Echequié 16:11 - Tupanaarü Ore

¹¹ Rü mexẽchixü̃ ga ngã̱xãẽruü̃gümaxã cuxü̃ changa̱xãxẽ, rü napüme̱xẽgü cuchacüügüwa chanucu, rü ñu̱xũchi cunaxãwa chayaxǘcuchi ga wüxi ga nachagü.

Echequié 16:11 Referans Kwoze

Naanearü ügüchiga 24:22

Rü yexguma marü mea naxaxegügu ga yema norü caméyugü, rü nüma ga gumá Abraáü̃arü duü̃ rü ñu̱xũchi ngĩxna ngĩxü̃ naxã ga wüxi ga ãnera ga úirungixca̱x ga 6 gramu yacü rü ngĩxmaraü̃wa ngĩxü̃ nichocuchi. Rü yexgumarüxü̃ ta ngĩxna nanana ga taxre ga nga̱xcupüxme̱xẽxü̃ ga 100 gramu yaxü̃ ga wüxichigü.

Ichaía 3:19

rü ngẽma naxmachinügü, rü nga̱xcupü̱xme̱xẽgü, rü tüeruruxü̃ i chixcamüxü̃,

Naanearü ügüchiga 41:42

Rü yexguma yema ñaxgu ga Faraóü̃ rü nügüme̱xẽwa ngĩxü̃ nanangoxochi ga norü ãnera ga cua̱xruxü̃ ngĩwa yexmacü, rü Yúcheme̱xẽwa ngĩxü̃ ningucuchi. Rü ñu̱xũchi norü duü̃xü̃güxü̃ namu nax mexẽchixü̃ ga naxchirugu yacu̱xẽẽgüaxü̃ca̱x, rü úirumaxã naxüchagügüãxü̃ca̱x.

Naanearü ügüchiga 24:47

Rü yexguma ga choma rü ngĩxna chaca rü ñacharügü: “¿Texéxacü quixĩ i cumax?” ñacharügü. Rü yexguma ga ngĩma rü choxü̃ ingãxü̃ rü ngĩgürügü: “Chaunatü rü Betué nixĩ i naéga, rü chorü o̱xi nixĩ i Nacóx, rü chorü noxẽ tixĩ ya Milcá”, ngĩgürügü. Rü yexguma ga choma rü ngĩráü̃wa chayachocuchi ga wüxi ga ngĩrü ãnera, rü ñu̱xũchi ngĩpü̱xme̱xẽwa chayachocuchi ga taxre ga ngĩrü ngaxcupüxme̱xẽxü̃.

Ucu̱xẽgüchiga 1:9

Erü ngẽma ucu̱xẽgü rü wüxi i curü nga̱xãẽruxü̃ nixĩ ñoma wüxi i cuchagü rüe̱xna wüxi i curü nga̱xcueruü̃rüxü̃ nixĩ.

Echequié 23:42

Rü nüxü̃ taxĩnüe ga nax íyacuxcuxü̃ rü ínapetaegüxü̃ ga muxü̃ma ga duü̃xü̃gü. Rü yema nixĩ ga duü̃xü̃gü ga ngaxwa̱xegüxü̃ ga chianexü̃wa ne ĩxü̃. Rü yema duü̃xü̃gü rü ngĩxü̃ nanga̱xcupüme̱xẽgü ga yema taxre ga ngĩgüeya̱xgü rü ngĩxü̃ nanga̱xcuerugü mexẽchixü̃ ga nga̱xcueruxü̃maxã —ñanagürü.

Iraétanüxü̃arü muxchiga 31:50

Rü ñaagü nixĩ i ngẽmaxü̃gü i wüxichigü i toma tórü uanü̃gütanüwa nüxü̃ itayangauxü̃ i úirunaxca̱x i napü̱xme̱xẽgü, rü cadénagü, rü ãneragü, rü naxmachinügü, rü nachagügü. Rü guxü̃ma i ngẽma rü Cori ya Tupanana tayana nax toxü̃́ nüxü̃ iyanangümaxü̃ca̱x i torü pecadugü —ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:4

Rü yema tochicaxü̃cüwawa nayexmagü ta ga to ga 24 ga tochicaxü̃gü ga nüxü̃ ínumaeguãchixü̃. Rü yema tochicaxü̃güwa narütogü ga 24 ga yaxõgüxü̃arü ãẽ̱xgacügü. Rü naxchiru rü nicómü, rü norü nga̱xcueruü̃gü rü úirunaxca̱x nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:10

¡Rü taxṹ i cumuü̃xü̃ naxca̱x i ngẽma ngúxü̃ i tá quingexü̃! Rü Chataná rü tá namu nax poxcupataü̃gu pexü̃ napoxcuexü̃ca̱x i ñuxre i pemax, nax ngẽmaãcü pexü̃ naxüxü̃ca̱x. Rü 10 i ngunexü̃ tá ngúxü̃ pingegü. Natürü woo ngẽmaãcü ngúxü̃ pingegügu rü chanaxwa̱xe i choxü̃́ cuyaxõõma ñu̱xmatáta cuyu̱x. Rü choma rü tá cuxna chanaxã i curü ãmare i maxü̃ i taguma gúxü̃.

Ochéa 2:13

Rü tá chanapoxcue i ngẽma duü̃xü̃gü naxca̱x ga yema ngunexü̃gü ga nagu norü tupananeta ga Baáchicüna̱xãgüca̱x pumarate̱xe yagugüxü̃. Rü yexguma rü ãneramaxã rü nachagümaxã nügü ninga̱xãẽgü nax nüxü̃ yacua̱xüü̃güxü̃ca̱x ga yema norü tupananeta ga Baáchicüna̱xãgü. Rü yemaca̱x choxü̃ inarüngümae. Rü chomax ya Cori ya Tupana nixĩ i nüxü̃ chixuxü̃ i ngẽma —ñanagürü.

Danié 5:29

Rü yexgumatama ga nüma ga ãẽ̱xgacü ga Berchachá rü norü duü̃xü̃güxü̃ namu nax Daniéxü̃ dauxracharaxü̃ ga naxchirugu yacu̱xẽẽgüaxü̃ca̱x, rü wüxi ga cadéna ga úirunaxca̱xmaxã naxüchagügüãxü̃ca̱x. Rü guxãmaxã nüxü̃ nixu nax nüma ya Danié yixĩxü̃ ga norü tomaepü̱xwa naxüxü̃ nax ãẽ̱xgacü yixĩxü̃.

Danié 5:16

Rü nüxü̃ chaxĩnüchiga rü cuma rü cuxü̃́ natauxcha nax cunango̱xẽẽxü̃ i wüxi i nanegü rü cunamexẽẽxü̃ i taxü̃ i guxchaxü̃gü. Rü ngẽxguma chi cha̱u̱xca̱x nüxü̃ cudaumatügu i ngẽma ore i ĩxtapü̱xgu ümatüxü̃ rü chomaxã nüxü̃ quixuxgu nax ta̱xacüchiga yixĩxü̃, rü choma rü naxchiru i dauxracharaxü̃gu tá cuxü̃ chicu̱xẽxẽ, rü úirunaxca̱x ya cadénamaxã tá cuxü̃ chaxüchagü, rü cuma tá quixĩ i chautüü̃wa norü tomaepü̱xwa cuxüxü̃ nax ãẽ̱xgacü quixĩxü̃ —ñanagürü.

Danié 5:7

Rü ñu̱xũchi tagaãcü aita naxü ga ãẽ̱xgacü ga Berchachá, rü naxca̱x nangema ga yema norü ucu̱xẽruü̃gü ga ẽxü̃guxü̃xü̃ cua̱xgüxü̃, rü yema cua̱x nüxü̃́ yexmaxü̃, rü yema Babiróniaanecüã̱x ga woramacuriwa ngúexü̃. Rü ñanagürü nüxü̃: —Yíxema nüxü̃ daumatüxe i ngẽma ngẽxma ümatüxü̃ rü nüxü̃ ixuxe nax ta̱xacüchiga yixĩxü̃, rü naxchiru i dauxracharaxü̃gu tá tüxü̃ chicu̱xẽxẽ, rü úirunaxca̱x ya cadénamaxã tá tüxü̃ chaxüchagü, rü tüma tá tixĩ i choweama i norü tomaepü̱xwa taxüxü̃ nax ãẽ̱xgacü tixĩxü̃ —ñanagürü.

Echequié 23:40

Rü ngẽmawena rü yáarü naanewa inamugü ga ngĩrü orearü ngeruü̃gü nax naxca̱x yacaxü̃ca̱x ga yatügü ga yáxü̃wama yexmagüxü̃. Rü nümagü rü yéma ngĩxü̃tawa naxĩ. Rü ngĩmagü rü yoxni ixaiyagü rü ngĩgü iyachaxchipa̱xetügü rü ngĩrü meruü̃gümaxã ngĩgü iyanga̱xãẽgü nax yemaacü nayauxgüãxü̃ca̱x.

Auxexü̃chiga 5:16

Rü yema pora ga noxri toxü̃́ yexmaxü̃ rü marü inarüxo. Rü ñu̱xma rü taxü̃ i ngechaxü̃wa tangexmagü yerü pecadu taxügü.

Ichaía 28:5

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü, rü norü ãẽ̱xgacü ya mexẽchicü tá nixĩ naxca̱x i ngẽma norü duü̃xü̃gü i íyaxügüxü̃.

Ichaía 3:21

rü ãneragü, rü naraü̃arü ngã̱xãẽruü̃gü,

Charumóü̃arü wiyae 4:9

Pa Mexẽchicü Pa Pacü Pa Cho̱xma̱x, rü wüxitama ga curü dawenümaxã choxü̃́ cugü cungúchaü̃xẽxẽ. Rü yema wüxichimüü̃ ga cuchagümaxã choxü̃ quiyauxãxẽ, rü marü tama yáxna chaxĩnü nax choxü̃́ cungúchaü̃xü̃chixü̃.

Charumóü̃arü wiyae 1:10

Rü cumatügü i cuxmachinügüarü ngãxü̃wa ngẽxmagüxü̃ rü namexẽchi. Rü namexẽchi i cunaxã i cuchagü nawa rütuxü̃.

Ucu̱xẽgüchiga 25:12

Texé ya nüxü̃ ĩnüxe i ucu̱xẽ i cua̱x tüxna ãxü̃, rü ngẽma ucu̱xẽ rü ñoma wüxi i ãnera rü wüxi i nachagü i mexẽchixü̃ i úiruwa üxü̃rüxü̃ nixĩ nax tümaca̱x namexü̃ ya yíxema nayaxúxe.

Yox 42:11

Rü yexgumawena rü guxü̃ma ga naenexẽgü rü naeya̱xgü rü namücügü rü guxü̃ma ga yema duü̃xü̃gü ga ü̃paacü nüxü̃ cua̱xgüxü̃ rü Yoxü̃tawa naxĩ. Rü nachiü̃wa rü namaxã nanaxügü ga wüxi ga taxü̃ ga õna. Rü wüxigu nanataãẽgüxẽxẽ nax tama nagu naxĩnüxü̃ ga yema ngúxü̃ rü guxchaxü̃gü ga Tupana nüxü̃ ingexẽẽxü̃. Rü wüxichigü ga nüma ga yema namücügü rü nüxna ngĩxü̃ nixãchigü ga ñuxre ga diẽru rü wüxi ga ãnera ga úirungixca̱x.

Ester 2:17

Rü yexguma ngĩxü̃ nada̱u̱xgu ga Achuéru rü poraãcü nüxü̃́ ingúchaü̃ guxcü ga naigü ga pacüarü yexera. Rü yemaca̱x ngĩeruwa nayanga̱xcuchi ga yema nga̱xcueruxü̃ ga ãẽ̱xgacüma̱xca̱x ixĩxü̃, rü ngĩxü̃ naxuneta nax naxma̱x yixĩxü̃ ngĩchicüxü ga Báti.

Ãẽ̱xgacügü ga guxchaxü̃güarü mexẽxẽruü̃gü 8:24

Rü ngẽma chanaxwa̱xexü̃ nixĩ nax choxna tüxü̃ pexãxü̃ ya yíxema ãneragü ya perü uanügüna tüxü̃ pepuxü̃güxe —ñanagürü. Yerü nüma ga Madiáü̃tanüxü̃arü churaragü rü úirumaxã nixãneraã̱x yerü nümagü rü duü̃xü̃gü ga úirumaxã ixaneraã́xü̃ nixĩgü.

Lebítanüxü̃arü puracüchiga 8:9

Rü ñu̱xũchi nayangaxcuchipate̱xe. Rü yema napate̱xecatüwa nayaxǘcuchi ga wüxi ga úirutachinü ga nawa nüxü̃ nacua̱xgüxü̃ nax chacherdótegüarü ãẽ̱xgacü yixĩxü̃, yerü yemaacü nixĩ ga Cori ya Tupana ga Moichémaxã nüxü̃ yaxuxü̃.

Ínachoxü̃xü̃chiga 35:22

Rü norü ãmaregümaxã yéma nangugü ga yatüxü̃gü, rü ngexü̃gü. Rü guxü̃ma ga yema duü̃xü̃gü rü norü ngúchaü̃maxã inanaãgü ga ngã̱xãẽruü̃gü rü ãneragü rü naxmachinügü rü nga̱xcuchacüüruü̃gü ga úirunaxca̱x rü ñu̱xũchi naguxü̃raü̃xü̃ ga togü ga meruü̃gü ga úirunaxca̱x ixĩgüxü̃. Rü wüxichigü ga nümagü rü yéma nanana ga norü ãmaregü ga úirunaxca̱x ga Cori ya Tupanana naxãgüxü̃.

Ínachoxü̃xü̃chiga 32:2

Nüma ga Aróü̃ rü nanangãxü̃ rü ñanagürü: —¡Ẽcü pexma̱xgüna rü pexacügüna penade i ngẽma naxmachinügü i úirunaxca̱x, rü nua chauxü̃tawa penana! —ñanagürü.

Naanearü ügüchiga 35:4

Rü yexguma ga yema duü̃xü̃gü, rü Acóbuxü̃tawa nanana ga guxü̃ma ga norü tupanachicüna̱xãgü rü yema naxmachinügü ga namaxã yaxãxmachinüxü̃ ga togü ga tupanagüarü cua̱xruü̃gü ixĩgüxü̃. Rü ĩane ga Chiquéü̃arü ngaicamana rüxüxü̃ne ga castañatüü̃gu Acóbu inanata̱xgü ga yema tupanachicüna̱xãgü rü yema naxmachinügü.

Naanearü ügüchiga 24:53

Rü yemawena nanade ga ãmaregü ga úirunaxca̱x rü diẽrumünaxca̱x rü naxchirugü, rü Rebécana nanana. Rü yexgumarüxü̃ ta ga ngĩenexẽ rü ngĩé rü tüxü̃ naxãmareã̱x.

Echequié 16:17

Rü cunade ga yema nachagügü ga cuxna chanaxãmarexü̃ ga úirunaxca̱x rü diẽrumünaxca̱x, rü yemawa cunaxü ga yatüchicüna̱xãgü nax yemaacü namaxã cungeãẽxü̃ca̱x.