Echequié 15:4 - Tupanaarü Ore

⁴ Rü üxüwaxicatama nixĩ i namexü̃. Rü ngẽxguma nape̱xegüwa nanguxgu nax yaxãxü̃, rü ngẽma norü ngãxü̃mena̱xã rü ã́xwe nixĩ, rü taxuwama name.

Echequié 15:4 Referans Kwoze

Ore i mexü̃ ga Cuáü̃ ümatüxü̃ 15:6

Rü texé ya tama chowa yaxṹẽchaxe rü tá ítata̱xüchi. Rü wüxi i úbachacüxü i daexü̃ rü ipaxü̃ rü üxüwa iguxü̃rüxü̃ tá tixĩ.

Ichaía 27:11

Rü ngẽma naixchacüxügü rü ngẽxguma yapagügu rü ngẽma ngexü̃gü rü norü üxüxü̃ nanade nax ngẽmamaxã naxãxü̃xü̃güxü̃ca̱x. Rü ngẽma duü̃xü̃gü rü nataxuma i norü cua̱x rü ngẽmaca̱x ya Tupana ya norü ngo̱xẽẽruxü̃ rü taxũtáma yáxna namaxã naxĩnü rü bai tá i namaxã yaxãũxãchixü̃.

Wiyaegü 80:16

¡Ẽcü curü numaxã nadai i ngẽma torü uanügü i curü duü̃xü̃güxü̃ daixü̃ rü nagu̱xẽxẽgüchaü̃xü̃!

Popera ga Yudíugü ga yaxõgüxü̃ca̱x ümatüxü̃ 12:29

Erü tórü Tupana, rü wüxi ya üxü ya guxü̃ma ixaxẽẽcü nixĩ.

Popera ga Yudíugü ga yaxõgüxü̃ca̱x ümatüxü̃ 6:8

Natürü ngẽxguma ngẽma naane rü tuxu rü natüanegü i chixexü̃ nawa yaegu, tü taxuwama name. Rü Tupana rü tá chixexü̃ namaxã naxuegu rü üxüwa tá nigu i guxü̃ma i nawa yaexü̃.

Ore i mexü̃ ga Matéu ümatüxü̃ 3:12

Rü nüma rü marü ínamemare nax ñoma i naanewa yadexechiãxü̃ca̱x i norü duü̃xü̃gü ñoma wüxi i yatü trigu naatüna idexechixü̃rüxü̃. Rü ngẽmaãcü tá nayadexechi i ngẽma noxrü ixĩgüxü̃ nax naxü̃tawa nangẽxmagüxü̃ca̱x, natürü ngẽma tama noxrü ixĩgüxü̃ rü tá ínanagu nawa ya yimá üxü ya taguma ixoxü̃ne”, ñanagürü ga Cuáü̃.

Maraquía 4:1

Rü nüma ya Cori ya Tupana ya Guxãétüwa Ngẽxmacü rü ñanagürü: —Rü ningaica i ngẽma ngunexü̃ i ãũcümaxü̃ i nagu tá chanapoxcuexü̃ i ngẽma chixexü̃ ügüxü̃ ñoma üxüemawa yaxaexü̃rüxü̃. Rü guxü̃ma i ngẽma duü̃xü̃gü i nügü írütagüxü̃ rü chixexü̃ ügüxü̃ rü ñoma maxẽ i pacü i üxüxétüwa yata̱xcuchichapa̱xacürüxü̃ tá nixĩgü. Rü ngẽma ngunexü̃gu rü guxü̃táma nixae rü taxuxü̃táma ínayaxügü.

Amúx 4:11

Rü wüxi ga taxü̃ ga guxchaxü̃ pexca̱x íchanguxẽxẽ yema Chodómaca̱x rü Gomóraca̱x íchanguxẽẽxü̃rüxü̃. Rü pema rü ñoma nai i üxüwa ixaxü̃ rü nawa íyaxuchixü̃rüxü̃ pixĩgü. Natürü ga pema rü tama cha̱u̱xca̱x pewoegu —ñanagürü ya Cori ya Tupana.

Echequié 19:14

Rü ngẽma nachacüügüwa rü ninai ya wüxi ya üxü, rü ngẽma ngexwaca rüxügüxü̃ i nachacüügü rü nixae wüxigu norü omaxã. Rü marü nataxuma ga nachacüügü ga iporaxü̃ nax ãẽ̱xgacügüarü naixmena̱xãwa nangugüxü̃. Rü ngẽma nixĩ i wüxi i ngechaü̃arü wiyae, rü name nixĩ i nagu pewiyaegü i ngẽxguma ngechaü̃ ínguxgu.

Ichaía 1:31

Rü yimá yatü ya poracü rü ñoma maxẽ ya ipacürüxü̃ tá nixĩ, rü ngẽma chixexü̃ i naxüxü̃ rü üxüarü ya̱u̱xraxü̃rüxü̃ tá nixĩ. Rü ngẽma taxre rü tá wüxigu niyaura, rü taxucürüwa tá texé tayaxoxẽxẽ —ñanagürü ga Tupana.

Echequié 15:3

¿Rü ngẽma úbane rü taxuwama name? Rü bai i wüxi i ngẽmaxü̃güarü chogüruü̃wa nixĩ nax namexü̃.

Echequié 15:5

Rü ngẽxguma tama yaxaxgu rü taxuwama namexü̃, rü yexera i ñu̱xma nax yaxãxü̃ rü taxuwama name.

Echequié 15:6

Rü ngẽmaca̱x i choma i Cori ya Tupana rü ñachagürü: “Rü ngẽma úbane i üxüxétüwa ita̱xcuchixü̃ nax yaya̱u̱xraxü̃ca̱x, rü ngẽxgumarüxü̃ tá ta nixĩ i ngẽma Yerucharéü̃cüã̱xgü nax üxüwa chayawocuxü̃.