Echequié 14:5 - Tupanaarü Ore

⁵ Rü choma rü ngẽmaãcü tá chaugüca̱x chanawoeguxẽxẽ i guxü̃ma i ngẽma Iraétanüxü̃ ga choxna ĩgachitanüxü̃ naxca̱x ga norü tupananetachicüna̱xãgü.

Echequié 14:5 Referans Kwoze

Ichaía 1:4

Pa Duü̃xü̃gü i Chixexü̃ Ügüxü̃ rü Chixexü̃gu Ímaxẽxü̃x, ngúxü̃ pinge erü pema rü chixexü̃arü üruü̃gütaagü pixĩgü, rü nanegü i pecaduã̱xgüxü̃ pixĩgü. Pema rü marü nüxna pixĩgachi ya Iraétanüxü̃arü Tupana ya üünecü rü marü nüxü̃ perüxoe.

Chacaría 11:8

Rü wüxi ga tauemacügutama rü íchanawoxü̃ ga tomaepü̱x ga norü dauruü̃gü, yerü tama yáxna namaxã chaxĩnü, rü chauxchi naxaie.

Popera ga Yudíugü ga yaxõgüxü̃ca̱x ümatüxü̃ 3:12

Rü ñu̱xma Pa Chauenexẽgüx, rü name nixĩ i pegüna pedaugü nax tama ngürüãchi pechixearü maxü̃ã́xü̃ca̱x, rü ngẽmagagu nax nüxü̃ perüxoexü̃ nax Tupana ya Maxü̃cüaxü̃́ peyaxõgüxü̃.

Colosenses 1:21

Rü pema ga ü̃pa rü Tupanana peyaxü̃gugü rü norü uanügü pixĩgü, yerü naxchi pexaie nagagu ga perü chixexü̃gü ga nagu perüxĩnüexü̃ rü nagu pemaxẽxü̃.

Efesios 4:18

Erü Chataná rü nanatoãẽgü i ngẽma duü̃xü̃gü nax chixexü̃gu naxĩnüexü̃ca̱x. Rü ngẽmaca̱x nüxü̃́ nataxuma i maxü̃ i taguma gúxü̃ i Tupanawa ne ũxü̃, erü tama nüxü̃ nacua̱xgüchaü̃.

Gálatas 6:7

¡Rü pexuãxẽgü nax tama ípetüexü̃ca̱x i perü maxü̃wa! Erü taxucürüwa texé Tupanaxü̃ tawomüxẽxẽ. Rü yíxema chixexü̃ ǘxe, rü chixexü̃ tá tayaxu. Rü yíxema mexü̃ ǘxe, rü mexü̃ tá nixĩ i tayaxuxü̃.

Romanos 8:7

Rü yíxema tümaxü̃nearü ngúchaü̃ca̱x daugüxe rü Tupanamaxã tarüxuanügü. Erü tama Tupanaarü mugüga taxĩnüe rü tama tayanguxẽxẽ.

Romanos 1:30

Rü chixexü̃maxã toguã̱xü̃ nixugüe, rü Tupanachi naxaie, rü toguã̱xmaxã naguxchigagü. Rü nügügu naxĩnüegu rü togüarü yexera nixĩgü, rü nügü nicua̱xüü̃gü. Rü naxca̱x nadaugü nax yexera chixexü̃ naxügüxü̃. Rü tama nanatüga rü naéga naxĩnüechaü̃.

Romanos 1:28

Rü yema nax tama Tupanaxü̃ nacua̱xgüchaü̃xü̃, rü yemaca̱x ga nüma ga Tupana rü düxwa nanayexrü ga yema duü̃xü̃gü nax norü chixexü̃gu naxĩnüexü̃ca̱x rü naxügüã̱xü̃ca̱x ga yema chixexü̃.

Ochéa 10:2

Ngẽma Iraéanecüã̱xgü rü namuarü ĩnüã̱xgü, rü tama Tupanaguxica narüxĩnüe. Rü ngẽmaca̱x i ñu̱xma rü ngẽma norü chixexü̃gagu rü tá napoxcue. Rü nüma ya Cori ya Tupana rü tá inanaxoxẽxẽ i ngẽma ãmarearü guruü̃gü i norü tupananetagüca̱x naxügüxü̃. Rü tá nayapuexẽxẽ i ngẽma nutagü i nüxü̃ yacua̱xüü̃güxü̃.

Yeremía 2:5

Rü nüma ya Cori ya Tupana rü ñanagürü pexü̃: —¿Ta̱xacü rü chixexü̃ chowa nüxü̃ nadaugü ga perü o̱xigü rü yemaca̱x choxna yaxĩgachixü̃ rü nawe naxĩxü̃ ga tupananetachicüna̱xãgü ga ngearü maxü̃ã̱xgüxü̃? Rü yemagagu taxuwama nügü namexẽẽgü.

Yeremía 17:10

Rü choma ya Tupanaxicatama nixĩ i aixcüma chanangugüxü̃ i norü ĩnü i wüxichigü i duü̃xü̃, rü chaxicatama nixĩ i nüxü̃ chacuáxü̃ nax ta̱xacügu naxĩnüxü̃. Rü ngẽma tamaxü̃xü̃ãcütama tá tüxü̃́ chanaxütanü ya wüxíechigü —ñanagürü.