Echequié 16:12 - Tupanaarü Ore

¹² Rü curaxü̃wa chayaxǘcuchi ga wüxi ga ãnera, rü cuchinüwa chananucu ga naxmachinügü, rü ñu̱xũchi cueruwa chayaxǘcuchi ga wüxi ga mexẽchixü̃ ga nga̱xcueruxü̃.

Echequié 16:12 Referans Kwoze

Ichaía 28:5

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü, rü norü ãẽ̱xgacü ya mexẽchicü tá nixĩ naxca̱x i ngẽma norü duü̃xü̃gü i íyaxügüxü̃.

Ichaía 3:21

rü ãneragü, rü naraü̃arü ngã̱xãẽruü̃gü,

Yeremía 13:18

Cori ya Tupana rü Yeremíaxü̃ ñanagürü: —¡Ãẽ̱xgacümaxã rü naémaxã nüxü̃ ixu i ñaa ore: “¡Ipechigü i ngẽma perü tochicaxü̃wa rü ñaxtüanewamare perütogü! Erü marü taxũtáma ãẽ̱xgacügü pixĩgü, rü ngẽma perü nga̱xcueruxü̃ rü marü taxũtáma peeruwa nangẽxma”, ñanagürü.

Naanearü ügüchiga 24:47

Rü yexguma ga choma rü ngĩxna chaca rü ñacharügü: “¿Texéxacü quixĩ i cumax?” ñacharügü. Rü yexguma ga ngĩma rü choxü̃ ingãxü̃ rü ngĩgürügü: “Chaunatü rü Betué nixĩ i naéga, rü chorü o̱xi nixĩ i Nacóx, rü chorü noxẽ tixĩ ya Milcá”, ngĩgürügü. Rü yexguma ga choma rü ngĩráü̃wa chayachocuchi ga wüxi ga ngĩrü ãnera, rü ñu̱xũchi ngĩpü̱xme̱xẽwa chayachocuchi ga taxre ga ngĩrü ngaxcupüxme̱xẽxü̃.

Ucu̱xẽgüchiga 25:12

Texé ya nüxü̃ ĩnüxe i ucu̱xẽ i cua̱x tüxna ãxü̃, rü ngẽma ucu̱xẽ rü ñoma wüxi i ãnera rü wüxi i nachagü i mexẽchixü̃ i úiruwa üxü̃rüxü̃ nixĩ nax tümaca̱x namexü̃ ya yíxema nayaxúxe.

Echequié 16:14

Rü guxü̃ i nachixü̃anewa rü cutachiga erü cumexẽchi. Rü taxuwama cunañuxraxü̃ erü chomatama nixĩ ga cuxü̃ changa̱xãẽxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Echequié 16:17

Rü cunade ga yema nachagügü ga cuxna chanaxãmarexü̃ ga úirunaxca̱x rü diẽrumünaxca̱x, rü yemawa cunaxü ga yatüchicüna̱xãgü nax yemaacü namaxã cungeãẽxü̃ca̱x.

Echequié 21:26

Rü choma ya Cori ya Tupana rü ñachagürü: ‘Curü uanügü rü tá cuxna nanayaxu i ngẽma curü tüeruxü̃ rü tá cuxna nanapu i ngẽma curü nga̱xcueruxü̃. Rü guxü̃táma naxüchicüü. Rü ngẽma ñu̱xma ãẽ̱xgacügü ixĩgüxü̃ rü tá ínawoxü̃. Rü ngẽma ñu̱xma taxúema nüxü̃ cuáxchaü̃güxü̃ rü tá nüxí natachigagü. Rü choma ya Cori ya Tupana nixĩ i nüxü̃ chixuxü̃ i ngẽma.

Echequié 23:42

Rü nüxü̃ taxĩnüe ga nax íyacuxcuxü̃ rü ínapetaegüxü̃ ga muxü̃ma ga duü̃xü̃gü. Rü yema nixĩ ga duü̃xü̃gü ga ngaxwa̱xegüxü̃ ga chianexü̃wa ne ĩxü̃. Rü yema duü̃xü̃gü rü ngĩxü̃ nanga̱xcupüme̱xẽgü ga yema taxre ga ngĩgüeya̱xgü rü ngĩxü̃ nanga̱xcuerugü mexẽchixü̃ ga nga̱xcueruxü̃maxã —ñanagürü.

Ochéa 2:13

Rü tá chanapoxcue i ngẽma duü̃xü̃gü naxca̱x ga yema ngunexü̃gü ga nagu norü tupananeta ga Baáchicüna̱xãgüca̱x pumarate̱xe yagugüxü̃. Rü yexguma rü ãneramaxã rü nachagümaxã nügü ninga̱xãẽgü nax nüxü̃ yacua̱xüü̃güxü̃ca̱x ga yema norü tupananeta ga Baáchicüna̱xãgü. Rü yemaca̱x choxü̃ inarüngümae. Rü chomax ya Cori ya Tupana nixĩ i nüxü̃ chixuxü̃ i ngẽma —ñanagürü.

Charumóü̃arü wiyae 1:10

Rü cumatügü i cuxmachinügüarü ngãxü̃wa ngẽxmagüxü̃ rü namexẽchi. Rü namexẽchi i cunaxã i cuchagü nawa rütuxü̃.

Charumóü̃arü wiyae 1:11

Rü cuxü̃́ tá tanaxü i naxmachinügü i úirunaxca̱x i diẽrumümaxã nga̱xãẽxü̃.

Ichaía 3:19

rü ngẽma naxmachinügü, rü nga̱xcupü̱xme̱xẽgü, rü tüeruruxü̃ i chixcamüxü̃,