̃ namaxã chigoye ga wüxi ga goyexü̃ ga línuchinaxca̱x ixĩxü̃. Rü ñu̱xũchi wüxi ga naxchiru ga mexẽchixü̃gu cuxü̃ chicu̱xẽxẽ.

Echequié 16:17

Rü cunade ga yema nachagügü ga cuxna chanaxãmarexü̃ ga úirunaxca̱x rü diẽrumünaxca̱x, rü yemawa cunaxü ga yatüchicüna̱xãgü nax yemaacü namaxã cungeãẽxü̃ca̱x.

Echequié 23:40

Rü ngẽmawena rü yáarü naanewa inamugü ga ngĩrü orearü ngeruü̃gü nax naxca̱x yacaxü̃ca̱x ga yatügü ga yáxü̃wama yexmagüxü̃. Rü nümagü rü yéma ngĩxü̃tawa naxĩ. Rü ngĩmagü rü yoxni ixaiyagü rü ngĩgü iyachaxchipa̱xetügü rü ngĩrü meruü̃gümaxã ngĩgü iyanga̱xãẽgü nax yemaacü nayauxgüãxü̃ca̱x.

Echequié 27:16

Rü yema Edóü̃cüã̱xgü rü cuxü̃tawa nayataxegü yerü namuxũchi ga curü yemaxü̃gü. Rü nümagü rü ngã̱xãẽruü̃gü ga granatemaxã rü naxchirugü ga idauxracharaü̃ ga ãmatüxü̃maxã rü naxpü ga línuchinaxca̱xmaxã rü ngã̱xãẽruü̃gü ga corálmaxã rü rubímaxã cuxü̃́ nanaxütanügü ga curü yemaxü̃gü.

Yox 29:6

Rü yexguma ga lechi rü taguma nataxu ga chopatawa, rü chorü oribugü i nutatanügu togüxü̃wa ne naxũ ga taxü̃ ga chíxü̃.