Echequié 14:4 - Tupanaarü Ore

⁴ ¡Rü namaxã idexa rü ñaa orexü̃ namaxã ixu! “Cori ya Tupana rü ñanagürü: ‘Guxü̃ma i ngẽma Iraétanüxü̃ i nügü ixãgüxü̃ nax nüxü̃ yacua̱xüü̃güxü̃ i norü tupananetachicüna̱xãgü, rü ngẽmaxü̃ama narüdaunü nax yexera pecadu naxügüxü̃ca̱x, rü ngẽmawena rü chorü orearü uruxü̃na yacagüxü̃, rü choma rü tá chanamexẽxẽ i ngẽma poxcu i nüxna üxü̃ nagagu nax namuarü tupananetachicüna̱xãgüxü̃’ ” —ñanagürü.

Echequié 14:4 Referans Kwoze

Echequié 14:7

Rü ñanagürü ta: —Rü ngẽxguma wüxi i Iraétanüxü̃ rüe̱xna wüxi i to i nachixü̃anecüã̱x i Iraéanegu ãpataxü̃ choxna ixũgachigu, rü nügü inaxãxgu nax norü tupananetachicüna̱xãgüxü̃ yacua̱xüxü̃xü̃, rü ngẽmaxü̃ama nadawenügu nax yexera pecadu naxüxü̃ca̱x, rü ngẽmawena rü chorü orearü uruxü̃na yacaxgu, rü chomatátama chanangãxü̃.

Ichaía 66:4

Natürü choma rü tá ta nüxü̃ chaxuneta i ngẽma poxcu i namaxã tá chanapoxcuexü̃. Rü tá naxca̱x íchananguxẽxẽ i ngẽma guxchaxü̃ i poraãcü nüxü̃ namuü̃exü̃. Erü ngéma ichacagü natürü taxúema choxü̃ tangãxü̃, rü ngẽxguma chidexagu rü taxúema choxü̃ taxĩnü. Rü nanaxü i ngẽma tama chanaxwa̱xexü̃, rü nagu namaxẽ i ngẽma tama namaxã chataãẽxü̃ —ñanagürü ga Tupana.

Ichaía 3:11

Natürü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃ i chixexü̃gu maxü̃xü̃. Rü ngẽma chixexü̃ i naxüxü̃gagu rü tá guxchaxü̃ naxca̱x ínangu. Erü Cori ya Tupana rü ngẽma chixexü̃ i naxüxü̃ca̱x tá nanapoxcu.

Echequié 3:4

Rü yemawena rü ñanagürü choxü̃: —¡Inaxũãchi rü Iraétanüxü̃maxã nüxü̃ yarüxu i ngẽma ore i namaxã nüxü̃ chixuxchaü̃xü̃!

Echequié 2:7

¡Rü cumax rü namaxã nüxü̃ ixuama i ngẽma chorü ore rü woo tama cuxü̃́ inaxĩnüegu! Erü nüma rü tama irüxĩnüechaü̃xü̃ nixĩgü.

Norü taxre ga popera ga ãẽ̱xgacügüchiga 1:16

Rü yexguma ãẽ̱xgacüxü̃tawa nanguxgu ga Ería rü ãẽ̱xgacüxü̃ ñanagürü: —Cori ya Tupana rü ñanagürü cuxü̃: “Yema nax Baá-chebú i Ecróü̃arü tupananetaxü̃tawa nax cunamugüxü̃ i orearü ngeruü̃gü nax nüxna yacagüxü̃ca̱x i curü da̱xawechiga, ñoma nataxuxü̃rüxü̃ ya Tupana i Iraéanewa nax nüxna cuca̱xü̃ca̱x, rü ngẽmaca̱x taxũtáma ícurüda i curü pechicaü̃wa, rü tá cuyu” —ñanagürü cuxü̃.

Echequié 14:6

¡Rü ngẽmaca̱x Iraétanüxü̃maxã nüxü̃ ixu i ñaa ore! —Cori ya Tupana rü ñanagürü: “¡Cha̱u̱xca̱x pewoegu, rü nüxna pixĩgachitanü i ngẽma perü tupananetachicüna̱xãgü! ¡Rü nüxü̃ perüxoe i guxü̃ma i ngẽma chixexü̃ i nacüma i ãũãchixü̃!” —ñanagürü.

Echequié 44:12

Rü nümagü nixĩ ga yema Iraétanüxü̃maxã inacua̱xüü̃gü ga yexguma tupananetachicüna̱xãgüxü̃ yacua̱xüü̃gügu. Rü yemaacü yema Iraétanüxü̃xü̃ pecadugu nayixẽxẽ. Rü ngẽmaca̱x i ngẽma Lebítanüxü̃ rü tá nanaxütanügü ga yema chixexü̃ ga naxügüxü̃. Rü ngẽma nixĩ i choma ya Cori ya Tupana namaxã chaxueguxü̃.

Chofonía 1:3

Rü tá ichayanaxoxẽxẽ i duü̃xü̃gü, rü naeü̃gü, rü ngẽxgumarüxü̃ tá ta i werigü, rü choxnigü. Rü tá naxca̱x íchayagoõchi i ngẽma chixexü̃arü üruü̃gü, rü tá chanadai. Rü tá ichayanaxoxẽxẽ i guxü̃ma i duü̃xü̃gü i ñoma i naanewa, rü taxuxü̃táma ínayaxü —ñanagürü. Rü ngẽma nixĩ i nüxü̃ yaxuxü̃ ya Cori ya Tupana.